പൊലീസ് ആസ്ഥാനത്തെ കോണ്ഫിഡന്ഷ്യല് ബ്രാഞ്ച് വിവരാവകാശ നിയമ പരിധിയില്പെടില്ലെന്ന്, സംസ്ഥാന സര്ക്കാര് വാടകയ്ക്കെടുത്ത ഹെലികോപ്റ്ററിനെ സംബന്ധിച്ച വിവരാവകാശ ചോദ്യത്തിന് പോലീസിന്റെ മറുപടി
കെപിസിസി സെക്രട്ടറി ഷാജി കോടങ്കണ്ടത്ത് ഉന്നയിച്ച വിവരാവകാശ നിയമപ്രകാരമുള്ള ചോദ്യത്തിന് പൊലീസ് ആസ്ഥാനത്തെ പബ്ലിക് ഇന്ഫര്മേഷന് ഓഫിസര്, ആവശ്യപ്പെട്ട വിവരം രഹസ്യമെന്ന് മറുപടി നല്കി.
സംസ്ഥാന സര്ക്കാര് ഹെലികോപ്റ്റര് വാടകയ്ക്കെടുത്തതുമായി ബന്ധപ്പെട്ട കരാറിന്റെ പകര്പ്പ്, ചെലവായ തുക, ജീവനക്കാരുടെ ശമ്പളം, കോപ്റ്ററില് നടത്തിയ യാത്രകള്, യാത്രകളുടെ ഉദ്ദേശ്യം, കോപ്റ്റര് ഉപയോഗിച്ചു നക്സല് ബാധിത മേഖലകള് സന്ദര്ശിച്ചിട്ടുണ്ടോ, ആഭ്യന്തര സുരക്ഷയ്ക്ക് ഉപകരിക്കുന്ന വിധത്തില് എന്തെങ്കിലും ചെയ്തിട്ടുണ്ടോ എന്നീ ചോദ്യങ്ങളാണ് വിവരാവകാശ അപേക്ഷയില് ഉന്നയിച്ചിരുന്നത്.
ഇതെക്കുറിച്ചുള്ള വിവരങ്ങളുള്ള പൊലീസ് ആസ്ഥാനത്തെ കോണ്ഫിഡന്ഷ്യല് ബ്രാഞ്ചിനെ വിവരാവകാശ നിയമ പരിധിയില്നിന്ന് ഒഴിവാക്കിയിട്ടുണ്ടെന്നും സംസ്ഥാന സര്ക്കാര് വാടകയ്ക്കെടുത്ത ഹെലികോപ്റ്ററിന് എത്ര രൂപ വാടക നല്കിയെന്ന വിവരം 'കോണ്ഫിഡന്ഷ്യല്' എന്നും പൊലീസ് വകുപ്പ് മറുപടി നല്കി.
വിവരാവകാശ നിയമപ്രകാരമുള്ള ചോദ്യത്തിന് പൊലീസ് ആസ്ഥാനത്തെ പബ്ലിക് ഇന്ഫര്മേഷന് ഓഫിസറാണ് വിവരം രഹസ്യമെന്ന് മറുപടി നല്കിയത്.
https://www.facebook.com/Malayalivartha
