ഈ പാർട്ടിയെക്കുറിച്ച് നിങ്ങൾക്ക് ഒരു ചുക്കും അറിയില്ല. - വർഷങ്ങൾക്ക് മുമ്പ് അന്ന് പാർട്ടി സെക്രട്ടറി ആയിരുന്ന പിണറായി വിജയൻ സഖാവ് പറഞ്ഞതാണ്.അത് ശരിയാണ് സഖാവേ. ഞങ്ങൾക്ക് ഒരു ചുക്കും അറിയില്ല. ഞങ്ങൾക്ക് ഈ പാർട്ടിയെക്കുറിച്ച് അറിയാൻ വയ്യാത്തത് തന്നെയാണ് പുറത്ത് വന്നുകൊണ്ടിരിക്കുന്നത്.

സ്വർണ്ണക്കടത്തും സാമ്പത്തിക ക്രമക്കേടുകളും കൊണ്ട് നിറഞ്ഞു നിൽക്കുന്ന ഭരണം' പാർട്ടി സെക്രട്ടറിയുടെ മക്കൾക്കെതിരെ സാമ്പത്തിക തട്ടിപ്പുകളും സദാചാര വിരുദ്ധ പ്രവർത്തികളും മയക്കുമരുന്ന് കേസുകളും കൊണ്ട് നിറഞ്ഞു നിൽക്കുന്നു. ഇതൊക്കെ മക്കളുടെ സാമർത്ഥ്യമെന്ന് പറഞ്ഞാണ് കോടിയേരി നിൽക്കുന്നത്. കള്ളക്കടത്തും മയക്കുമരുന്ന് വ്യാപരവുമൊക്കെ പാർട്ടി പരിപാടികളായി സ്ഥാനം പിടിക്കുമ്പോൾ അത് തെറ്റാണെന്ന് പറയാൻ പിണറായിയുടെ പാർട്ടിയിൽ ഒരാൾ പോലും അവശേഷിക്കുന്നില്ല.

കള്ളന്മാരും കൊള്ളക്കാരും പരസ്പരം ഒത്തുതീർപ്പിലെത്തി തങ്ങളുടെ സാമ്രാജ്യം വികസിപ്പിക്കുന്നതു പോലെ സി പി എം ലെ പഞ്ചനക്ഷത്ര മാർക്സിസ്റ്റുകൾ വിഹരിക്കുകയാണ് പാർട്ടി സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ ആളുടെ മകനാണ് കളപ്പണക്കേസിലും മയക്കുമരുന്ന് കേസിലും പ്രതിയായിരിക്കുന്നത്.

CPM കേന്ദ്ര നേതൃത്വത്തിൻ്റെ പ്രതികരണം ഉടൻ വന്നു.പാർട്ടിക്ക് ബന്ധമില്ല.മകൻ്റെ തെറ്റിന് അച്ഛൻ ഉത്തരവാദിയല്ല' മറ്റു പാർട്ടികളിൽപ്പെട്ട ആർക്കെങ്കിലും തെറ്റു സംഭവിച്ചാൽ അവരുടെ വീട്ടുകാർ മാത്രമല്ല ഗർഭസ്ഥ ശിശുവിനെപ്പോലും കുറ്റക്കാരാക്കുന്ന സി പി എം മാണ് കൊടിയേരിയും മക്കളെയും ന്യായീകരിക്കുന്നത്‌.cpi നേതാവ് കാനം സഖാവ് ഉടൻ എത്തി ന്യായീകരിക്കാൻ _ കൊടിയേരിയുടെ പുത്രനെED വേട്ടയാടുന്നു.കേന്ദ്രം പക വീട്ടുന്നു എന്നും പറഞ്ഞു കൊണ്ട് ' കാനത്തിന് എന്തു സ്നേഹമാണ് കോടിയേരി പുത്രന്മാരോട് സ്വന്തം തന്തയക്ക് ഇല്ലാത്ത സ്നേഹമാണ് കാനത്തിന് ഉണ്ടായിരിക്കുന്നത്. എപ്പോഴും എന്തെങ്കിലും നേരും നെറിയും പ്രതീക്ഷിച്ചിരുന്നത് സി പി ഐ യിൽ നിന്നാണ്. ഇപ്പോൾ അതും ഇല്ലാതായി.

പാർട്ടി യജമാനന്മാരുടെ പിന്താങ്ങൽ ഒരിടത്ത്.: അച്ഛൻ്റെ രാഷ്ട്രീയ ബലത്തിലാണ് ഇവർ കോടീശ്വരന്മാരായി മാറിയിട്ടുള്ളത്.സാമ്പത്തിക തട്ടിപ്പിൽപ്പെട്ട മക്കളെ രക്ഷിക്കാൻ പണച്ചാക്കുകളാണല്ലോ പിന്നാലെ വന്നത്. അത് അച്ഛൻ്റെ ബലം കൊണ്ടല്ലേ ഈ പാർട്ടിയിൽ ആരും എതിർത്ത് സംസാരിക്കാൻ പോകുന്നില്ല. എല്ലാവരും പങ്ക് കച്ചവടക്കാരാണ്. അന്നംമുട്ടാതിരിക്കണമെങ്കിൽ കണ്ണടച്ച് നിന്നേ മതിയാവൂ.കൂട്ടി സഖാക്കന്മാർ എല്ലാം ന്യായീകരണം നടത്തി വിയർത്തു കുളിച്ച് നിൽക്കുകയാണ്. രാമചന്ദ്രപിള്ള സഖാവ് ഇറങ്ങിയിട്ടുണ്ട് ന്യായീകരണവുമായി .കേന്ദ്ര അന്വേഷണ ഏജൻസികളെ കേന്ദ്രം ദുരുപയോഗം ചെയ്യുന്നു എന്നാണ് പറയുന്നത്. സഖാവേ, ഈ ന്യായീകരണവർത്തമാനം ഒന്നും ഇനി ഇവിടെ ചെലവാകില്ല.താങ്കൾ അരിയാഹാരം കഴിക്കുന്നില്ലായിരിക്കും. പക്ഷേ കേരളീയർ അരിയാഹാരം കഴിക്കുന്നവരാണ്. താങ്കൾ അവിടെ ഇന്ദ്രപ്രസ്ഥത്തിൽ പോളിറ്റ് ബ്യൂറോയും അവ ലൈബൾപോളിറ്റ് ബ്യൂറോയും കൂടി ഇരിക്കുന്ന ന്നതായിരിക്കും നല്ലത്.

ഒരു ഘട്ടത്തിലും കോടിയേരി എന്തെങ്കിലും തൊഴിൽ ചെയ്തയാളല്ല. സാധാരണക്കാരായ പാർട്ടി പ്രവർത്തകർ സമരം ചെയ്തും അടി കൊണ്ടും ഫണ്ട് ശേഖരിച്ചും പാർട്ടിയെ വളർത്തുമ്പോൾ പാർട്ടി നേതാക്കളുടെ മക്കൾ അതിൻ്റെയെല്ലാം ആനുകൂല്യത്തിൽ സമ്പത്ത് വാരിക്കൂട്ടുകയായിരുന്നു എന്നതാണ് സത്യം .എല്ലാ വൃത്തികേടുമുള്ള ഒരു സമൂഹമാണിത്. അതിൻ്റെ സ്വാധീനശക്തി ചിലപ്പോൾ ഏറിയും കുറഞ്ഞും ഞങ്ങളിലും കുടുംബാംഗങ്ങളിലുമുണ്ടാകും.രാമൻ ചന്ദ്രൻ പിളള സഖാവിൻ്റെ പ്രതികരണം എങ്ങനെ ഉണ്ട്? തലമൂത്ത സഖാവ് അല്ലേ? ഇത്തരത്തിലുള്ള വ്യത്തികേടുകൾ കാണിച്ചാണോ സഖാവും അങ്ങ് മുകളിൽ എത്തിയത്?