കടം വീട്ടാന്‍ നിവര്‍ത്തിയില്ലാതെ വന്നപ്പോള്‍ അവസാനം കൊമ്പന്‍മീശയുള്ള പലിശക്കാരന്‍ 15കാരിയായ മകളെ ആവശ്യപ്പെടുമെന്ന് ഓരിക്കലും വിചാരിച്ചില്ല. കടം വീട്ടാനാകാതെ അവസാനം ചൊവ്വാഴ്ച്ച പലിശക്കാരന് തന്റെ സ്‌കൂളില്‍ പഠിക്കുന്ന മകളെ കെട്ടിച്ചുകൊടുക്കേണ്ട ഗതികേടാണ് ഈ മാതാപിതാക്കള്‍ക്ക് വന്നത്. കടം വാങ്ങിയ പണം മടക്കിക്കൊടുക്കാനാകാത്തതിനാല്‍ പതിനഞ്ചുകാരിയായ മകളെ മാതാപിതാക്കള്‍ പലിശക്കാരനു വിവാഹം കഴിച്ചു നല്‍കിയെന്നു പിതാവിന്റെ സഹോദരനാണ് പോലീസില്‍ പരാതി നല്‍കിയത്. മാവടി സ്വദേശിനിയായ പെണ്‍കുട്ടിയാണ് ബാലവിവാഹത്തിന്റെ ഇര. മാവടി മേഖലയില്‍ പണം പലിശയ്ക്കു നല്‍കുന്ന 36 വയസുകാരനാണ് പെണ്‍കുട്ടിയെ ഭീഷണിപ്പെടുത്തി വിവാഹം ചെയ്തത്. തമിഴ്‌നാട്ടിലെ ഇയാളുടെ വീട്ടില്‍ ചൊവ്വാഴ്ച ആയിരുന്നു വിവാഹം.
ഇയാളില്‍നിന്നു വാങ്ങിയ പണം മടക്കി നല്‍കാനാകാതെ വന്നതിനെത്തുടര്‍ന്ന് സാധിക്കാതെ കൗമാരക്കാരിയായ മകളെ വിവാഹം ചെയ്തു നല്‍കുകയായിരുന്നെന്നു പിതാവിന്റെ സഹോദരനും നാട്ടുകാരും ആരോപിക്കുന്നു. പെണ്‍കുട്ടിയുടെ ബന്ധുക്കളോ നാട്ടുകാരോ അറിയാതെ രഹസ്യമായാണ് വിവാഹം നടത്തിയത്. വിവരം തിരക്കിയെത്തിയ പിതൃസഹോദരന്‍ അടക്കമുള്ളവരെ പലിശക്കാരനും കൂട്ടരും ഭീഷണിപ്പെടുത്തിയെന്നും പരാതിയുണ്ട്.
തേനി വീരപാണ്ടി പോലീസ് സ്‌റ്റേഷന്‍ പരിധിയിലുള്ളയാളാണ് പലിശക്കാരന്‍. പെണ്‍കുട്ടിയുടെ കുടുംബത്തെ വേനല്‍ അവധി ആരംഭിച്ചപ്പോള്‍ മുതല്‍ വീട്ടില്‍നിന്നു കാണാതായിരുന്നു.
തുടര്‍ന്നു പിതൃസഹോദരന്‍ അന്വേഷണം നടത്തിയപ്പോള്‍ പെണ്‍കുട്ടി ഒഴികെയുള്ളവര്‍ വീരപാണ്ടിയിലെ കുടുംബവീട്ടില്‍ ഉള്ളതായി അറിഞ്ഞു.
പെണ്‍കുട്ടിയെക്കുറിച്ചു കൂടുതലായി അന്വേഷിച്ചപ്പോഴാണു വിവാഹം നടന്നത് അറിയുന്നത്. ഇതുസംബന്ധിച്ചു തമിഴ്‌നാടു മുഖ്യമന്ത്രിക്കും അഭ്യന്തരമന്ത്രിക്കും ഉന്നത പോലീസ് ഉദ്യോഗസ്ഥര്‍ക്കും ചൈല്‍ഡ് ലൈനും പരാതി നല്‍കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha