പാവപ്പെട്ടവന്‍ പത്തുരൂപ കട്ടാല്‍ തടവു ശിക്ഷ പണമുള്ളവന്‍ കോടികട്ടാല്‍ പട്ടുമെത്ത, ജയലളിതയുടെ ശിക്ഷ റദ്ദുചെയ്തതിനെതിരെ സോഷ്യല്‍ മീഡിയയില്‍ പ്രതിഷേധം ശക്തം
കേരളത്തിലെ രാഷ്ടീയക്കാരും മുതലാളിമാരും കേസുകള്‍ സംസ്ഥാനത്തിന് പുറത്തേക്ക് മാറ്റാന്‍ ആലോചിക്കുകയാണ്. ഇവിടത്തെ കോടതികളില്‍ കേസ് നടത്തിയാല്‍ അഴിയെണ്ണേണ്ടി വരും. എന്നാല്‍ മറ്റ് സംസ്ഥാനങ്ങളിലാണെങ്കില്‍ പുല്ലുപോലെ ഊരിപ്പോരാം. അതിനുദാഹരണമാണ് കഴിഞ്ഞ ദിവസം കോടികളുടെ അനധികൃത സ്വത്ത് സമ്പാദിച്ച കേസില്‍ മുന്‍ തമിഴ്‌നാട് മുഖ്യമന്ത്രി ജയലളിതയുടെ ശിക്ഷ കര്‍ണ്ണാടക ഹൈക്കോടതി റദ്ദ് ചെയ്തത്. മാത്രമല്ല സത്യം കമ്പ്യൂട്ടേഴ് സ്ഥാപകന്‍ ബി രാംമലിംഗ രാജുവിന്റെ ശിക്ഷയും മെട്രോപൊളിറ്റന്‍ കോടതി മരവിപ്പിച്ചു.
പാവപ്പെട്ടവന്‍ പത്തുരൂപ കട്ടാല്‍ തടവു ശിക്ഷ പണമുള്ളവന്‍ കോടികട്ടാല്‍ പട്ടുമെത്ത എന്നതാണ് ഇപ്പോഴത്തെ കോടതികളുടെ പോക്കെന്നാണ് ആക്ഷേപം ഉയരുന്നത്. പണമുള്ളവര്‍ നിയമത്തിന്റെ നൂലാമാലകളില്‍ നിന്ന് രക്ഷപ്പെടും. കോടികള്‍ കട്ടാലും ഒന്നിനും തെളിവില്ല. ജനങ്ങളെ പിഴിഞ്ഞ് അവരെ തന്നെ ഭരിച്ച് സുഖിച്ച് ജീവിക്കുന്ന ഭരണ വര്‍ഗമാണ് ഇന്നുള്ളത്. ഇതിന് കോടതികളും കൂട്ടുനില്‍ക്കുന്നുവെന്നാണ് സോഷ്യല്‍ മീഡിയകളില്‍ കൂടി ആരോപണം ഉയരുന്നത്. മദ്യപിച്ച് വാഹനമോടിച്ച് പാവപ്പെട്ടവരെ കാറ്കയറ്റിക്കൊന്ന സുപ്പര്‍സ്റ്റാറും പുറത്ത്. ഇതിനൊക്കെ എതിരെയാണ് സോഷ്യല്‍ മീഡിയയില്‍ പ്രതിഷേധം ശക്തമാകുന്നത്.
വരുമാനവും അനധികൃതമായി സമ്പാദിച്ച സ്വത്തും തമ്മിലുള്ള അന്തരം പത്ത് ശതമാനത്തില്‍ താഴെയാണെങ്കില്‍ അനധികൃത സ്വത്ത് സമ്പാദന കേസില്‍ പൊതുപ്രവര്‍ത്തകരെ ശിക്ഷിക്കാന്‍ കഴിയില്ലെന്ന സുപ്രീം കോടതി വിധി ചൂണ്ടിക്കാട്ടിയാണ് കര്‍ണാടക ഹൈക്കോടതി ജയലളിതയ്ക്ക് ജാമ്യം നല്‍കിയത്. കര്‍ണ്ണാടക ഹൈക്കോടതി ജഡ്ജി ജസ്റ്റിസ് സി.ആര്‍.കുമാരസ്വാമി യാണ് ജയലളിതയെ കുറ്റവിമുക്തയാക്കിയത്. ജയലളിതയുടെ കാര്യത്തില്‍ സ്വത്തും വരുമാനവും തമ്മിലുള്ള അന്തരം 8.12 ശതമാനം മാത്രമാണെന്നും വിധിന്യായത്തില്‍ പറയുന്നു.
സത്യം കംപ്യൂട്ടേഴ്‌സ് തട്ടിപ്പു കേസില്‍ കമ്പനി സ്ഥാപകന്‍ ബി.രാമലിംഗ രാജു, സഹോദരന്‍ ബി.രാമരാജു ഉള്‍പ്പെടെ പത്ത് പേര്‍ക്ക് ഉപാധികളോടെയാണ് കോടതി ജാമ്യം അനുവദിച്ചത്. ഇവരുടെ തടവ് ശിക്ഷ മെട്രോപൊളിറ്റന്‍ കോടതി മരവിപ്പിക്കുകയും ചെയ്തു. കോടിക്കണക്കിന് രൂപയാണ് ഇവര്‍ വെട്ടിച്ചത്.മാത്രമല്ല രാമലിംഗ രാജുവിന് ജയിലില്‍ പഞ്ചനക്ഷത്രസൗകര്യമൊരുക്കിയതും സ്വന്തമായി പാചകക്കാരനെ വച്ചതും വിവാദമായിരുന്നു.
തെരുവില്‍ ഉറങ്ങിക്കിടന്ന പാവപ്പെട്ടവരുടെ നെഞ്ചിലേക്ക് മദ്യപിച്ച് കാറുകയറ്റിയതിന് സല്‍മാന്‍ഖാനും കോടതി ജാമ്യമനുവദിച്ചു. ഒരുദിവസംപോലും ജയലില്‍കിടക്കാന്‍ സല്‍മാന്‍ഖാന്‍ തയ്യാറല്ലായിരുന്നു. 30 ഓളം തവണയാണ് കേസുമായി ബന്ധപ്പെട്ട് കോടതിയില്‍ ഹാജരാവാതെ കോടതിയെ വെല്ലുവിളിച്ച് സല്‍മാന്‍ഖാന്‍ നടന്നത്. എന്നാല്‍ സെഷന്‍സ്‌ ജഡ്ജിയുടെ ശക്തമായ വിധിയും മറികടന്ന് സല്‍മാന്‍ഖാന്‍ ഹൈക്കോടതിയെ സമീപിച്ച് ജയില്‍ ശിക്ഷയില്‍ നിന്ന് മുക്തി നേടി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
https://www.facebook.com/Malayalivartha
