വി.ശിവന്‍കുട്ടി എംഎല്‍ എയോട് സിപിഎം സംസ്ഥാന നേതൃത്വത്തിന്റെ അതൃപ്തി. ദേശീയ ഗെയിംസിന്റെ നടത്തിപ്പില്‍ അഴിമതി നടന്നതായുള്ള ശിവന്‍കുട്ടിയുടെ പരാതി സിബിഐ തള്ളികളഞ്ഞതോടെയാണ് സിപിഎം സംസ്ഥാന നേതാക്കള്‍ ശിവന്‍കുട്ടിയെക്കെതിരെ തിരിഞ്ഞിരിക്കുന്നത്. ശിവന്‍കുട്ടിയുടെ ഇത്തരം ആരോപണങ്ങള്‍ സര്‍ക്കാരിന് ഗുണം ചെയ്തതായാണ് അവരുടെ ആക്ഷേപം.
വി ശിവന്‍കുട്ടി പബ്‌ളിസിറ്റിക്ക് വേണ്ടി വിനകള്‍ വിലകൊടുത്തു വാങ്ങുന്നു എന്നാണ് ആരോപണം. അടിസ്ഥാനമില്ലാത്ത ആരോപണങ്ങള്‍ ഉന്നയിക്കുമ്പോള്‍ അവ അന്വേഷണ എജന്‍സികള്‍ക്ക് മുമ്പില്‍ സമര്‍പ്പിച്ച് അന്വേഷണ പ്രഖ്യാപനം നേടിയെടുക്കുന്നതിനു പകരം ശിവന്‍കുട്ടി തോറ്റു മടങ്ങുകയാണെന്ന് സിപിഎം പറയുന്നു. ദേശീയ ഗെയിംസില്‍ അഴിമതി നടന്നിട്ടുണ്ട്. എന്നാല്‍ തെളിവ് കണ്ടെത്താതെ പരാതി നല്‍കി. സംഘാടകര്‍ തെളിവുകള്‍ ഇല്ലാതാക്കി.
ബജറ്റ് അവതരണവേളയില്‍ ശിവന്‍ കുട്ടി നടത്തിയ കസര്‍ത്തുകള്‍ സിപിഎമ്മിന് ക്ഷീണമുണ്ടാക്കി. ഇത്തരം സമരമാര്‍ഗങ്ങള്‍ ശരിയല്ല. സിപിമ്മിനൊപ്പം നില്‍ക്കുന്നവര്‍ പോലും എതിരാകും. സിപിഎമ്മിനോട് അനുഭാവം പുലര്‍ത്തുന്നവരും പാര്‍ട്ടിക്ക് എതിരാകും. മേലില്‍ അഴിമതി ആരോപണങ്ങള്‍ ഉന്നയിക്കുമ്പോള്‍ തെളിവു കണ്ടെത്താന്‍ ശ്രമിക്കണമെന്നും സിപിഎം , വി.ശിവന്‍കുട്ടിക്ക് അന്ത്യശാസനം നല്‍കും. തെളിവില്ലെങ്കില്‍ ആരോപണങ്ങള്‍ ഉന്നയിക്കരുത്.
മന്ത്രി തിരുവഞ്ചൂര്‍ രാധാകൃഷ്ണന്‍ സിപിഎമ്മിന്റെ ബദ്ധവൈരിയാണ്. റ്റി. പി ചന്ദ്രശേഖരന്‍ വധക്കേസില്‍ ലോകം മുഴുവന്‍ പാര്‍ട്ടിക്ക് എതിരായത് തിരുവഞ്ചൂരിന്റെ പ്രവര്‍ത്തനം കാരണമാണ്. ദേശീയ ഗെയിംസ് അഴിമതി തിരുവഞ്ചൂരിനെ പിടിക്കാന്‍ കഴിയുന്നതായിരുന്നു. എന്നാല്‍ ശിവന്‍കുട്ടിയുടെ പക്വതയില്ലാത്ത പരാതി കാരണം അതിനു കഴിയാതെ പോയി.
അതേസമയം ശിവന്‍കുട്ടി നിയമസഭയില്‍ പ്രതിനിധീകരിക്കുന്ന നേരം മണ്ഡലത്തില്‍ പാര്‍ട്ടി പ്രവര്‍ത്തകര്‍ വന്‍തോതില്‍ കൊഴിഞ്ഞു പോവുകയാണ്. പ്രവര്‍ത്തകര്‍ കൂട്ടത്തോടെ ബിജെപിയിലാണ് ചേക്കേറുന്നത്. എംഎല്‍എ എന്ന നിലയില്‍ ശിവന്‍കുട്ടിയുടെ പ്രവര്‍ത്തനം മികവുറ്റതല്ലെന്നും സിപിഎം കരുതുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha