കൊച്ചി റിഫൈനറിയില്‍ ഡ്രൈവര്‍മാരുടെ സമരത്തെ തുടര്‍ന്ന് പാചകവാതക വിതരണം പൂര്‍ണമായും നിലച്ചു. ക്ളീനര്‍മാരെ നിയമിക്കണം എന്നാവശ്യപ്പെട്ട് ഭാരത് ഗ്യാസിന്റെ ടാങ്കര്‍ ഡ്രൈവര്‍മാരാണ് സമരം നടത്തുന്നത്. എല്ലാ ഡ്രൈവര്‍മാരും സമരത്തില്‍ പങ്കെടുത്തതോടെ ഒമ്പത് ജില്ലകളിലേക്കുള്ള പാചകവാതക വിതരണം അവതാളത്തിലായി. അടുത്തദിവസം മുതല്‍ തന്നെ ഇവിടങ്ങളില്‍ പാചകവാതക ക്ഷാമത്തിനും ഇത് കാരണമാകും.

9 ജില്ലകളിലായി 60 ഡീലര്‍മാരാണ് ഭാരത് ഗ്യാസിനുള്ളത്. ആവശ്യം അംഗീകരിക്കാതെ സമരം പിന്‍വലിക്കില്ലെന്ന നിലപാടിലാണ് ലോറി ഡ്രൈവര്‍മാര്‍. ഇതോടെ മദ്ധ്യ കേരളത്തിലും മലബാറിലും ഗ്യാസ് വിതരണം മുടങ്ങിത്തുടങ്ങി. ആവശ്യം അംഗീകരിക്കാനാവില്ലെന്നാണ് മുമ്പ് നടത്തിയ സമരത്തില്‍ മാനേജ്‌മെന്റ് നിലപാടെടുത്തത്. ഇപ്പോഴും തീരുമാനത്തില്‍ മാറ്റമില്ലെന്നാണ് സൂചന.

വിതരണം പൂര്‍ണമായും സ്തംഭിക്കുന്നതോടെ ഗാര്‍ഹിക ഉപഭോക്താക്കള്‍ വലയും. സമരം നീണ്ടാല്‍ വിഷു ആഘോഷത്തെയും ബാധിക്കും. അപകടങ്ങള്‍ പതിവാകുന്ന സാഹചര്യത്തില്‍ നാട്ടുകാരുടെയും പൊലീസുകാരുടെയും ഭീഷണികളും പരിശോധനകളും ഒറ്റയ്ക്ക് ചെറുക്കാനാവില്ലെന്നും ക്‌ളീനര്‍മാരെ വച്ചാല്‍ കുറെക്കൂടി കാര്യക്ഷമമാകുമെന്നും െ്രെഡവര്‍മാര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha