തന്റെ വിവാഹം നടന്നിട്ടില്ലെന്ന് നെടുങ്കണ്ടത്ത് ശൈശവ വിവാഹം നടന്നെന്ന് ആരോപിക്കപ്പെട്ട പെണ്‍കുട്ടി മജിസ്‌ട്രേറ്റിന് മൊഴി നല്‍കി. തന്റെ വിവാഹം നടന്നിട്ടില്ലെന്നും അമ്മയുടെ ചികിത്സയ്ക്കായാണ് തമിഴ്‌നാട്ടില്‍ പോയതെന്നും പെണ്‍കുട്ടി മൊഴി നല്‍കി. മുമ്പ് കടത്തിന് പകരം നെടുങ്കണ്ടം സ്വദേശികളായ മാതാപിതാക്കള്‍ ഒമ്പതാം ക്ലാസില്‍ പഠിക്കുന്ന പെണ്‍കുട്ടിയെ ശെല്‍വരാജ് എന്നയാള്‍ക്ക് വിവാഹം കഴിച്ച് നല്‍കിയെന്ന വാര്‍ത്തകള്‍ പുറത്ത് വന്നിരുന്നു. എന്നാല്‍ വിവാഹം നടന്നെന്ന വാര്‍ത്ത വ്യാജമാണെന്ന് പെണ്‍കുട്ടി പറഞ്ഞു. അമ്മയുടെ കാല്‍ ഒടിഞ്ഞതിനാല്‍ ചികിത്സയ്ക്കായി ഉസലംപെട്ടിയില്‍ പോയതാണെന്ന് കുട്ടി പറഞ്ഞു.
മാര്‍ച്ച് 30ന് പരീക്ഷയ്ക്ക് ശേഷം അച്ഛനോപ്പമാണ് താന്‍ ഉസലംപെട്ടിയിലുള്ള അമ്മയുടെ വീട്ടില്‍ പോയത്. തന്നെ വിവാഹം കഴിക്കാന്‍ താത്പര്യം കാട്ടിയ ശെല്‍വരാജും മാതാപിതാക്കളും അമ്മയെ കാണാന്‍ ഉസലം പെട്ടിയില്‍ എത്തിയിരുന്നു. അവിടെയും വിവാഹ ചര്‍ച്ചകള്‍ നടന്നുവെങ്കിലും തനിക്ക് പഠിച്ച ടീച്ചറാകണമെന്നും, അതിനു ശേഷമേ വിവാഹം കഴിക്കൂ എന്നും പെണ്‍കുട്ടി മാതാപിതാക്കളെയും ശെല്‍വരാജിനെയും അറിയിച്ചതായി മൊഴിയില്‍ പറയുന്നു.

അതേസമയം ശെല്‍വരാജുമായുള്ള വിവാഹത്തിന് താത്പര്യമാണെന്ന് മാതാപിതാക്കളോട് പറഞ്ഞതായി പെണ്‍കുട്ടി സമ്മതിക്കുന്നുണ്ട്. തനിക്ക് ഇപ്പോള്‍ 17 വയസുണ്ട്, ശെല്‍വരാജിന് 26 വയസും പ്രായപൂര്‍ത്തിയാകുന്നതിന് മുമ്പ് വിവാഹത്തിന് സമ്മതിക്കില്ലെന്നും പെണ്‍കുട്ടി പറഞ്ഞു. ശെല്‍വരാജില്‍ നിന്നും പണം വാങ്ങിയിട്ടില്ലെന്നും അച്ഛന്റെ സഹോദരനുമായി സ്വത്ത് തര്‍ക്കമുള്ളതായും പെണ്‍കുട്ടി പറഞ്ഞു. മുമ്പ് വിവാഹം നടന്നെന്നുള്ള വാര്‍ത്ത കുട്ടിയുടെ അച്ഛന്റെ സഹോദരനാണ് പുറത്ത് വിട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha