എ സര്‍ട്ടിഫിക്കറ്റുള്ള സിനിമ പ്രദര്‍ശിപ്പിച്ച ജയ്ഹിന്ദ് ചാനലിന് കേന്ദ്ര സര്‍ക്കാരിന്റെ വിലക്ക്. ഒരു ദിവസത്തേക്കാണ് കോണ്‍ഗ്രസ് നിയന്ത്രണത്തിലുള്ള ചാനലിന് ബിജെപി സര്‍ക്കാര്‍ വിലക്കേര്‍പ്പെടുത്തിയത്.കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയമാണ് വിലക്ക് ഏര്‍പ്പെടുത്തി ഉത്തരവിട്ടത്. ഇന്നലെ അര്‍ദ്ധരാത്രി മുതല്‍ 24 മണിക്കൂര്‍ നേരത്തേക്കാണ് വിലക്ക്.
2012 ഓഗസ്റ്റ് 27ന് രാത്രി 10 മണിക്കാണ് എ സര്‍ട്ടിഫിക്കേറ്റുള്ള \'ഹായ് ഹരിതേ\' എന്ന സിനിമ ചാനല്‍ സംപ്രേഷണം ചെയ്തത്. സാങ്കേതിക തകരാര്‍ കാരണം സംപ്രേഷണം നിര്‍ത്തിവെക്കുന്നുവെന്നായിരുന്നു ചാനല്‍ നല്‍കിയ വിശദീകരണം. എന്നാല്‍, കേന്ദ്രസര്‍ക്കാരിന്റെ നിയരോധനമുള്ളതിനാല്‍ സംപ്രേഷണം നിര്‍ത്തിയെന്ന് ചാനല്‍ സേവന ദാതാക്കളുടെ വിശദീകരണത്തില്‍ വ്യക്തമാക്കിയിട്ടുണ്ട്.
1952ലെ സിനിമാട്ടോഗ്രാഫ് നിയമത്തിലെ വകുപ്പ് 6(1) (എന്‍), പൊതുപ്രദര്‍ശനം അനുവദിനം വിലക്കിയുള്ള റൂള്‍ 6(1)(ഒ) എന്നിവയുടെ ലംഘനമാണ് സിനിമ പ്രദര്‍ശിപ്പിച്ചതിലൂടെ ചാനല്‍ നടത്തിയതെന്ന് ചാനല്‍ സംപ്രേഷണം വിലക്കി മന്ത്രാലയം പുറപ്പെടുവിച്ച ഉത്തരവില്‍ വ്യക്തമാക്കുന്നു.
കെപിസിസി അധ്യക്ഷനാണ് കെപിസിസിയുടെ ഔദ്യോഗിക ചാനലായ ജയ്ഹിന്ദിന്റെ പ്രസിഡന്റ്. കെപിസിസി വൈസ് പ്രസിഡന്റ് എം എം ഹസ്സനാണ് ചാനലിന്റെ മാനേജിങ് ഡയറക്ടര്‍. കെ പി മോഹനനാണ് ചാനല്‍ സിഇഒയും എഡിറ്ററും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha