യുഡിഎഫിലെ ഘടകകക്ഷികളുടെ മേല്‍ സ്‌പെഷ്യല്‍ ബ്രാഞ്ച് നിരീക്ഷണമുണ്ടെന്ന് കണ്‍വീനര്‍ പിപി തങ്കച്ചന്റെ വെളിപ്പെടുത്തല്‍ വിവാദത്തില്‍. റിപ്പോര്‍ട്ടര്‍ ടിവിക്കു നല്‍കിയ അഭിമുഖത്തിലാണ് തങ്കച്ചന്‍ വിവാദ വെളിപ്പെടുത്തല്‍ നടത്തിയത്.
അഞ്ച് എംഎല്‍എമാരെ തങ്ങളോടു ചേര്‍ത്ത് യുഡിഎഫിനെ അട്ടിമറിക്കാന്‍ എല്‍ഡിഎഫ് ശ്രമിച്ചെന്നും അതുകൊണ്ട് ഘടകകക്ഷികള്‍ക്കുമേല്‍ സ്‌പെഷ്യല്‍ ബ്രാഞ്ച് നിരീക്ഷണമുണ്ടെന്നുമാണ് തങ്കച്ചന്‍ വെളിപ്പെടുത്തിയത്. അതേസമയം, ഘടകകക്ഷികളെ നിരീക്ഷിക്കുന്ന സര്‍ക്കാര്‍ നടപടി മുന്നണിയിലെ സുഹൃത്തുക്കളെ വിശ്വാസമില്ലാത്തതിനാലാണെന്നു പ്രതിപക്ഷ നേതാവ് വി എസ് അച്യുതാനന്ദന്‍ പറഞ്ഞു.
യുഡിഎഫ് വിട്ട് ഒരു ഘടകകക്ഷിയും പോകില്ല. പരനാറി എന്ന് വിളിച്ച പിണറായി വിജയന്റെ അടുത്തേക്ക് അന്തസുള്ളവര്‍ പോകുമോ. എല്‍ഡിഎഫ് ആര്‍എസ്പി ചര്‍ച്ചകള്‍ നടക്കുന്നുണ്ടോ എന്നറിയില്ല. ജെഡിയു യുഡിഎഫ് വിട്ടു പോകില്ല. ഈ സര്‍ക്കാരിന്റെ കാലാവധി തീരുംവരെ അവരുണ്ടാകുമെന്നും തങ്കച്ചന്‍ പറഞ്ഞു. കെ എം മാണിക്ക് സിപിഐഎം മുഖ്യമന്ത്രിപദം പോലും വാഗ്ദാനം ചെയ്തിരുന്നതായും ഈ കാര്യങ്ങെളാന്നും അവര്‍ നിഷേധിച്ചിട്ടില്ലെന്നും തങ്കച്ചന്‍ പറഞ്ഞു.
അതേസമയം തങ്കച്ചന്റെ വെളിപ്പെടുത്തലിനെതിരെ പ്രതിപക്ഷ നേതാവ് വി എസ് അച്യുതാനന്ദന്‍ രംഗത്തെത്തി. ഘടകകക്ഷികളെ ഗവണ്‍മെന്റിന് വിശ്വാസമില്ലാത്തതുകൊണ്ടാണ് ഇത്തരം നടപടികളെന്ന് വിഎസ് കുറ്റപ്പെടുത്ത.

സര്‍ക്കാരിനെ അട്ടിമറിക്കാനുള്ള നീക്കങ്ങളെ കുറിച്ച് അറിയാന്‍ ഘടക കക്ഷികളടക്കം എല്ലാ രാഷ്ട്രീയ പാര്‍ട്ടികളെയും സ്‌പെഷല്‍ ബ്രാഞ്ച് നിരീക്ഷിച്ചിരുന്നു. അത് സ്‌പെഷല്‍ ബ്രാഞ്ചിന്റെ കടമയാണ്. സ്‌പെഷല്‍ ബ്രാഞ്ച് രൂപീകരിച്ചിട്ടുള്ളതും അതിനു വേണ്ടിയാണ്. സര്‍ക്കാരിനെതിരായ അട്ടിമറി നീക്കങ്ങള്‍ അറിയാന്‍ ഇത്തരം പരിശോധനകള്‍ സ്വാഭാവികമായും സഹായിക്കുമെന്നും തങ്കച്ചന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha