ബിഹാറിനെയും ഉത്തര്‍പ്രദേശിനെയും നാണിപ്പിക്കും വിധം കേരളത്തില്‍ പീഡനം ; വയനാട്ടില്‍ ഏഴ് ആദിവാസി പെണ്‍കുട്ടികളെ മദ്യം നല്‍കിയും വിവാഹ വാഗ്ദാനം നല്‍കിയും കെട്ടിയിട്ട് പീഡിപ്പിച്ചു
കേരളം പീഡനങ്ങളുടെ കാര്യത്തില്‍ മറ്റു സംസ്ഥാനങ്ങളെ കടത്തിവെട്ടി മുന്നിലേക്ക്. എന്നും ചൂഷണങ്ങള്‍ക്ക് മാത്രം വിധേയരാകുന്ന വയനാട്ടിലെ ആദിവാസി പെണ്‍കുട്ടികള്‍ക്കെതിരെ നടന്ന ക്രൂരതയുടെ വാര്‍ത്ത മലയാളി മനസ്സാക്ഷിയെ തന്നെ ഞെട്ടിക്കുന്നതാണ്. പ്രായപൂര്‍ത്തിയാകാത്ത ഏഴ് ആദിവാസി പെണ്‍കുട്ടികളെ വിവാഹ വാഗ്ദാനം നല്‍കിയും മദ്യംനല്‍കി മയക്കിയും ലൈംഗികമായി പീഡിപ്പിച്ചുവെന്നതാണ് വാര്‍ത്ത. ഏഷ്യാനെറ്റ് ന്യൂസ് ചാനലാണ് ഞെട്ടിക്കുന്ന ഈ വാര്‍ത്ത റിപ്പോര്‍ട്ട് ചെയ്തത്. രക്ഷിതാക്കള്‍ കൂലിവേലയ്ക്ക് പോകുന്ന വേളയിലും ആളൊഴിഞ്ഞ തക്കം നോക്കിയുമാണ് പെണ്‍കുട്ടികളെ ക്രൂരമായി പീഡിപ്പിച്ചത്. കാട്ടിനുള്ളിലും റബര്‍ തോട്ടത്തിലും മറ്റുമായി നിര്‍ബന്ധിച്ച് കൊണ്ടുപോയിട്ടായിരുന്നു പീഡനം.
പീഡനസംഭവത്തെ ഭയന്ന് ഇപ്പോള്‍ രക്ഷിതാക്കള്‍ അഞ്ചു വയസു കഴിഞ്ഞാല്‍ പെണ്‍കുട്ടികളെ കോളനിയില്‍ നിര്‍ത്താന്‍ മടിക്കുകയാണ്. സംഭവം ആവര്‍ത്തിച്ചുവന്ന സാഹചര്യത്തിലാണ് ഒരു രക്ഷിതാവ് പൊലീസില്‍ പരാതി നല്‍കിയത്. എന്നാല്‍, പിന്നീടുണ്ടായത് ഉത്തരേന്ത്യന്‍ സംസ്ഥാനങ്ങളെ പോലും നാണിപ്പിക്കുന്ന സംഭവമായിരുന്നുന്നു. പരാതി നല്‍കിയെന്ന കാരണത്താല്‍ പെണ്‍കുട്ടികളെയും രക്ഷിതാക്കളെയും മര്‍ദ്ദിക്കുകയാണ് ഉണ്ടായത്. പൊലീസ് അന്വേഷണത്തിനെന്ന പേരില്‍ വന്നുപോയതിന് ശേഷമായിരുന്നു ഇത്.
പീഡിപ്പിക്കപ്പെട്ട കാര്യം പൊലീസിനോട് പറഞ്ഞിട്ടും കേസെടുക്കാന്‍ പോലും തയ്യാറായില്ലെന്നത് കേരളാ പൊലീസിനും നാണക്കേടായി. പരാതിപ്പെട്ടതിനു തങ്ങളെ പ്രദേശവാസികള്‍ കെട്ടിയിട്ട് മര്‍ദിച്ചുവെന്നും പീഡനത്തിന് ഇരയായ പെണ്‍കുട്ടികള്‍ പറഞ്ഞു. അമ്പലവയലിലെ പുറ്റാട് മലയച്ചന്‍ കോല്ലി കോളനിയിലാണ് പെണ്‍കുട്ടികളെ പീഡിപ്പിച്ചത്. വിവാഹ വാഗ്ദാനം നല്‍കിയാണു ചിലരെ പീഡിപ്പിച്ചതെങ്കില്‍ മറ്റു ചിലരെ പീഡിപ്പിച്ചത് നിര്‍ബന്ധിച്ചു മദ്യം നല്‍കിയാണ്.
പ്രദേശത്തെ നാടന്‍ പ്രമാണിമാര്‍ തന്നെയാണ് നിരാലംബരായ ആദിവാസി പെണ്‍കുട്ടികളുടെ മേല്‍ ലൈംഗിക ദാഹം തീര്‍ത്തത്. ഇത്തരക്കാര്‍ക്ക് കോളനിയിലെതന്നെ ചില സ്ത്രീകള്‍ ഒത്താശയും ചെയ്തതായി ഏഷ്യാനെറ്റ് ന്യൂസ് റിപ്പോര്‍ട്ടില്‍ പറയുന്നു.
സംഭവത്തില്‍ പരാതി നല്‍കിയിട്ട് പോലും പൊലീസ് കേസെടുത്തില്ലെന്ന ആക്ഷേപത്തിന്റെ പശ്ചാത്തലത്തിലാണ് വിഷയത്തില്‍ ആഭ്യന്തര മന്ത്രി നേരിട്ട് ഇടപെട്ടത്. പരാതി നല്‍കിയിട്ടും സ്വീകരിക്കാത്ത പൊലീസുകാര്‍ക്കെതിരേയും നടപടിയെടുക്കുമെന്ന് ആഭ്യന്തരമന്ത്രി ആവശ്യപ്പെട്ടിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
