ഏത് സമയത്ത് തോന്നിയത്... സ്വര്ണക്കടത്ത്, ബംഗളൂരു ലഹരിക്കേസുകളില് മണിമണിയായി ഉത്തരം നല്കി ബിനീഷ് കോടിയേരി നല്ലപിള്ളയായി; അവസാനം ചോദിച്ച ചോദ്യങ്ങളില് ഉത്തരം നല്കാനാകാതെ ബിനീഷ് കോടിയേരി തപ്പിത്തടഞ്ഞു; ബിനീഷിനെ വീണ്ടും ചോദ്യം ചെയ്യാന് വിളിപ്പിക്കും; ക്ലീന് ചിറ്റ് നല്കിയിട്ടില്ലെന്ന് എന്ഫോഴ്സ്മെന്റ്
ചിലതങ്ങനെയാണ് ചെലപ്പോള് ശരിയാകും ചെലപ്പോള് ശരിയാകില്ല. അതുപോലെയാണ് എന്ഫോഴ്സ്മെന്റിന്റെ ഇന്നലത്തെ ബിനീഷ് കോടിയേരിയുടെ ചോദ്യം ചെയ്യല്. ആദ്യമൊക്കെ മണിമണിയായി ഉത്തരം നല്കിയ ബിനീഷ് കോടിയേരി നല്ല പിള്ളയായി പോകാനൊരുങ്ങിയതാണ്. എന്നാല് ഇഡിയുടെ കടുപ്പിച്ചുള്ള ചോദ്യം ചെയ്യലില് ബിനീഷ് വീണു പോകുകയായിരുന്നു. സ്വര്ണ്ണക്കള്ളക്കടത്തിന് പിന്നിലെ ഹവാല ബിനാമി ഇടപാടുകള്, കള്ളപ്പണം വെളുപ്പിക്കല് എന്നിവ അന്വേഷിക്കുന്ന എന്ഫോഴ്സ്മെന്റ് ഡയറക്ട്രേറ്റ് ബിനീഷിനെ ചോദ്യം ചെയ്തത് 11 മണിക്കൂറിലധികമാണ്.
ഇതോടെ സ്വര്ണ്ണക്കളക്കടത്ത് കേസുമായി ബന്ധപ്പെട്ട് എന്ഫോഴ്സ്മെന്റ് ഡയറക്ട്രേറ്റ് ചോദ്യം ചെയ്ത ബിനീഷ് കോടിയേരിക്ക് ക്ലീന് ചിറ്റില്ല. പതിനൊന്ന് മണിക്കൂറിലധികം നീണ്ട ചോദ്യം ചെയ്യലിന് ശേഷം താല്ക്കാലികമായാണ് ബിനീഷിനെ വിട്ടയച്ചതെന്ന് എന്ഫോഴ്സ്മെന്റ് വൃത്തങ്ങള് അറിയിച്ചു. മൊഴികള് വിശദമായി പരിശോധിച്ച ശേഷം അടുത്തയാഴ്ച ബിനീഷിനെ വീണ്ടും ചോദ്യം ചെയ്യാന് വിളിപ്പിക്കും.
സ്വര്ണ്ണക്കള്ളക്കടത്തിന് പിന്നിലെ ഹവാല ബിനാമി ഇടപാടുകള്, കള്ളപ്പണം വെളുപ്പിക്കല് എന്നിവ അന്വേഷിക്കുന്ന എന്ഫോഴ്സ്മെന്റ് ഡയറക്ട്രേറ്റ് ബിനീഷിനെ ചോദ്യം ചെയ്തത് 11 മണിക്കൂറിലധികമാണ്. കഴിഞ്ഞ ഒരു മാസമായി നടത്തിയ പ്രാഥമിക അന്വേക്ഷണത്തില് ലഭിച്ച വിവരങ്ങളുടെ അടിസ്ഥാനത്തിലായിരുന്നു ചോദ്യം ചെയ്യല്. വൈകിട്ട് ആറ് മണിയോടെ എന്ഫോഴ്സ്മെന്റ് ഡയറക്ട്രേറ്റിന്റെ ചെന്നൈ ജോയന്റ് ഡയറക്ടര് ജയഗണേഷും ചോദ്യം ചെയ്യലില് പങ്കുചേര്ന്നു. ചോദ്യം ചെയ്യല് അവസാനിച്ച് പുറത്തിറങ്ങിയ ബിനീഷ് മാധ്യമങ്ങളോട് പ്രതികരിക്കാന് തയ്യാറായില്ല.
ബിനീഷ് കോടിയേരിക്ക് ക്ലീന് ചിറ്റ് നല്കിയിട്ടില്ലെന്ന് അന്വേഷണ വൃത്തങ്ങള് അറിയിച്ചു. താല്ക്കാലികമായാണ് ബിനീഷിനെ വിട്ടയച്ചിരിക്കുന്നത്. പതിനൊന്ന് മണിക്കൂറിലധികം നീണ്ട ചോദ്യം ചെയ്യലിലൂടെ ലഭിച്ച വിവരങ്ങള് വിശദമായി പരിശോധിക്കും. ഇത് വരെ ലഭ്യമായ രേഖകള് മൊഴികള് ,മറ്റു തെളിവുകള് എന്നിവയുമായി മൊഴി താരതമ്യം ചെയ്യും. ഇതിന് ശേഷം അടുത്തയാഴ്ച വീണ്ടും ചോദ്യം ചെയ്യാന് വിളിപ്പിക്കുമെന്ന് അന്വേഷണ വൃത്തങ്ങള് അറിയിച്ചു.
യുഎഇ കോണ്സുലേറ്റിലെ വിസ സ്റ്റാംപിങ് സേവനങ്ങള് ചെയ്തിരുന്ന ഡഅഎത കമ്പനി, ബിനീഷിന്റെ പേരില് ബെംഗളൂരുവില് രജിസ്റ്റര് ചെയ്ത രണ്ട് കമ്പനികള് എന്നിവയുടെ സാമ്പത്തിക ഇടുപാടുകളുമായി ബന്ധപ്പെട്ടാണ് എന്ഫോഴ്സ്മെന്റിന്റെ അന്വേഷണം. ബി കാപ്പിറ്റല് ഫൈനാന്ഷ്യല് സൊലൂഷ്യന്സ്, ബി കാപ്പിറ്റല് ഫോറെക്സ് ട്രേഡിംഗ് എന്നീ പേരുകളിലാണ് ബിനീഷ് കമ്പനികള് രജിസ്റ്റര് ചെയ്തിരിക്കുന്നത്. ഇത് അനധികൃത പണം ഇടപാടുകള്ക്ക് വേണ്ടി മാത്രം തുടങ്ങിയ സ്ഥാപനമെന്നാണ് അന്വേഷണ ഏജന്സികളുടെ നിഗമനം.
ഇതോടൊപ്പം യുഎഇ കോണ്സുലേറ്റിലെ വിസ സ്റ്റാംപിംഗ് പേയ്മെന്റുകള്ക്കായി ചുമതലപ്പെടുത്തിയിരുന്ന ഡഅഎത എന്ന സ്ഥാപനത്തിന് പിന്നിലും ബിനീഷിന് പങ്കുണ്ടെന്ന ആരോപണം ഉയര്ന്നു. ഇതിന്റെ ഉടമ അബ്ദുല് ലത്തീഫ് ബിനീഷിന്റെ ബിനാമിയാണെന്നാണ് ആരോപണം. ഈ കമ്പനിയെ കോണ്സുലേറ്റിന് പരിചയപ്പെടുത്തിയത് താനാണെന്ന് സ്വപ്ന സുരേഷ് മൊഴി നല്കിയിട്ടുണ്ട്. ഇതോടൊപ്പം സ്വര്ണ്ണക്കളക്കടത്ത് റാക്കറ്റ് ഫണ്ട് കണ്ടെത്താന് അനൂപ് മുഹമ്മദ് ഉള്പ്പെട്ട ബെംഗളൂരുവിലെ മയക്ക് മരുന്ന് മാഫിയയുടെ സഹായം തേടിയതായും അന്വേഷണ ഏജന്സികള്ക്ക് നേരത്തെ തന്നെ വിവരം ലഭിച്ചിരുന്നു. റാക്കറ്റിന്റെ സൂത്രധാരനായ കെ ടി റമീസ് വഴിയായിരുന്നു മയക്ക് മരുന്നുമാഫിയയുമായി ബന്ധപ്പെട്ടത്.
തനിക്ക് ബിനീഷുമായി അടുത്ത് ബന്ധമുണ്ടെന്ന് അനുപ് മൊഴി നല്കിയിട്ടുണ്ട്. ഇതെല്ലാം കണക്കിലെടുത്താണ് എന്ഫോഴ്സ്മെന്റ് ഡയറക്ട്രേറ്റ് ബിനീഷിനെ വിശദമായി ചോദ്യം ചെയ്തത്. അടുത്തയാഴ്ചയിലെ ചോദ്യം ചെയ്യല് നിര്ണായകമാകും.
https://www.facebook.com/Malayalivartha
