തദ്ദേശ സ്വയംഭരണ സ്ഥാപനങ്ങളിലേക്കുളള തിരഞ്ഞെടുപ്പില്‍ മുല്ലപ്പിളളി രാമചന്ദ്രനും സതീശനും നേർക്ക് നേർ ഞെട്ടാൻ വരട്ടെ . കോണ്‍ഗ്രസ് നേതാക്കളല്ല ഇവര്‍ രണ്ടു പേരും. കൊച്ചിയിലെ രണ്ട് പ്രാദേശിക നേതാക്കൾ മാത്രം. എറണാകുളം തൃപ്പൂണിത്തുറ നഗരസഭയിലെ 48ആം വാര്‍ഡിലാണ് മുതിര്‍ന്ന കോണ്‍ഗ്രസ് നേതാക്കളുടെ പേരുകളുള്ള നേതാക്കള്‍ നേർക്കുനേർ മത്സരിക്കുന്നത്. വാര്‍ഡിലുടനീളം ഇരുവരുടേയും ഫ്ലക്സ‌ുകളും ചുമരെഴുത്തുകളും നിറഞ്ഞു . ബി ജെ പി സ്ഥാനാര്‍ത്ഥിയായി മുല്ലപ്പിള്ളി രാമചന്ദ്രന്‍ മത്സരിക്കുന്നത് യു ഡി എഫ് സ്ഥാനാര്‍ത്ഥിയായ പി ബി സതീശനെതിരെ .

കെ പി സി സി അദ്ധ്യക്ഷന്റെ പേരിനേക്കാള്‍ അധികമായി ഒരു വളളി മാത്രമാണ് ബി ജെ പി സ്ഥാനാര്‍ത്ഥിക്കുളളത്. മുമ്ബ് കോണ്‍ഗ്രസ് പ്രവര്‍ത്തകനായിരുന്നു മുല്ലപ്പിളളി രാമചന്ദ്രന്‍. രണ്ട് തവണ വാര്‍ഡിലേക്ക് മത്സരിച്ചിട്ടുണ്ട്. മുമ്പ് പ്രവര്‍ത്തിച്ച പാര്‍ട്ടിയെ കുറിച്ച്‌ ചോദിച്ചാല്‍ രൂക്ഷ വിമര്‍ശനമാണ് മുല്ലപ്പിളളി രാമചന്ദ്രന്‍ ഉന്നയിക്കുന്നത് കോണ്‍ഗ്രസ് പാര്‍ട്ടി നാഥനില്ലാത്ത സംവിധാനമായി മാറിയെന്നും അങ്ങനെയൊരു പാര്‍ട്ടിയുടെ ഒപ്പം പോവുകയെന്നത് ആത്മഹത്യാപരമായ കാര്യമാണെന്നുമാണ് മുല്ലപ്പിളളി രാമചന്ദ്രന്‍ വ്യക്തമാക്കിയിരിക്കുന്നത്.