പമ്പാ നദിയില് രക്ഷാപ്രവര്ത്തനത്തിനിടെ റബ്ബര് ഡിങ്കി മറിഞ്ഞ് ഒഴുക്കില്പ്പെട്ട് മരിച്ച അഗ്നിരക്ഷാശമന ഓഫീസര്ക്ക് ഒരു നാടു മുഴുവന് കണ്ണീരോടെ യാത്രാമൊഴി നല്കി
പമ്പാ നദിയില് രക്ഷാപ്രവര്ത്തനത്തിനിടെ റബ്ബര് ഡിങ്കി മറിഞ്ഞ് ഒഴുക്കില്പ്പെട്ട് മരിച്ച അഗ്നിരക്ഷാശമന ഓഫീസര്ക്ക് ഒരു നാടു മുഴുവന് കണ്ണീരോടെ യാത്രാമൊഴി നല്കി. ഒദ്യോഗിക ബഹുമതികളോടെയാണ് വീട്ടുവളപ്പില് സംസ്കരിച്ചത്. പത്തനംതിട്ട ഫയര് സ്റ്റേഷനിലെ സ്കൂബ ടീമംഗം ഒറ്റശേഖരമംഗലം മണലുവിളാകം ശരത് ഭവനില് രാജശേഖരന്റെയും രത്നകുമാരിയുടെയും മകന് ആര്.ആര്.ശരത് (30) ആണ് അപകടത്തില് മരിച്ചത്.
വെള്ളിയാഴ്ച രാവിലെ പത്തനംതിട്ട ജനറല് ആശുപത്രിയിലെ ദേഹപരിശോധനയ്ക്ക് ശേഷം വിവിധയിടങ്ങളിലെ അഗ്നിരക്ഷാശമന ഓഫീസുകളില് എത്തിച്ച് പൊതുദര്ശനത്തിനുവച്ച ശേഷം മൃതദേഹം വൈകീട്ടോടെ വീട്ടിലെത്തിക്കുകയാണ് ഉണ്ടായത്.വീടിന്റെ പുറകുവശത്തായി ഒരുക്കിയ കുഴിമാടത്തില് സഹപ്രവര്ത്തകരുടെയും ബന്ധുക്കളുടെയും നാട്ടുകാരുടെയും സാന്നിധ്യത്തില് ഒദ്യോഗിക ബഹുമതികളോടെ സംസ്കരിച്ചു. വിവിധ ജില്ലകളിലെ ഫയര്സ്റ്റേഷനുകളില് നിന്നുള്ള ഓഫീസര്മാരും വിവിധ രാഷ്ട്രീയ, സന്നദ്ധ സംഘടന പ്രവര്ത്തകരും ഉള്പ്പെടെ വന് ജനാവലി അന്തിമോപചാരം അര്പ്പിക്കാനെത്തിയിരുന്നു.ഒഴുക്കില്പ്പെട്ടയാളെ തിരയവേയാണ് റബ്ബര് ഡിങ്കി മറിഞ്ഞ് ശരത് ഒഴുക്കില്പ്പെട്ട് മരിക്കുകയുണ്ടായത്. ഒപ്പം ഉണ്ടായിരുന്നവര് നീന്തി രക്ഷപ്പെട്ടു.
"
https://www.facebook.com/Malayalivartha
