പോക്സോ കേസ്: മേല്‍നോട്ടത്തിന് ഐപിഎസ് റാങ്കിലുള്ള ഓഫീസര്‍ വേണമെന്ന് ഹൈക്കോടതിയുടെ മാര്‍ഗരേഖ
11 വയസുള്ള ഒരു കുട്ടി ചൂഷണത്തിന് ഇരയായ കേസ് പരിഗണിക്കവേ പോക്സോ നിയമത്തിന്റെ നടത്തിപ്പില്‍ പോരായ്മയുണ്ടെന്ന് ഹൈക്കോടതി വിലയിരുത്തി. തുടര്‍ന്ന് പോക്സോ കേസുകളില്‍ ഹൈക്കോടതി പുതിയ മാര്‍ഗരേഖ മുന്നോട്ടുവച്ചു. കുട്ടികള്‍ പീഡനത്തിന് ഇരയാകുന്ന കേസുകളില്‍ അന്വേഷണ മേല്‍നോട്ടത്തിന് ഐപിഎസ് റാങ്കിലുള്ള ഓഫീസര്‍ വേണമെന്ന് കോടതി നിര്‍ദേശിച്ചു.
ബാലാവകാശ നിയമങ്ങളില്‍ അന്വേഷണ ഉദ്യോഗസ്ഥന് പരിജ്ഞാനം ഉറപ്പാക്കണം. കേസുകള്‍ കൈകാര്യം ചെയ്യുന്നവര്‍ക്ക് പരിശീലനം നല്‍കണം. ഇതിനായി നോഡല്‍ ഓഫീസറെ നിയമിക്കണം. പോക്സോ കേസുകളില്‍ നിയമസഹായം ഉറപ്പാക്കാന്‍ ആവശ്യത്തിന് പബ്ലിക് പ്രോസിക്യുട്ടര്‍മാരെ നിയമിക്കണമെന്നും കോടതി മാര്‍ഗരേഖയില്‍ പറയുന്നു.
പൊലീസില്‍ ചൈല്‍ഡ് പ്രൊട്ടക്ഷന്‍ ഓഫീസര്‍മാരെ നിയമിക്കണം. ഫോറന്‍സിക് ലാബുകളിലെ ഒഴിവുകള്‍ നികത്തണം. കുറ്റക്കാര്‍ക്ക് ശിക്ഷ ലഭിക്കുന്ന അന്വേഷണം ഉറപ്പാക്കണമെന്നും മാര്‍ഗരേഖ നിര്‍ദേശിക്കുന്നു.
https://www.facebook.com/Malayalivartha
