സംസ്ഥാനത്ത് വ്യവസായ സൗഹൃദ അന്തരീക്ഷം കൊണ്ടുവരാന് സര്ക്കാരിന് സാധിച്ചു; തീര്ത്തും അഴിമതി രഹിതമായ സംവിധാനമാണ് നിലവിലുള്ളത്; സര്വതല സ്പര്ശിയായ വികസനമാണ് സംസ്ഥാന സര്ക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയന്
സര്വതല സ്പര്ശിയായ വികസനമാണ് സംസ്ഥാന സര്ക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയന്. കേരള പര്യടനത്തിന്റെ ഭാഗമായി കോഴിക്കോട് കാരപ്പറമ്ബ് സ്കൂളില് സംഘടിപ്പിച്ച ചടങ്ങില് സംസാരിക്കുകയായിരുന്നു അദേഹം.
എല്ലാ തട്ടിലും വികസന സ്പര്ശമേല്ക്കണം. ഒരു വിഭാഗത്തിനും വികസനം ലഭ്യമാവാതിരിക്കരുത്. ഇതിനുള്ള ശ്രമങ്ങളാണ്ഇടതുപക്ഷ സര്ക്കാര് നടത്തികൊണ്ടിരിക്കുന്നതെന്നും അദ്ദേഹം പറഞ്ഞു. കഴിഞ്ഞ നിയമസഭാ തെരഞ്ഞെടുപ്പിന് മുന്പ് പ്രകടന പത്രിക തയ്യാറാക്കുന്നതിന് മുന്നോടിയായി എല്ലാ ജില്ലകളിലും ഇടതുപക്ഷ ജനാധിപത്യമുന്നണിയോഗം നടത്തിയിരുന്നു. ഈ അവസരങ്ങളില് ലഭിച്ച നിര്ദേശങ്ങള് പരിഗണിച്ചാണ് പ്രകടന പത്രിക തയ്യാറാക്കിയത്. സര്ക്കാര് അധികാരത്തില് വന്നതിന് ശേഷം പ്രകടനപത്രികയിലെ ഓരോ കാര്യങ്ങളും നടപ്പിലാക്കി. പ്രകടന പത്രികയില് പറഞ്ഞ 30 ഇനങ്ങള് മാത്രമാണ് നടപ്പിലാക്കാന് ശേഷിക്കുന്നത്. 570 കാര്യങ്ങള് നടപ്പിലായി എന്നും മുഖ്യമന്ത്രി പറഞ്ഞു.
സംസ്ഥാനത്ത് വ്യവസായ സൗഹൃദ അന്തരീക്ഷം കൊണ്ടുവരാന് സര്ക്കാരിന് സാധിച്ചു. ഇന്ത്യയിലെ ഏറ്റവും മികച്ച സ്റ്റാര്ട്ടപ്പ് സംവിധാനം കേരളത്തിലാണുള്ളത്. പരിസ്ഥിതി സംരക്ഷണത്തിന് സര്ക്കാര് മുന്തിയ പരിഗണന നല്കുന്നു. പരിസ്ഥിതിക്ക് ആഘാതമുണ്ടാക്കുന്ന വ്യവസായങ്ങള് അനുവദിക്കില്ല. തീര്ത്തും അഴിമതി രഹിതമായ സംവിധാനമാണ് നിലവിലുള്ളത്. പ്രകൃതി ദുരന്തങ്ങള് ഉണ്ടായിരുന്നില്ലെങ്കില് പച്ചക്കറി, മുട്ട, പാല് എന്നിവയില് കേരളത്തിന് ഇതിനകം തന്നെ സ്വയം പര്യാപ്തമാകാന് സാധിക്കുമായിരുന്നു എന്നും മുഖ്യമന്ത്രി പറഞ്ഞു.
https://www.facebook.com/Malayalivartha
