സോളാര്‍ ഇടപാടില്‍ മുഖ്യമന്ത്രിയടക്കം പ്രമുഖര്‍ നടത്തിയ പങ്ക് വെളിച്ചത്ത് കൊണ്ടുവരുമെന്ന് ബിജു രാധാകൃഷ്ണന്റെ മുന്നറിയിപ്പ്. മുഖ്യമന്ത്രിയടക്കമുള്ളവരുടെ തെളിവുകള്‍ നാളെ തിരുവനന്തപുരം എ.സി.ജെ.എം കോടതിയില്‍ സമര്‍പ്പിക്കുമെന്ന് ബിജു പറഞ്ഞു. ഇനിയും ആരേയും രക്ഷിക്കാനില്ല. അനുഭവിച്ചു മടുത്തു. സെക്ഷന്‍ 164 പ്രകാരം ഓപ്പണ്‍ കോടതിയില്‍ മൊഴി നല്‍കും. ഇതിന് സാങ്കേതികമായി തടസം ഉന്നയിച്ചാല്‍ എഴുതി തയാറാക്കിയ പരാതിയും രേഖകളും കോടതിയില്‍ സമര്‍പ്പിക്കും.
മന്ത്രിമാര്‍ക്കും എം.എല്‍.എമാര്‍ക്കും ഉന്നത രാഷ്ട്രീയ നേതാക്കള്‍ക്കും നല്‍കിയ പണത്തിന്റെ രേഖകളും ഇവരുടെ സംഭാഷണങ്ങളും ദൃശ്യങ്ങളുമടങ്ങിയ സി.ഡികളും പെന്‍െ്രെഡവുകളുമാണ് നാളെ കോടതിയില്‍ നല്‍കുക. മുഖ്യമന്ത്രിയുമായി നിരവധി ചര്‍ച്ചകള്‍ നടത്തിയിരുന്നു. ഈ ചര്‍ച്ചകളുടെ തെളിവുകളും കൈമാറും. ഉന്നതരെ രക്ഷിക്കാനായി തന്നെയും അമ്മയേയും ശാലു മേനോനെയും ബലിയാടാക്കുകയായിരുന്നു. മുന്‍മന്ത്രിക്ക് നല്‍കിയ മൂന്നുകോടിയുടേതാണ് പണമിടപാടിലെ വലിയ തുക. സംസ്ഥാനത്തെ ചില മന്ത്രിമാരുമൊത്ത് നടത്തിയ അത്താഴ വിരുന്നുകളുടെയും കോയമ്പത്തൂരിലും തേക്കടിയിലും നടന്ന ഉല്ലാസ യാത്രകളുടെയും ദൃശ്യങ്ങളുമുണ്ടെന്നും ബിജു പറഞ്ഞു.
സോളാര്‍ കേസുമായി ബന്ധപ്പെട്ട് ഇന്നലെ മൂവാറ്റുപുഴ കോടതിയിലെത്തിയപ്പോഴാണ് ബിജു ഇക്കാര്യം മാധ്യമങ്ങളോട് വെളിപ്പെടുത്തിയത്. സോളാര്‍ കേസില്‍ നിന്നും തന്നെ ഒഴിവാക്കണം എന്നാവശ്യപ്പെട്ട് ബിജു രാധാകൃഷ്ണന്‍ മൂവാറ്റുപുഴ ഫസ്റ്റ്ക്‌ളാസ് മജിസ്‌ട്രേട്ട് കോടതിയില്‍ നല്‍കിയ ഹര്‍ജി തള്ളി. കദളിക്കാട് വെട്ടിയാങ്കല്‍ വിന്‍സന്റ് പോളില്‍ നിന്നും 32.5 ലക്ഷം കബളിപ്പിച്ചെന്ന കേസിലാണ് ബിജു കോടതിയിലെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha