സ്ത്രീകള്‍ക്കെതിരെ ഹീനമായ ആക്രമണം സോഷ്യല്‍ മീഡിയ വഴി നടത്തുന്ന സംഭവങ്ങള്‍ ഗൗരവമായി എടുക്കുമെന്ന് മുഖ്യമന്ത്രി പിണറായി വിജയന്‍. വിജയ് പി.നായര്‍ പോസ്റ്റ് ചെയ്ത വീഡിയോ
നീക്കം ചെയ്യാന്‍ യൂട്യൂബ് അധികൃതരോട് ആവശ്യപ്പെട്ടിട്ടുണ്ടെന്നും അദ്ദേഹം വ്യക്തമാക്കി. സ്ത്രീകളെ അപമാനിക്കുന്ന തരത്തില്‍ യൂട്യൂബില്‍ വിഡിയോ പോസ്റ്റ് ചെയ്തതുമായി ബന്ധപ്പെട്ട് നാലു കേസുകളാണ് രജിസ്റ്റര്‍ ചെയ്തത്. പൊലീസ് മേധാവിക്ക് ഭാഗ്യലക്ഷ്മി നല്‍കിയ പരാതിയിലും കേസെടുത്തിട്ടുണ്ട്. ഐടി ആക്ടിലെ രണ്ട് വകുപ്പുകള്‍ കൂടെ ഉള്‍പ്പെടുത്താന്‍ കോടതിയുടെ അനുമതി തേടി. ദേഹോപദ്രവം ചെയ്‌തെന്ന് കാണിച്ച് വിജയ് പി. നായരും ഭാഗ്യലക്ഷ്മിയും സമര്‍പ്പിച്ച പരാതികളില്‍ തമ്ബാനൂര്‍ പൊലീസ് അന്വേഷണം ആരംഭിച്ചുവെന്നും മുഖ്യമന്ത്രി കൂട്ടിച്ചേര്‍ത്തു.