കെവിന് വധക്കേസ് പ്രതിയെ ജയിലധികൃതര് മര്ദ്ദിച്ച സംഭവത്തില് പ്രതിയുടെ പിതാവു നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും...
കെവിന് വധക്കേസ് പ്രതിയെ ജയിലധികൃതര് മര്ദ്ദിച്ച സംഭവത്തില് പ്രതിയുടെ പിതാവു നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും. ഒന്പതാം പ്രതി ടിറ്റോ ജെറോമിനെ മര്ദ്ദിച്ചതായി ചൂണ്ടിക്കാട്ടി പിതാവ് ജെറോം നല്കിയ ഹേബിയസ് കോര്പ്പസ് ഹര്ജിയാണ് ഡിവിഷന് ബഞ്ചിന്റെ പരിഗണനയിലുള്ളത്. ടിറ്റോയ്ക്ക് ജയില് ജീവനക്കാരില് നിന്നും മര്ദ്ദനമേറ്റെന്ന് തിരുവനന്തപുരം ജില്ലാ ജഡ്ജി കഴിഞ്ഞ ദിവസം ഹൈക്കോടതിയില് റിപ്പോര്ട്ട് നല്കിയിരുന്നു.
ഹൈക്കോടതി ഉത്തരവിന് പ്രകാരമായിരുന്നു ജില്ലാ ജഡ്ജി റിപ്പോര്ട്ട് സമര്പ്പിച്ചത്. ജനുവരി ഒന്നാം തീയതി പ്രതിയെ ജയില് ജീവനക്കാര് തല്ലിച്ചതച്ചതായി ജഡ്ജിയുടെ റിപ്പോര്ട്ടില് പറയുന്നുണ്ട്.നിലവില് മെഡിക്കല് കോളേജാശുപത്രിയില് ചികില്സയില് കഴിയുകയാണ് പ്രതി ടിറ്റോ ജെറോം.അതേസമയം, സംഭവത്തില്, മൂന്ന് പ്രിസണ് ഓഫിസര്മാരെ അന്വേഷണവിധേയമായി സ്ഥലംമാറ്റിയിരുന്നു.
ബിജുകുമാര്, സനല് എന്നിവര്ക്കെതിരെയാണ് നടപടി. ഇവരെ നെട്ടുകാല്ത്തേരിയിലെ തുറന്ന ജയിലിലേക്ക് മാറ്റി. പ്രിസണ് ഓഫിസറായ ബിജു കുമാറിനെ നെയ്യാറ്റിന്കര സ്പെഷ്യല് സബ് ജയിലിലേക്കും മാറ്റി. കെവിന് വധക്കേസിലെ ഒന്പതാം പ്രതിയായ ടിറ്റു ജെറോമിനെക്കുറിച്ച് വിവരമില്ലെന്നും ജയിലധികൃതര് മര്ദിച്ചതായി സംശയമുണ്ടെന്നും ചൂണ്ടിക്കാട്ടി പിതാവ് ഹര്ജി നല്കിയതിനെ തുടര്ന്ന് വിശദമായ അന്വേഷണം നടത്തി റിപ്പോര്ട്ട് സമര്പ്പിക്കാന് ഹൈക്കോടതി നിര്ദേശം നല്കിയിരുന്നു.
https://www.facebook.com/Malayalivartha
