പ്രണയാഭ്യര്‍ത്ഥന നിരസിച്ച യുവതിയെ കാറിടിച്ച് കൊല്ലാന്‍ ശ്രമം. കൊലയാളി രൂപം പൂണ്ട യുവാവിന്റെ പരാക്രമത്തില്‍ നാട് നടുങ്ങി. രക്ഷിക്കാനെത്തിയവരെയും ഇടിച്ചിട്ട് കാറുമായി യുവാവ് കടന്നു. ഇയാള്‍ക്കായി പൊലീസ് തെരച്ചില്‍ ഊര്‍ജിതമാക്കി.
കാറിടിച്ചു ഗുരുതരമായി പരിക്കേറ്റ യുവതിയെ അടിയന്തര ശസ്ത്രക്രിയയ്ക്കു വിധേയയാക്കി. തൃശൂര്‍ സുബ്രഹ്മണ്യന്‍ കോവില്‍ റോഡില്‍ രാവിലെ പതിനൊന്നോടെയാണ് സംഭവം.
പെണ്‍കുട്ടിയെ രക്ഷിക്കാന്‍ ശ്രമിച്ചവരെയും കാറിടിച്ചുവീഴ്ത്തി. അഞ്ചുപേര്‍ക്കു പരിക്കേറ്റു. കാറിടിച്ചതിനെ തുടര്‍ന്നു ആശുപത്രിയില്‍ ഉള്ളവരില്‍ രണ്ടുപേരുടെ നില ഗുരുതരമാണ്. സംഭവവുമായി ബന്ധപ്പെട്ടു കാറിന്റെ ഉടമയെ കസ്റ്റഡിയിലെടുത്തു ചോദ്യം ചെയ്തു. തന്റെ മകനാണ് കാര്‍ ഓടിച്ചിരുന്നതെന്ന് കസ്റ്റഡിയിലായ ആള്‍ മൊഴി നല്‍കി.
ക്ഷേത്ര ദര്‍ശനത്തിന് ശേഷം മടങ്ങുകയായിരുന്ന യുവതിയെയാണ് അക്രമി കാര്‍ ഇടിച്ചിട്ടത്. യുവതിയെ രക്ഷിക്കാന്‍ നാട്ടുകാര്‍ ശ്രമിക്കുന്നതിനിടെ, കാറുമായി തിരിച്ചെത്തിയ അക്രമി വീണ്ടും കാറിടിക്കാന്‍ ശ്രമിച്ചു. കൂടുതല്‍ പേര്‍ സംഭവസ്ഥലത്ത് എത്തിയതോടെ അക്രമി കാറുമായി കടന്നുകളഞ്ഞു.
പെണ്‍കുട്ടി പ്രണയാഭ്യര്‍ത്ഥന നിരസിച്ചതുമായിബന്ധപ്പെട്ട് നേരത്തെയും പ്രശ്‌നമുണ്ടായിട്ടുണ്ടെന്ന് പൊലീസ് പറയുന്നു. കാര്‍ ഓടിച്ചിരുന്ന യുവാവിനായി പൊലീസ് തെരച്ചില്‍ തുടരുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha