കേരളത്തിൽ ആത്മഹത്യ നിരക്ക് കൂടുന്നു. രാജ്യത്ത് ആത്മഹത്യാനിരക്ക് കൂടിയ സംസ്ഥാനങ്ങളിൽ കേരളം അഞ്ചാം സ്ഥാനത്ത്. 2019-ൽ 8,556 പേരാണ് ആത്മഹത്യ ചെയ്തത്. ഇതിൽ 6,668 പേർ പുരുഷൻമാരും 1,888 പേർ സ്ത്രീകളുമാണ്. രാജ്യത്ത് ഏറ്റവുംകൂടിയ ആത്മഹത്യനിരക്കുള്ള നഗരം കൊല്ലമാണ് (41.2). നഗരങ്ങളിലെ ആത്മഹത്യാനിരക്കിന്റെ ദേശീയ ശരാശരി 13.9 ആണ്. ദേശീയ ൈക്രം റെക്കോഡ്സ് ബ്യൂറോയുടെ പുതിയ റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്.

ലക്ഷത്തിൽ എത്രപേർ ആത്മഹത്യ ചെയ്യുന്നു എന്നതിനെ അടിസ്ഥാനമാക്കിയാണ് കണക്ക് എടുക്കുന്നത്. കുടുംബപ്രശ്നങ്ങളും കടബാധ്യതകളുമാണ് ഏറെപ്പേരും ആത്മഹത്യ ചെയ്യാൻ കാരണം.

കേരളത്തിലെ ആത്മഹത്യനിരക്ക്

2017- 22.6, 2018- 23.5, 2019- 24.3

ആത്മഹത്യകളുടെ എണ്ണം

2018- 8,237, 2019- 8,556

കൊല്ലത്ത് 457 പേരാണ് 2019-ൽ ആത്മഹത്യ ചെയ്തത്. ഇതിൽ 363 പേർ പുരുഷൻമാരാണ്. സ്ത്രീകൾ- 94. 2018-ൽ 393 പേരാണ് ഇവിടെ ജീവനൊടുക്കിയത്.

2019-ൽ 961 വീട്ടമ്മമാർ കേരളത്തിൽ ആത്മഹത്യ ചെയ്തു. ഇതിന് പുറമേ, െപ്രാഫഷണലുകളും സർക്കാർ ജീവനക്കാരുമുൾപ്പെടെ 845 പേരും ജീവനൊടുക്കിയവരിലുൾപ്പെടുന്നു. ഇതിൽ 760 പേർ പുരുഷൻമാരാണ്. ആത്മഹത്യ ചെയ്തവരിൽ തൊഴിൽരഹിതരുടെ എണ്ണം 1,963. ഇതിൽ 1,559-ഉം പുരുഷൻമാർ.

വിദ്യാർഥികളുടെ ആത്മഹത്യയും കൂടി. 418 പേരാണ് ജീവനൊടുക്കിയത്. 211 ആൺകുട്ടികളും 207 പെൺകുട്ടികളും. 2018-ൽ ഇത് 375 പേരായിരുന്നു.

വ്യാപാരികളുടെ ആത്മഹത്യയിൽ മുൻകാലത്തേക്കാൾ നേരിയ കുറവുണ്ട്. 2018-ൽ ഇത് 646 ആയിരുന്നു.

സംസ്ഥാനത്തെ ആത്മഹത്യയിൽ കൂടുതലും തൂങ്ങിമരണമാണ്. 6,435 പേരാണ് തൂങ്ങിമരിച്ചത്. ഇതിൽ 5,225 പേർ പുരുഷൻമാരാണ്. 979 പേർ വിഷംകഴിച്ച് മരിച്ചു. തീവണ്ടിക്ക് തലവെച്ച് മരിച്ചത് 83 പേരാണ്. 2019-ൽ രാജ്യത്തെ ആകെ ആത്മഹത്യയുടെ എണ്ണം 1,39,123.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. Toll free helpline number: 1056)