കളിക്കുന്നതിനിടെ കത്തി തലയില്‍ തുളച്ചുകയറി നാലുവയസുകാരന് ദാരുണാന്ത്യം. അടിമാലിയിലാണ് സംഭവം. മച്ചിപ്ലാവ് ചെരപ്പുറത്ത് സജിയുടെ ഏക മകന്‍ ആല്‍ബിന്‍ സജിയാണ് കത്തി തുളച്ചുകയറി മരിച്ചത്. ബുധനാഴ്ച ഉച്ചകഴിഞ്ഞു മൂന്നു മണിയോടെയായിരുന്നു സംഭവം. സജിയുടെ വീടിനു സമീപത്തു താമസിക്കുന്ന ജ്യേഷ്ഠന്‍ വര്‍ഗീസിന്റെ മക്കളായ സിനി, ബേസില്‍ എന്നിവരോടൊപ്പം കളിക്കുബോഴായിരുന്നു അപകടം.
കസേരയില്‍ ആല്‍ബിന്‍ ഇരിക്കുന്നതുകണ്ട് സിനി കുളിക്കാന്‍ പോയി. അതിനെടെ സുഹൃത്തുക്കള്‍ വന്നതോടെ ബേസില്‍ പുറത്തേക്കും പോയി. ഇതിനിടെ ആല്‍ബില്‍ കളിക്കുകയായിരുന്നു. കുളി കഴിഞ്ഞ് പുറത്തിറങ്ങിയ സിനി കണ്ടത് കസേര മറിഞ്ഞുകിടക്കുന്നതും ആല്‍ബിന്‍ തലയില്‍ കത്തി തുളഞ്ഞു കയറിയ നിലയിലുമായിരുന്നു. ഉടന്‍ തന്നെ അബോധാവസ്ഥയിലായിരുന്ന ആല്‍ബിനെയെടുത്ത് സിനി റോഡിലേക്ക് ഓടി. സമീപവാസികളുടെ സഹായത്തോടെ സ്വകാര്യ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു.
ഇടതുചെവിയുടെ താഴെയായി ഉണ്ടായ ആഴമേറിയ മുറിവിലൂടെ രക്തം വാര്‍ന്നു പോയതാണ് മരണകാരണമെന്നാണ് ഡോക്ടര്‍മാര്‍ പറഞ്ഞു. മച്ചിപ്ലാവ്കുടി അംഗന്‍വാടി വിദ്യാര്‍ത്ഥിയായിരുന്നു ആല്‍ബിന്‍. സജിയുടെ ജ്യേഷ്ഠന്‍ വര്‍ഗീസ് (ബെനോച്ചന്‍) ചെവിക്ക് ശസ്ത്രക്രിയയായതിനാല്‍ കോലഞ്ചേരി ആശുപത്രിയിലായിരുന്നു.
എസ്.ഐ: ഇ.കെ. സോള്‍ജിമോന്റെ നേതൃത്വത്തില്‍ ഇന്‍ക്വസ്റ്റ് തയാറാക്കിയ ശേഷം ആല്‍ബിന്റെ മൃതദേഹം പോസ്റ്റ്‌മോര്‍ട്ടത്തിനായി കോട്ടയം മെഡിക്കല്‍ കോളജ് ആശുപത്രിയിലേയ്ക്കു മാറ്റി. പിതാവ് സജി പനംകൂട്ടി ഫോറസ്റ്റ് സ്‌റ്റേഷനിലെ പാര്‍ട്ട്‌ടൈം ജീവനക്കാരനാണ്. കുട്ടമ്പുഴ ഉരുളന്‍തണ്ണി സ്വദേശിനി നിമ്മിയാണ് മാതാവ്. സംസ്‌കാരം ഇന്ന് ഉച്ചയോടെ മച്ചിപ്ലാവ് സെന്റ് ജോര്‍ജ് യാക്കോബായ സുറിയാനി പള്ളിയില്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha