പിണറായിയെ പൊളിച്ചടുക്കി കേന്ദ്രം... ഇഡിയുടെ കുതിപ്പ് പിണറായിയുടെ നെഞ്ചത്തേക്ക് ലൈഫ് മിഷന് തട്ടിപ്പ് പൊളിച്ചടുക്കിയ എന്ഐഎ യുടെ മാസ്സ് മൂവ്
മുഖ്യമന്ത്രി പിണറായിയുടെ ആശ്രിതനും വിശ്വസ്തനുമായ സഖാവ് കോടിയേരി ബാലകൃഷ്ണന് തിരക്കിട്ട ഒരു രക്ഷാപ്രവര്ത്തനത്തിനിറങ്ങി തിരിച്ചിരിക്കുകയാണ് .സംസ്ഥാന മുഖ്യമന്ത്രിക്കെതിരെ വിരല് ചൂണ്ടുന്നവരെ നൈസായി ഒതുക്കാനുള്ള ഒരു സൈക്കോളജിക്കല് മൂവ്.പക്ഷെ അത് ഇവിടെ ചിലവായില്ല എന്ന് മാത്രമല്ല ,അടുത്ത പുലിവാല് കേസായി മാറി എന്ന് പറഞ്ഞാല് മതിയല്ലോ .സംഗതി ലൈഫ് മിഷനുമായി ബന്ധപ്പെട്ട കാര്യമാണ് .പാവങ്ങളുടെ ലൈഫ് വച്ചാണ് കേന്ദ്രത്തിന്റെ കളി എന്നൊക്കെ മാധ്യമങ്ങളിലൂടെ തട്ടി വിടുന്നുണ്ടായിരുന്നു .പക്ഷെ എന്തു ചെയ്യാം ,
യഥാര്ത്ഥത്തില് പിണറായുടെ ലൈഫ് വച്ചാണ് കേന്ദ്രത്തിന്റെ കളി എന്ന് സഖാവിന് അറിയാമെങ്കിലും ഉറക്കെ പറയാന് കഴിയാത്ത അവസ്ഥയാണ് .കേന്ദ്രം ഇപ്പോള് പ്രധാനമായും അന്വേഷിക്കുന്നത് അനധികൃതമായി യു എ ഇയിലെ സ്വകാര്യ കമ്പനിയുമായി ബന്ധപെട്ടുണ്ടാക്കിയ ഉടമ്പടിയെപ്പറ്റിയാണ് .ഇതില് വലിയ വീഴ്ച വന്നിട്ടുണ്ട് എന്നതാണ് പ്രാഥമിക വിലയിരുത്തല് .അതിനാല് തന്നെ സംസ്ഥാന സര്ക്കാര് ഇപ്പോള് പ്രതിക്കൂട്ടില് ആയ അവസ്ഥയാണ് .
അനധികൃതമായി തിടുക്കത്തില് തദ്ദേശ സ്വയംഭരണ വകുപ്പ് നടത്തിയ നീക്കങ്ങളും അന്വേഷണ സംഘം പരിശോധിക്കാന് ഇരിക്കെയാണ് ,മുന് വിജിലന്സ് വകുപ്പ് മന്ത്രിയും ഇപ്പോള് പാര്ട്ടിയുടെ സംസ്ഥാന സെക്രെട്ടറിയുമായ കോടിയേരി ബാലകൃഷ്ണന് അനാവശ്യ ഇടപെടല് നടത്തിയിരിക്കുന്നത് .തട്ടിപ്പ് കേസുകള് പാര്ട്ടി പറയുമ്പോലെ അന്വേഷിക്കാന് ഉള്ള ഒരു തീവ്ര ശ്രമം കൂടിയായി ഇതിനെ പ്രതിപക്ഷം കാണുന്നുണ്ട് .സംസ്ഥാന ഇന്റലിജന്സ് അന്വേഷിക്കേണ്ട നിസ്സാരമായ കേസിനൊക്കെ എന് ഐ എ പോലുള്ള അന്വേഷണ സംഘം വരേണ്ടതിന്റെ പ്രസക്തിയെന്ത് എന്നാണ് കോടിയേരി സഖാവിന്റെ ന്യായമായ സംശയം .അന്താരാഷ്ട്ര കള്ളക്കടത്തു സംഘനത്തിനു ബന്ധമുള്ള ലൈഫ് മിഷന് പദ്ധിതി ആര് അന്വേഷിക്കണം എന്നത് വരെ കോടിയേരി തീരുമാനിച്ചത് പിണറായിയെ പോലും അത്ഭുതപെടുത്തിയിരിക്കുകയാണ് .പക്ഷെ കേന്ദ്രം വിടുന്ന ഒരു ലക്ഷണവും കാണുന്നില്ല .ഓരോ നടപടിക്രമങ്ങളെപ്പറ്റിയും തലനാരിഴ കീറി പരിശോധിച്ചേ അടങ്ങു എന്ന് ശാഠ്യം പിടിച്ചിരിക്കുകയാണ് .
.ലൈഫ് മിഷന്റെ വടക്കാഞ്ചേരി പദ്ധതിക്കായി റെഡ് ക്രസന്റ് നല്കിയ 20 കോടി രൂപയില് 4.25 കോടി കമ്മിഷന് വാങ്ങിയതു യുഎഇ കോണ്സുലേറ്റുമായി ബന്ധപ്പെട്ടവരാണെന്ന വിലയിരുത്തലാണു സിപിഎം സംസ്ഥാന സെക്രട്ടേറിയറ്റ് യോഗത്തിലുണ്ടായത്. അതിലൊരു ഭാഗമാണു സ്വപ്ന സുരേഷിന്റെ ലോക്കറില് കണ്ടത്.കോഴ നല്കിയ യൂണിടാക് കമ്പനിയെ മാത്രമായി ഇക്കാര്യത്തില് പ്രതി ചേര്ക്കാനാവില്ല. കോഴ വാങ്ങിയവരെയും ഉള്പ്പെടുത്തണം. അങ്ങനെ കോണ്സുലേറ്റുമായി ബന്ധപ്പെട്ട് അന്വേഷണം നടത്താന് സംസ്ഥാന വിജിലന്സിനു കഴിയുമോയെന്നു പരിശോധിച്ച് സര്ക്കാര് നടപടിയെടുക്കാമെന്ന ധാരണയാണു യോഗത്തിലുണ്ടായത്.
ഇടപാട് അന്വേഷിക്കുന്ന എന്ഐഎയും എന്ഫോഴ്സ്മെന്റ് ഡയറക്ടറേറ്റും കസ്റ്റംസും സര്ക്കാരിനെ ഇതു സംബന്ധിച്ച് ഒരു വിവരവും അറിയിച്ചിട്ടില്ലെന്നു കൂടി സെക്രട്ടേറിയറ്റ് യോഗത്തിനു ശേഷം സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ചൂണ്ടിക്കാട്ടി. ''സംസ്ഥാന സര്ക്കാരിന് അന്വേഷിക്കാന് കഴിയുമെങ്കില് പരിശോധിക്കണമെന്നു തന്നെയാണു പാര്ട്ടി നിലപാട്. വിജിലന്സ് അന്വേഷണം സാധ്യമാകുമെങ്കില് അക്കാര്യം നോക്കും.''റെഡ് ക്രസന്റും ബില്ഡറും തമ്മില് ഇടപാടു നടന്നതിന് എല്ഡിഎഫിനും സര്ക്കാരിനും എന്തിനാണു ഭയമെന്ന വാദമാണ് കോടിയേരിക്കുള്ളത് .
സിപിഎമ്മുകാരോ ലൈഫ് മിഷനിലുള്ളവരോ പണം വാങ്ങിയതായി ആരോപണമില്ല. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം.ശിവശങ്കറിനെ ന്യായീകരിക്കേണ്ട കാര്യം പാര്ട്ടിക്കോ സര്ക്കാരിനോ ഇല്ല. സര്ക്കാരിനെ അസ്ഥിരപ്പെടുത്താനും മുഖ്യമന്ത്രിയെ അപകീര്ത്തിപ്പെടുത്താനും പ്രഫഷനല് ടീമുകളെ വരെയിറക്കി പ്രതിപക്ഷം നടത്തുന്ന ശ്രമങ്ങള് തുറന്നു കാട്ടാന് തീരുമാനിച്ചെന്നും കോടിയേരി വ്യക്തമാക്കി.എന്നാല് ഇതൊക്കെ കേവലം വിഫലമായ പ്രതിരോധ പ്രവണതയായി തന്നെയാണ് കേന്ദ്രം കാണുന്നത് .കേരളത്തിനകത്തും പുറത്തും നടക്കുന്ന വന് തട്ടിപ്പ് അന്വേഷിക്കുക എന്നത് എന് ഐ എ ക്ക് ഒരു തപസ്യയായി മാറിയിരിക്കുകയാണ് .
https://www.facebook.com/Malayalivartha
