നിയമസഭാ തിരഞ്ഞെടുപ്പിനുള്ള വോട്ടര്പ്പട്ടികയില് ഇന്ന് കൂടി പേര് ചേര്ക്കാം... ജനുവരി 20 ന് പട്ടിക പ്രസിദ്ധീകരിക്കും.

നിയമസഭാ തിരഞ്ഞെടുപ്പിനുള്ള വോട്ടര്പ്പട്ടികയില് ഇന്ന് കൂടി പേര് ചേര്ക്കാം. ജനുവരി 20 ന് പട്ടിക പ്രസിദ്ധീകരിക്കും. 15വരെയാണ് പരിശോധന. 31 ന് ശേഷം കിട്ടുന്ന അപേക്ഷകള് സപ്ലിമെന്ററി പട്ടികയില് പെടുത്തും. നാമനിര്ദ്ദേശ പത്രിക പിന്വലിക്കുന്നതിന് പത്ത് ദിവസം മുമ്പ് അവസാന പട്ടിക പ്രസിദ്ധീകരിക്കും.
എന്.ആര്.ഐ വോട്ടര്മാരായി 1812 പേരുടെ അപേക്ഷ കിട്ടിയെന്നും ചീഫ് ഇലക്ടറല് ഓഫീസര് ടിക്കാറാം മീണ അറിയിച്ചു. ആയിരം വോട്ടര്മാര്ക്ക് ഒന്ന് എന്ന അനുപാതത്തില് ബൂത്തുകളുടെ എണ്ണം കൂട്ടും. ഇപ്പോള് 25,041 ബൂത്തുകളാണ് ഉള്ളത്. 15,000 കൂടി വര്ദ്ധിപ്പിക്കും.
നിലവിലുള്ള കെട്ടിടങ്ങളോട് ചേര്ന്നാണ് ഓക്സിലറി ബൂത്തുകള് തുടങ്ങുക. കഴിഞ്ഞ ലോക്സഭാ തിരഞ്ഞെടുപ്പില് 2.35 ലക്ഷം ഉദ്യോഗസ്ഥരെയാണ് നിയമിച്ചിരുന്നത്. ഇത്തവണ 10,000 പേരെ കൂടി നിയമിക്കും.നിയമസഭാ തിരഞ്ഞെടുപ്പ് രണ്ട് ഘട്ടമാക്കണോ എന്ന് ഉടന് കേരളത്തിലെത്തുന്ന കേന്ദ്രതിരഞ്ഞെടുപ്പ് കമ്മിഷന് ഉദ്യോഗസ്ഥരുമായുള്ള ചര്ച്ചയ്ക്ക് ശേഷം തീരുമാനിക്കും.
രാഷ്ട്രീയ പാര്ട്ടികളുമായും ഇക്കാര്യം ചര്ച്ച ചെയ്യും. ജില്ലാ കേന്ദ്രങ്ങളില് വോട്ടിംഗ് യന്ത്രങ്ങളുടെ പരിശോധന തുടങ്ങി. 51,500 ബാലറ്ര് യന്ത്രങ്ങള് , 51,?100 കണ്ട്രോളിംഗ് യൂണിറ്റുകള് , അത്രയും വിവി പാറ്റ് യന്ത്രങ്ങള് എന്നിവയാണ് ഉള്ളത്. രാഷ്ട്രീയ പാര്ട്ടികള്ക്ക് വോട്ടിംഗ് യന്ത്രങ്ങള് പരിശോധിക്കാം.
"
https://www.facebook.com/Malayalivartha