അ​മ്മ​യെ അ​ച്ഛ​ന്‍ വെ​ടി​വ​ച്ചു​കൊ​ല്ലു​ന്ന​തി​ന് ഏ​ക ദൃ​ക്സാ​ക്ഷി​യാ​യ​ത് അ​ഞ്ചു വ​യ​സു​കാ​ര​നാ​യ മ​ക​ന്‍. കാ​ന​ത്തൂ​ര്‍ തെ​ക്കേ​ക്ക​ര​യി​ലെ ബേ​ബി​യെ ഭ​ര്‍​ത്താ​വ് വി​ജ​യ​ന്‍ വെ​ടി​വ​ച്ച കാ​ര്യം ആ​ദ്യം പു​റം​ലോ​ക​ത്തെ അ​റി​യി​ച്ച​തും ഈ ​ദ​മ്പ​തി​ക​ളു​ടെ മ​ക​ന്‍ അ​ഭി​ലാ​ഷാ​ണ്. "അ​മ്മ​യെ അ​ച്ഛ​ന്‍ വെ​ടി​വ​ച്ചു. ഇ​പ്പോ​ള്‍ അ​മ്മ അ​ന​ങ്ങു​ന്നി​ല്ല' എ​ന്നാ​ണ് അ​യ​ല്‍​വീ​ട്ടി​ല്‍ ഓ​ടി​യെ​ത്തി​യ അ​ഭി​ലാ​ഷ് പ​റ​ഞ്ഞ​ത്. അ​യ​ല്‍​വാ​സി​ക​ളാ​ണ് പോ​ലീ​സി​നെ വി​വ​ര​മ​റി​യി​ച്ച്‌ ബേ​ബി​യെ ആ​ശു​പ​ത്രി​യി​ല്‍ എ​ത്തി​ച്ച​ത്. എ​ന്നാ​ല്‍ അ​തി​ന​കം ത​ന്നെ ബേ​ബി​യു​ടെ ജീ​വ​ന്‍ ന​ഷ്ട​പ്പെ​ട്ടി​രു​ന്നു. അ​ത്യ​ധി​കം ഭ​യ​ത്തോ​ടെ​യു​ള്ള കു​ട്ടി​യു​ടെ പെ​രു​മാ​റ്റം ഓ​ര്‍​ത്തെ​ടു​ക്കു​ന്ന​തു പോ​ലും അ​യ​ല്‍​വാ​സി​ക​ള്‍​ക്ക് ഞെ​ട്ട​ലാ​ണ്.

ദ​മ്പ​തി​ക​ളു​ടെ മ​ര​ണ​ത്തോ​ടെ അ​നാ​ഥ​നാ​യ കു​ട്ടി ഇ​പ്പോ​ള്‍ ബ​ന്ധു​ക്ക​ളു​ടെ സം​ര​ക്ഷ​ണ​യി​ലാ​ണ് ഉ​ള്ള​ത്. കു​ഞ്ഞി​ന്‍റെ ഞെ​ട്ട​ലും ഭ​യ​വും ഇ​പ്പോ​ഴും മാ​റി​യി​ട്ടി​ല്ല. എ​ങ്കി​ലും മ​ദ്യ​ല​ഹ​രി​യി​ലും ദേ​ഷ്യ​ത്തി​ലും സു​ബോ​ധം ന​ഷ്ട​പ്പെ​ട്ട അ​വ​സ്ഥ​യി​ലും വി​ജ​യ​ന്‍ കു​ഞ്ഞി​നെ ഉ​പ​ദ്ര​വി​ക്കാ​തെ വി​ട്ട​തി​ല്‍ ആ​ശ്വാ​സം ക​ണ്ടെ​ത്തു​ക​യാ​ണ് ബ​ന്ധു​ക്ക​ളും അ​യ​ല്‍​വാ​സി​ക​ളും. ഇ​രി​യ​ണ്ണി ഗ​വ. എ​ല്‍​പി സ്കൂ​ളി​ലെ ഒ​ന്നാം​ക്ലാ​സ് വി​ദ്യാ​ര്‍​ഥി​യാ​ണ് അ​ഭി​ലാ​ഷ്. ബേ​ബി​ക്ക് മ​റ്റൊ​രാ​ളു​മാ​യി ബ​ന്ധ​മു​ണ്ടെ​ന്ന് ആ​രോ​പി​ച്ച്‌ വി​ജ​യ​ന്‍ ഭാ​ര്യ​യെ മ​ര്‍​ദി​ക്കു​ന്ന​ത് പ​തി​വാ​യി​രു​ന്നു. ഇ​തി​നെ​തി​രേ ബേ​ബി ആ​ദൂ​ര്‍ പോ​ലീ​സി​ല്‍ പ​രാ​തി ന​ല്‍​കി​യ​തി​ന്‍റെ അ​ടി​സ്ഥാ​ന​ത്തി​ല്‍ പോ​ലീ​സ് ഇ​രു​വ​രെ​യും വി​ളി​ച്ചു​വ​രു​ത്തി സം​സാ​രി​ച്ചി​രു​ന്നു.

അ​ട​യ്ക്ക​യും തേ​ങ്ങ​യും പ​റി​ക്കു​ന്ന ജോ​ലി ചെ​യ്തി​രു​ന്ന വി​ജ​യ​ന്‍ ന​ന്നാ​യി അ​ധ്വാ​നി​ച്ച്‌ കു​ടും​ബം പു​ല​ര്‍​ത്തി​യി​രു​ന്ന വ്യ​ക്തി​യാ​യി​രു​ന്നു​വെ​ന്ന് നാ​ട്ടു​കാ​ര്‍ പ​റ​യു​ന്നു. പി​ന്നീ​ട് മ​ദ്യ​ത്തി​ന് അ​ടി​മ​യാ​യ​തോ​ടെ​യാ​ണ് കു​ടും​ബ​ത്തി​ല്‍ പ്ര​ശ്ന​ങ്ങ​ളു​ണ്ടാ​യ​ത്. സ​മീ​പ​ത്തെ കോ​ള​നി​യി​ലെ വ്യാ​ജ​വാ​റ്റ് കേ​ന്ദ്ര​ത്തി​ല്‍ നി​ന്നാ​ണ് ഇ​യാ​ള്‍ മ​ദ്യ​ത്തി​ന​ടി​മ​യാ​യ​ത്. ഇ​യാ​ള്‍​ക്ക് ക​ള്ള​ത്തോ​ക്ക് ല​ഭി​ച്ച​ത് എ​ങ്ങ​നെ​യാ​ണെ​ന്ന കാ​ര്യ​വും പോ​ലീ​സ് അ​ന്വേ​ഷി​ക്കു​ന്നു​ണ്ട്.

ശനിയാഴ്ച ഉച്ചയ്ക്ക് 12 മണിയോടെയായിരുന്നു സംഭവം. വീടിനുള്ളില്‍വെച്ച് വിജയന്‍ ബേബിക്ക് നേരേ വെടിയുതിര്‍ക്കുകയായിരുന്നു. വെടിയേറ്റ് വീണ ബേബി തല്‍ക്ഷണം മരിച്ചു. പിന്നാലെ വീട്ടില്‍നിന്ന് രക്ഷപ്പെട്ട വിജയനെ സമീപത്തെ കശുമാവിന്‍ത്തോട്ടത്തില്‍ തൂങ്ങിമരിച്ചനിലയിലും കണ്ടെത്തി.

കൈവശമുണ്ടായിരുന്ന നാടന്‍തോക്ക് ഉപയോഗിച്ചാണ് വിജയന്‍ ഭാര്യയെ കൊലപ്പെടുത്തിയതെന്നാണ് വിവരം. ബേബിയെ ആരോ ഫോണില്‍വിളിച്ച് ശല്യംചെയ്യുന്നതുമായി ബന്ധപ്പെട്ട് ദമ്പതിമാര്‍ക്കിടയില്‍ പ്രശ്‌നങ്ങളുണ്ടായിരുന്നു. ഇതാണ് കൊലപാതകത്തിലേക്ക് നയിച്ചത്. സ്ഥലത്തെത്തിയ ആദൂര്‍ പോലീസ് തുടര്‍നടപടികള്‍ സ്വീകരിച്ചു.