വികസനത്തിന്റെ രാഷ്ട്രീയം കരുത്തായി എൽ.ഡി.എഫ് എം.എൽ.എമാർ കഴിഞ്ഞ വർഷങ്ങളിൽ ഓരോ മണ്ഡലത്തിലും നടത്തിയ സമാനതകളില്ലാത്ത പ്രകടനമാണ് ഈ വിജയത്തിന്റെ അടിത്തറ.ഇടതുപക്ഷ ജനാധിപത്യ മുന്നണി കേരളത്തിൽ വീണ്ടും അധികാരമുറപ്പിക്കുമെന്ന് ബിനീഷ് കോടിയേരി . ബിനീഷ് കോടിയേരിയുടെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;-

തൂക്കി ചുവന്ന കരങ്ങളോടെ… കേരളം ഉറപ്പിച്ചു; കുറഞ്ഞത് 76 സീറ്റുകളോടെ ഇടതുപക്ഷ ജനാധിപത്യ മുന്നണി വീണ്ടും അധികാരത്തിൽ വരും. കേരളം കാത്തിരുന്ന ആ വിധിദിനം മെയ് 4-ന് എത്തുകയാണ്. ഏപ്രിൽ 9-ന് നടന്ന വോട്ടെടുപ്പിന്റെ ഫലം പുറത്തുവരുമ്പോൾ, ജനമനസ്സുകൾ എങ്ങോട്ടാണെന്ന് വ്യക്തമാണ്. എല്ലാ കണക്കുകൂട്ടലുകളെയും ഭരണവിരുദ്ധ വികാരമെന്ന വ്യാജപ്രചരണങ്ങളെയും കാറ്റിൽ പറത്തിക്കൊണ്ട്, ഇടതുപക്ഷ ജനാധിപത്യ മുന്നണി (LDF) കേരളത്തിൽ വീണ്ടും അധികാരമുറപ്പിക്കുകയാണ്. കുറഞ്ഞത് 76 സീറ്റുകൾ നേടി എൽ.ഡി.എഫ് തന്നെ ഈ നാടിനെ നയിക്കും.

എന്തുകൊണ്ടാണ് ഇടതുപക്ഷത്തിന് ഈ ആത്മവിശ്വാസം? ഈ തിരഞ്ഞെടുപ്പിനെ വെറുമൊരു മത്സരമായി കാണാൻ കഴിയില്ല. 2006 മുതൽ 2021 വരെയുള്ള എല്ലാ നിയമസഭാ തിരഞ്ഞെടുപ്പുകളിലും എൽ.ഡി.എഫ് തുടർച്ചയായി വിജയിച്ച 57 സുരക്ഷിത മണ്ഡലങ്ങൾ നമുക്കിടയിലുണ്ട്. ഈ കോട്ടകൾ ഇളക്കാൻ ആർക്കും കഴിയില്ലെന്ന് ചരിത്രം തെളിയിച്ചതാണ്. ഈ ഉറച്ച 57 സീറ്റുകൾക്കൊപ്പം, ഭരണത്തുടർച്ച ആഗ്രഹിക്കുന്ന ജനവിഭാഗങ്ങൾ നൽകുന്ന മറ്റ് സീറ്റുകളും കൂടി ചേരുമ്പോൾ എൽ.ഡി.എഫിന്റെ ഭൂരിപക്ഷം 76 കടക്കുമെന്ന് ഉറപ്പാണ്.

വികസനത്തിന്റെ രാഷ്ട്രീയം കരുത്തായി എൽ.ഡി.എഫ് എം.എൽ.എമാർ കഴിഞ്ഞ വർഷങ്ങളിൽ ഓരോ മണ്ഡലത്തിലും നടത്തിയ സമാനതകളില്ലാത്ത പ്രകടനമാണ് ഈ വിജയത്തിന്റെ അടിത്തറ. നാടിന്റെ മുക്കിലും മൂലയിലും വികസനമെത്തിക്കാൻ അവർക്ക് സാധിച്ചു. അടിസ്ഥാന സൗകര്യ വികസനം മുതൽ വിദ്യാഭ്യാസ-ആരോഗ്യ മേഖലകളിലെ കുതിച്ചുചാട്ടം വരെ ജനങ്ങൾ നേരിട്ട് അനുഭവിച്ചറിഞ്ഞതാണ്. തങ്ങളുടെ പ്രതിനിധി കൂടെയുണ്ടെന്ന ജനങ്ങളുടെ ഉറച്ച വിശ്വാസമാണ് ഇത്തവണയും വോട്ടായി മാറിയിരിക്കുന്നത്.

ക്ഷേമപദ്ധതികൾ ഹൃദയങ്ങളിൽ ചേക്കേറിയതാണ് , വീട്ടമ്മമാർക്ക് കൈതാങ്ങ്, സാധാരണക്കാരുടെ ജീവിതനിലവാരം ഉയർത്താൻ സർക്കാർ നടപ്പിലാക്കിയ പദ്ധതികൾ എന്നിവ എടുത്തു പറയേണ്ടതാണ്. പ്രത്യേകിച്ച് 35 വയസ്സിനും 60 വയസ്സിനും ഇടയിലുള്ള വീട്ടമ്മമാർക്ക് സർക്കാർ നൽകിയ 1000 രൂപ ധനസഹായം ലക്ഷക്കണക്കിന് കുടുംബങ്ങൾക്ക് വലിയ ആശ്വാസമാണ് നൽകിയത്. വികസനത്തിനൊപ്പം ക്ഷേമവും ഉറപ്പാക്കുന്ന ഒരു സർക്കാരിനെ നെഞ്ചേറ്റാൻ കേരളത്തിലെ വോട്ടർമാർ മറക്കില്ല എന്നതിന്റെ തെളിവായിരിക്കും ഈ തിരഞ്ഞെടുപ്പ് ഫലം.

തിരഞ്ഞെടുപ്പിന്റെ തുടക്കത്തിൽ തന്നെ ചിട്ടയായ പ്രവർത്തനത്തിലൂടെ എൽ.ഡി.എഫ് ബഹുദൂരം മുന്നിലെത്തിയിരുന്നു. മറുവശത്ത്, സീറ്റ് വിഭജനത്തെ ചൊല്ലിയും നേതൃത്വത്തെ ചൊല്ലിയും യു.ഡി.എഫിനുള്ളിൽ നടന്ന ആഭ്യന്തര കലഹങ്ങൾ ജനങ്ങളെ കോൺഗ്രസിൽ നിന്ന് അകറ്റി. തിരഞ്ഞെടുപ്പിന്റെ പാതിവഴിയിൽ പ്രതിപക്ഷം ചില ഒത്തുതീർപ്പുകൾക്ക് ശ്രമിച്ചെങ്കിലും, വികസനത്തിന്റെ തുടർച്ച ആഗ്രഹിക്കുന്ന വോട്ടർമാർ കൃത്യമായ നിലപാട് സ്വീകരിച്ചു കഴിഞ്ഞു.

ഭരണവിരുദ്ധ വികാരമല്ല, മറിച്ച് ഭരണാനുകൂല വികാരമാണ് കേരളത്തിൽ ആഞ്ഞടിക്കുന്നത്. ഈ നാട് കണ്ട ഏറ്റവും വലിയ വികസന മുന്നേറ്റങ്ങൾ ഇനിയും തുടരേണ്ടതുണ്ട്. അതിനായി നമുക്ക് കാത്തിരിക്കാം,
മെയ് 4-ന്റെ ആ വിജയവാർത്തയ്ക്കായി! നവകേരളത്തിനായി.. ജനക്ഷേമത്തിനായി.. വീണ്ടും എൽ.ഡി.എഫ്!