സ്വപ്ന സുരേഷിന് വേണ്ടിയുള്ള പ്രാര്‍ത്ഥനകള്‍ സജീവമാണ്. സ്വപ്ന സുരേഷിനെ സംബന്ധിച്ച് നിര്‍ണായക ദിവസമാണിന്ന്. അടിക്കടി ഉണ്ടാകുന്ന നെഞ്ചുവേദനയുടെ കാരണം വ്യക്തമായി കണ്ടെത്താന്‍ അന്വേഷണ സംഘം ആവശ്യപ്പെട്ടിരിക്കുകയാണ്. ഇതോടെ സ്വപ്നയ്ക്ക് ഇന്ന് ആന്‍ജിയോഗ്രാം പരിശോധന നടത്തും. തുടര്‍ച്ചയായി സ്വപ്നയ്ക്ക് നെഞ്ചുവേദനയുണ്ടെന്നു പറയുന്നതിനാല്‍ ഹൃദയ സംബന്ധമായ തകരാറാണോയെന്നു പരിശോധിക്കാനാണ് ആന്‍ജിയോഗ്രാം നടത്തുന്നത്. ഹൃദയത്തിന് വല്ലതും പ്രശ്‌നമുണ്ടോ, ബ്ലോക്കുണ്ടോ എന്നൊക്കെ ആന്‍ജിയോഗ്രാമില്‍ കണ്ടെത്താന്‍ പറ്റും. എന്തെങ്കിലും പ്രശ്‌നമുണ്ടെങ്കില്‍ ആന്‍ജിയോ പ്ലാസ്റ്റിയോ സര്‍ജറിയോ വേണമെന്ന് തീരുമാനിക്കും. അങ്ങനെ വന്നാല്‍ സ്വപ്നയ്ക്ക് കുറച്ച് നാള്‍ ആശുപത്രിയില്‍ കഴിയേണ്ടി വരും. മാത്രമല്ല വിശ്രമവും വേണ്ടി വരും. പിന്നെ ഉടനെയൊന്നും സ്വപ്നയെ കാര്യമായി അന്വേഷണ സംഘത്തിന് ചോദ്യം ചെയ്യാന്‍ കഴിയില്ല. അതുകൊണ്ടു തന്നെ ഇന്നത്തെ ദിവസം നിര്‍ണായകമാണ്.

പ്രഥമ പരിശോധനയിലൊന്നും സ്വപ്നയ്ക്ക് എന്തെങ്കിലും അസുഖമുള്ളതായി കണ്ടിട്ടില്ല. മാനസികസമ്മര്‍ദം കാരണം ഉണ്ടാവുന്ന നെഞ്ചുവേദനയാകാമെന്നാണ് ഡോക്ടര്‍മാരുടെ വിലയിരുത്തല്‍.

അതേസമയം ആശുപത്രിയില്‍ പ്രവേശിപ്പിച്ച മറ്റൊരു പ്രതി റമീസിന് ചൊവ്വാഴ്ച എന്‍ഡോസ്‌കോപ്പി പരിശോധന നടത്തും. വയറുവേദനയെത്തുടര്‍ന്ന് ആശുപത്രിയില്‍ പ്രവേശിപ്പിച്ച റമീസിന് സ്‌കാനിങ് അടക്കമുള്ള പരിശോധനകള്‍ നടത്തിയെങ്കിലും അസുഖകാരണം കണ്ടെത്താനായില്ല.

അതേസമയം സ്വപ്നയെ ചുറ്റിപ്പറ്റി മെഡിക്കല്‍ കോളേജിലും വിദമുണ്ടായി. സ്വപ്ന പലരേയും ഫോണില്‍ വിളിച്ചെന്നാണ് പ്രതിപക്ഷം ആരോപിക്കുന്നത്. അങ്ങനെയാരെങ്കിലും ചെയ്‌തെങ്കിലും അവരുടം കാര്യം പോക്കാണ്. അവരും അന്വേഷണ സംഘത്തിന്റെ മുമ്പില്‍ കയറിയിറങ്ങും. കാരണം ഇപ്പോഴത്തെ കാലത്ത് വളരെ വേഗത്തില്‍ അത് തെളിയിക്കാനാകും.

മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്ന സ്വപ്ന ഫോണില്‍ ബന്ധപ്പെട്ടത് ഉന്നതനുമായെന്നാണ് ആരോപണം. ഡ്യൂട്ടിയിലുണ്ടായിരുന്ന ആരോഗ്യ പ്രവര്‍ത്തകയുടെ മൊബൈലിലേക്ക് എത്തിയ സന്ദേശം സ്വപ്നയെ കാണിക്കുകയും അതിന് റെക്കോഡ് ചെയ്ത് മറുപടി നല്‍കുകയുമാണുണ്ടായത്.

ഉന്നതന്റെ മൊബൈലില്‍ നിന്നയച്ച സന്ദേശം മറ്റൊരു മൊബൈല്‍ ഫോണിലാക്കിയാണ് സ്വപ്നയുടെ അടുത്തുണ്ടായിരുന്നയാളുടെ ഫോണിലേക്കയച്ചത്. സ്വപ്നയും ഉന്നതനും ഫോണിലൂടെ നേരിട്ട് സംസാരിച്ചിട്ടില്ലെന്നും റിപ്പോര്‍ട്ടുണ്ട്.

ഇ.ഡി.ക്ക് സ്വപ്ന നല്‍കിയ മൊഴി എന്താണെന്നാണ് സന്ദേശത്തില്‍ ഉന്നതന്‍ ആരാഞ്ഞത്. ഇതിനു മറുപടിയാണ് സ്വപ്ന നല്‍കിയത്. ഇനി ചോദ്യം ചെയ്യുകയാണെങ്കില്‍ പറയേണ്ട കാര്യങ്ങള്‍ വിവരിച്ചുള്ളതായിരുന്നു അടുത്ത സന്ദേശം. ഇത് ദൈര്‍ഘ്യമേറിയതാണ്. ഇതിന് സ്വപ്ന മറുപടി നല്‍കിയില്ലെന്നും പറയുന്നു.

സ്വപ്നയുടെ സമീപത്ത് ഡ്യൂട്ടിചെയ്യുന്നവരുടെ മൊബൈലുകള്‍ എന്‍.െഎ.എ.യുടെ നിരീക്ഷണത്തിലായിരുന്നു. കഴിഞ്ഞതവണ ആശുപത്രിയില്‍ കിടന്നപ്പോള്‍ അന്ന് ഡ്യൂട്ടിയിലുണ്ടായിരുന്ന ആരോഗ്യപ്രവര്‍ത്തകയുടെ ഫോണില്‍ നിന്ന് സ്വപ്ന സംസാരിച്ചിരുന്നു. വീട്ടിലേക്കു വിളിക്കാനാണെന്നു പറഞ്ഞാണ് ഫോണ്‍ വാങ്ങിയത്. ഇക്കാര്യം എന്‍.െഎ.എ.യുടെ ശ്രദ്ധയില്‍പെട്ടിരുന്നു.

തുടര്‍ന്നാണ് ആശുപത്രിയില്‍ ഇത്തവണ ഡ്യൂട്ടിയിലുള്ളവരുടെ ഫോണ്‍ എന്‍ഐ.എ. നിരീക്ഷിച്ചത്. വനിതാ ജയിലില്‍ നിന്ന് പുറത്തുപോകുമ്പോള്‍ കേരള പോലീസിന്റെ സംരക്ഷണയിലായിരുന്നു സ്വപ്ന. സര്‍ക്കാരുമായും സി.പി.എമ്മുമായും ബന്ധപ്പെടുത്തിയുള്ള ആരോപണങ്ങള്‍ സ്വര്‍ണക്കടത്ത് കേസില്‍ നിലവിലുള്ളതിനാല്‍ എല്ലാ നീക്കങ്ങളും എന്‍.െഎ.എ. നിരീക്ഷിച്ചിരുന്നു. എന്തായാലും ആരെങ്കിലും സഹായിച്ചാല്‍ അവരെ ഈസിയായി പോക്കാന്‍ അന്വേഷണ സംഘത്തിന് സാധിക്കും.