വ്യാജ ജാതി, വരുമാന സര്ട്ടിഫിക്കറ്റുകള് ഹാജരാക്കി; സബ് കളക്ടറുടെ ഐ.എ.എസ് റദ്ദാക്കന് ശുപാര്ശ; നടപടി തലശ്ശേരി സബ് കളക്ടര് ആസിഫ് കെ.യൂസഫിനെതിരെ
വ്യാജ ജാതി, വരുമാന സര്ട്ടിഫിക്കറ്റുകള് ഹാജരാക്കി സര്ക്കാരിനെ കമ്പളിപ്പിച്ച് സിവില് സര്വീസ് പരീക്ഷയില് തിരുമാറി നടത്തിയതിന് സബ് കളക്ടറുടെ ഐ.എ.എസ് റദ്ദാക്കാന് ശുപാര്ശ. തലശ്ശേരി സബ് കളക്ടര് ആസിഫ് കെ. യൂസഫിന്റെ ഐ.എ.എസ്. പദവിയാണ് റദ്ദാക്കാന് കേന്ദ്ര പേഴ്സണല് മന്ത്രാലയം ചീഫ് സെക്രട്ടറിക്ക് കത്തയച്ചത്.
ആസിഫ് വ്യാജ സര്ട്ടിഫിക്കറ്റുകള് നല്കി ഐ.എ.എസ് നേടിയെന്ന പരാതിക്കും പിന്നാലെയാണ് നടപടി. ആസിഫിന്റെ ഒ.ബി.സി സര്ട്ടിഫിക്കറ്റും വരുമാന സര്ട്ടിഫിക്കറ്റും റദ്ദാക്കണമെന്നും നിര്ദേശം നല്കിട്ടുണ്ട്. ആസിഫ് കെ.യുസഫിനെതിരെ ഓള് ഇന്ത്യ സര്വീസ് പ്രൊബോഷന് നിയമത്തിലെ ചട്ടം 12 പ്രകാരം നടപടിയെടുക്കാനാണ് നിര്ദേശം. ആസിഫ് വ്യാജ സര്ട്ടിഫിക്കറ്റുകള് നല്കിയാണ് ഐ.എസ്.എസ് നേടിയതെന്ന് അന്വേഷണത്തില് ബോധ്യപ്പെട്ടുവെന്നാണ് റിപ്പോര്ട്ടില് പറയുന്നത്. പരിക്ഷ എഴുതുന്നതിന് തൊട്ടുമുമ്പുള്ള മൂന്ന് സാമ്പത്തിക വര്ഷത്തില് ഏതെങ്കിലും ഒരു വര്ഷം കുടുംബത്തിന്റെ വാര്ഷിക വരുമാനം ആറുലക്ഷത്തില് താഴെയാകണമെന്നതാണ് ഒ.ബി.സി സംവരണത്തിനുള്ള മാനദണ്ഡം. എന്നാല് മൂന്നു സാമ്പത്തിക വര്ഷങ്ങളില് ആസിഫിന്റെ വാര്ഷിക വരുമാനം ആറുലക്ഷത്തില് കൂടുതലാണെന്ന് തെളിഞ്ഞു. ആസിഫിന്റെ ഒ.ബി.സി സര്ട്ടിഫിക്കറ്റും വരുമാന സര്ട്ടിഫിക്കറ്റും റദ്ദാക്കണമെന്നും നിര്ദേശമുണ്ട്. വ്യാജ സര്ട്ടിഫിക്കറ്റ് നല്കിയ കണയന്നൂര് തഹസില്ദാര്മാര്ക്കെതിരെയും നടപടിയെടുക്കാന് നിര്ദേശമുണ്ട്.
നിലവില് ആസിഫിന് ഇതുവരെ ഐ.എ.എസ് നല്കി സ്ഥിരപ്പെടുത്തിയിട്ടില്ല. സംസ്ഥാന സര്ക്കാരിന് നിന്ന് വിജിലന്സ് ക്ലിയറന്സ് കിട്ടാത്തതിനാലാണ് ആസിഫ് പ്രൊബേഷനില് തുടരുന്നതെന്നാണ് സൂചന. അതിനാല് കൂടുതല് അന്വേണം ആവശ്യമില്ലെന്നും സംസ്ഥാന സര്ക്കാരിനു തന്നെ നടപടിയെടുക്കാമെന്നും കേന്ദ്ര പേഴ്സണല് മന്ത്രാലയത്തിന്റെ നിര്ദേശത്തില് പറഞ്ഞു. അടിയന്തരമായി നടപടി എടുക്കണമെന്ന് ആവശ്യപ്പെട്ട് മെയ് 11 ന് കേന്ദ്ര പേഴ്സണല് മന്ത്രാലയം കത്തഴിച്ചിട്ടും സംസ്ഥാന സര്ക്കാര് ഇതുവരെ തീരുമാനമെടുത്തിട്ടില്ല.
https://www.facebook.com/Malayalivartha