കോവിഡ് ബാധിച്ച് ക്വാറന്റീന്‍ സെന്ററില്‍ ചികിത്സയിലായിരുന്ന വീട്ടമ്മ വീണ് തലയ്ക്ക് പരുക്കേറ്റ് മരിച്ചു. പള്ളുരുത്തി തങ്ങള്‍ നഗറില്‍ ഷംല (49) ആണ് മരിച്ചത്. ഇവരുടെ വീട്ടിലെ മറ്റുള്ളവരും കോവിഡ് ബാധിച്ച് ഇതേ സെന്ററില്‍ ചികിത്സയിലാണ്. മരിച്ച ഷംലയുടെ മൃതദേഹം എറണാകുളം ജനറല്‍ ആശുപത്രിയിലേക്കു മാറ്റി. കോവിഡ് പരിശോധന, പോസ്റ്റുമോര്‍ട്ടം എന്നിവയ്ക്കു ശേഷമായിരിക്കും മൃതദേഹം വിട്ടുകൊടുക്കുക. സംസ്ഥാനത്തെ വിവിധ ജില്ലകളിലായി 1,98,843 പേരാണ് ഇപ്പോള്‍ നിരീക്ഷണത്തിലുള്ളത്. നിരീക്ഷണത്തിലുള്ളവരില്‍ 1,79,477 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 19,366 പേര്‍ ആശുപത്രികളിലും നിരീക്ഷണത്തിലാണ്. 1811 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.

കഴിഞ്ഞ 24 മണിക്കൂറിനിടെ 18,027 സാമ്ബിളുകളാണ് പരിശോധിച്ചത്. റുട്ടീന്‍ സാമ്ബിള്‍, എയര്‍പോര്‍ട്ട് സര്‍വയിലന്‍സ്, പൂള്‍ഡ് സെന്റിനല്‍, സിബി നാറ്റ്, ട്രൂനാറ്റ്, സിഎല്‍ഐഎ, ആന്റിജെന്‍ അസ്സെ എന്നിവ ഉള്‍പ്പെടെ ഇതുവരെ ആകെ 16,85,203 സാമ്ബിളുകളാണ് പരിശോധനയ്ക്കായി അയച്ചത്.