പ്രത്യേക സ്റ്റോപ്പുകള്‍ ഇല്ലാതെ യാത്രക്കാര്‍ ആവശ്യപ്പെടുന്നിടത്തെല്ലാം വണ്ടി നിര്‍ത്തിക്കൊടുക്കുന്ന കെഎസ്ആര്‍ടിസിയുടെ അണ്‍ലിമിറ്റഡ് ഓര്‍ഡിനറി സര്‍വീസിനെ വരവേററ് ജനങ്ങള്‍. കെഎസ്ആര്‍ടിസിയുടെ ഗുരുവായൂര്‍ ഡിപ്പോയില്‍നിന്ന് കഴിഞ്ഞ ദിവസമാണ് സര്‍വീസ് ആരംഭിച്ചത്. ഗുരുവായൂരില്‍നിന്ന് കേച്ചേരി, വേലൂര്‍, വടക്കാഞ്ചേരി, ചേലക്കര വഴി തിരുവില്വാമലയിലേക്കാണ് സ്‌പെഷ്യല്‍ ബസിന്റെ സര്‍വീസ്. വണ്ടി പുറപ്പെടുമമ്പോള്‍ യാത്രക്കാര്‍ വളരെ കുറവായിരുന്നു. പിന്നീട് യാത്രക്കാര്‍ കൂടി.

ജോലി കഴിഞ്ഞ് ബസ് കിട്ടാനുള്ള ഓട്ടപ്പാച്ചിലുകള്‍ ഒഴിവാക്കി പലരും ഓഫീസിന് മുന്നില്‍ ഇറങ്ങി നിന്നു ബസിന് കൈകാണിച്ചു. വീടിനുമുന്നില്‍ ഇറങ്ങുകയും ചെയ്തു. യാത്രക്കാര്‍ക്ക് സുഖകരമായ യാത്ര ഒരുക്കുന്ന കെഎസ്ആര്‍ടിസിയുടെ അണ്‍ലിമിറ്റഡ് ഓര്‍ഡിനറി സര്‍വീസിന് മികച്ച പ്രതികരണമാണ് നേടുന്നത്.