നിര്ണായക നീക്കം... സ്വര്ണ കടത്ത് കേസില് എം. ശിവശങ്കറെ പ്രതിയാക്കുന്ന കാര്യത്തില് കേന്ദ്ര സര്ക്കാരിന്റെ അന്വേഷണ ഏജന്സികള് തമ്മില് അഭിപ്രായ ഭിന്നതയെന്ന് റിപ്പോര്ട്ട്
കഴിഞ്ഞ ദിവസം എന്ഐഎ സമര്പ്പിച്ച കുറ്റപത്രത്തില് ശിവശങ്കറിനെ പ്രതിയാക്കിയിട്ടില്ല. സ്വര്ണ്ണക്കടത്തിന്റെ മുഖ്യ സൂത്രധാരകന് ശിവശങ്കര് ആണെന്ന് കസ്റ്റംസും എന്ഫോഴ്സ്മെന്റ് പറയുമ്പോഴാണ് എന് ഐ എ അദ്ദേഹത്തെ കേസില് നിന്നും ഒഴിവാക്കിയത്.കേസില് കുറ്റപത്രം സമര്പ്പിച്ച സാഹചര്യത്തില് ഭാവിയില് അദ്ദേഹത്തെ പ്രതിചേര്ക്കാന് കഴിയില്ല. ഇത് കസ്റ്റംസ്, ഇ ഡി കേസുകളില് ശിവശങ്കറിന് ഗുണമായി ഭവിക്കും.
തുടര്ച്ചയായി നൂറ് കോടിയലധികം രൂപയുടെ സ്വര്ണക്കടത്ത് നടത്തിയതിനാല് തീവ്രവാദ പ്രവര്ത്തനമായി കണക്കാക്കണമെന്നാണ് എന്ഐഎയുടെ വാദം. സന്ദിപ് നായരെ എന് ഐ എ കേസില് മാപ്പുസാക്ഷിയാക്കുകയും ചെയ്തു. സന്ദീപ് നായര് കസ്റ്റംസ് കേസില് കോഫെപോസ പ്രകാരം കരുതല് തടങ്കലിലാണ്. അതേ സമയം ശിവശങ്കറിനെ പ്രതിയാക്കി എന്ഫോഴ്സ്മെന്റ് അനുബന്ധ കുറ്റപത്രവും സമര്പ്പിച്ചിരുന്നു. ഇത് സംബന്ധിച്ച് അന്വേഷണം നടത്തിയപ്പോള് ശിവശങ്കറിനെ പ്രതിയാക്കാനുള്ള തെളിവില്ലെന്നാണ് എന് ഐ എ നല്കുന്ന വിശദീകരണം. ദേശീയ അന്വേഷണ ഏജന്സിയുടെ കണ്ണില് ശിവശങ്കറിനെ തീവ്രവാദ കേസില് പ്രതിയാക്കാന് കഴിയില്ലെന്നാണ് പറയുന്നത്. സ്വര്ണ്ണ കേസിലും അദ്ദേഹം പ്രതിയല്ല. മൂന്ന് ഏജന്സികളും അന്വേഷിക്കുന്നത് സമാനമായ കേസുകളാണ്
സ്വര്ണക്കടത്ത് കേസില് സ്വപ്ന സുരേഷും സരിത്തുമുള്പ്പെടെ 20 പേരെ പ്രതികളാക്കിയാണ് എന്ഐഎ കുറ്റപത്രം സമര്പ്പിച്ചത്.
സ്വര്ണക്കടത്ത് കേസില് ആദ്യ പ്രതിയായ സരിത്തിനെ അറസ്റ്റ് ചെയ്ത് 180 ദിവസം പൂര്ത്തിയാകാനിരിക്കെയാണ് എന്ഐഎ ആദ്യകുറ്റപത്രം സമര്പ്പിച്ചത്. കസ്റ്റംസ് കേസില് മാപ്പുസാക്ഷികളായ സ്വപ്ന സുരേഷും സരിത്തിനെയും കൂടാതെ കെ ടി റമീസും പ്രതിയാണ്. ഇവരുള്പ്പെടെ 20 പ്രതികള്ക്കെതിരെയാണ് യുഎപിഎ ചുമത്തി കുറ്റപത്രം നല്കിയത്. സന്ദീപ് നായര്ക്ക് പുറമേ നാല് പേര് കൂടി മാപ്പുസാക്ഷിയായെന്നാണ് സൂചന. സ്വര്ണക്കടത്തിലൂടെ രാജ്യത്തിന്റെ സാമ്പത്തിക ഭദ്രത തകര്ത്തുവെന്ന കുറ്റവും തീവ്രവാദസംഘത്തിലംഗമായി എന്ന കുറ്റവുമാണ് ഇവര്ക്കെതിരെ ചുമത്തിയിട്ടുള്ളത്.
ദേശീയ അന്വേഷണ ഏജന്സിയുടെ അന്വേഷണമാണ് സംസ്ഥാനത്ത് കാര്യക്ഷമമായി നടന്നത്. ദേശീയ ഏജന്സികളില് ഏറ്റവും ശക്തവും എന് ഐ എ തന്നെയാണ്. സ്വപ്നയും സരിത്തുമൊക്കെ സ്വര്ണ്ണ കേസ് വഴി തീവ്രവാദ കേസില് പ്രതിയാകുമ്പോള് ശിവശങ്കര് ഒഴിവാക്കപ്പെട്ടത് അദ്ദേഹത്തിന് നിര്ണായകം തന്നെയാണ്.
തീവ്രവാദ കേസില് ശിവശങ്കര് പ്രതിയായിരുന്നെങ്കില് അദ്ദേഹത്തിന്റെ ഭാവി അപകടത്തിലാവുമായിരുന്നു. കസ്റ്റംസിന്റെ യും ഇ.ഡിയുടെയും കേസില് പ്രതിയായാലും അത് സാമ്പത്തിക കുറ്റത്തിന്റെ പരിധിയില് മാത്രമാണ് വരിക. സാമ്പത്തിക കുറ്റാന്വേഷണത്തില് നടപടികള്ക്ക് പരിമിതിയുണ്ട്.
കസ്റ്റംസ് കരുതല് തടങ്കലിലാക്കിയ സന്ദീപിനെയാണ് എന് ഐ എ മാപ്പുസാക്ഷിയാക്കിയത്. അത് വിചിത്രമായ നടപടിയാണ്. ഇത്തരം ആശയക്കുഴപ്പങ്ങള് കേസിന്റെ മെറിറ്റിനെ ഗുരുതരമായി ബാധിക്കുമെന്ന കാര്യത്തില് സംശയമില്ല. മാത്രവുമല്ല സ്വര്ണ്ണ ക്കടത്ത് രാജ്യത്തിന്റെ സാമ്പത്തിക ഭദ്രതയെ ബാധിച്ചതിനാല് തീവ്രവാദമാകുമെന്ന കാര്യവും നിയമ പരിശോധനക്ക് വിധേയമാകും. ഇത്തരത്തില് കേന്ദ് ഏജന്സികള് വണ്ടിക്ക് പിന്നില് കാളയെ കെട്ടിയാണ് നീങ്ങികൊണ്ടിരിക്കുന്നത്.
ഇത് ശിവശങ്കറിനെ രക്ഷിക്കാനുള്ള അടവാണോ എന്ന് സംശയിക്കുന്നവരും നിയമമേഖലയിലുണ്ട്. കാരണം സിവില് സര്വീസ് ഉദ്യോഗസ്ഥരാണ് എന് ഐ എയുടെ തലപ്പത്തുള്ളത്. ശിവശങ്കറും സിവില് സര്വീസുകാരനാണ്. ദേശീയ ഏജന്സികള് ഒപ്പിടാന് പറയുന്നിടത്ത് കോടതികള് ഒപ്പിടാനുള്ള സാധ്യത വിരളമാണ്.
L" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
