മന്ത്രി ഇ പി. ജയരാജന്‍ സി പി എം സംസ്ഥാന സെക്രട്ടറിയാവും. നിയമസഭാ തെരഞ്ഞടുപ്പിന് മുമ്പ് തന്നെ ഇത് സംഭവിച്ചാല്‍ അത്ഭുതപ്പെടേണ്ടതില്ല. മന്ത്രി സ്ഥാനം വേണ്ടെന്ന് വയ്ക്കാന്‍ അദ്ദേഹം മുമ്പേ തയ്യാറായതാണെങ്കിലും പിണറായിയുടെ അനുവാദം കിട്ടാത്തതു കൊണ്ടാണ് തയ്യാറാകാതിരുന്നത്. പിണറായി വിജയന്റെ വിശ്വസ്തനായ ജയരാജന്‍ പാര്‍ട്ടി സെക്രട്ടറിയാവുമെന്ന സൂചന മുമ്പേയുണ്ടായിരുന്നു. കണ്ണൂരില്‍ നിന്ന് പാര്‍ട്ടി സെക്രട്ടറി വരുന്നതിനോടാണ് പിണറായിക്ക് താത്പര്യം.

അടുത്ത തവണ ഭരണം കിട്ടിയാല്‍ ഒരു പുതിയ ടീമായിരിക്കും സംസ്ഥാനം ഭരിക്കുക. യുവാക്കള്‍ക്കു പരിഗണന നല്‍കി കൊണ്ടുള്ള പുതിയ രീതിക്കാണ് പാര്‍ട്ടി നിയമസഭാ തിരഞ്ഞെടുപ്പില്‍ തയ്യാറെടുക്കുന്നത്. രണ്ടുതവണ തുടര്‍ച്ചയായി ജയിച്ചവരെ മാറ്റിനിര്‍ത്താനാണ് തീരുമാനം. മണ്ഡലത്തിന്റെ പൊതുസ്വഭാവവും നേതാക്കള്‍ നിര്‍വഹിക്കേണ്ട ചുമതലയും മുന്‍നിര്‍ത്തിയാകും ഇക്കാര്യത്തില്‍ പരിഗണിക്കും. അങ്ങനെ വന്നാല്‍ രണ്ടു തവണ എന്ന നിബന്ധനയില്‍ ചിലപ്പോള്‍ മാറ്റങ്ങള്‍ ഉണ്ടായേക്കാം. നടപ്പാക്കുക.

മന്ത്രി എം.എം. മണി മത്സരിക്കില്ലെന്നാണ് പറയുന്നത്. എ.കെ. ബാലന്റെ കാര്യത്തിലും മത്സരിക്കാനുള്ള സാധ്യത വിരളമാണ്. തിരഞ്ഞെടുപ്പിനു ശേഷമായിരിക്കും സി.പി.എം. സമ്മേളനത്തിന്റെ നടപടി ക്രമങ്ങള്‍ ആരംഭിക്കുക. ഇ.പി. ജയരാജനെ കൂടാതെ മറ്റൊരു പേര് അടുത്ത സംസ്ഥാന സെക്രട്ടറിയാകാന്‍ പിണറായിയുടെ മറസിലില്ല. എന്നാല്‍ എം എ ബേബി അടക്കമുള്ളവര്‍ സെക്രട്ടറിയാവാന്‍ തള്ളുന്നുണ്ട്. അദ്ദേഹത്തിന് കേന്ദ്രനേതൃത്വത്തിന്റെ പിന്തുണയുമുണ്ട്. എന്നാല്‍ പിണറായിക്ക് ബേബിയെ യാതൊരു താത്പര്യവുമില്ല.

ജി. സുധാകരന്‍ ഇനി മത്സരിക്കില്ലെന്നാണ് സൂചന. സുധാകരന് തെരഞ്ഞടുപ്പില്‍ മത്സരിക്കാന്‍ താത്പര്യവുമില്ല. ഏഴ് തവണ അദ്ദേഹം ഇലക്ഷനില്‍ മത്സരിച്ചിട്ടുണ്ട്. മത്സരിച്ച നാലുതവണയും ജയിക്കുകയും രണ്ടുതവണ മന്ത്രിയാകുകയും ചെയ്ത തോമസ് ഐസക്കിന്റെ കാര്യത്തിലും സമാനമായ തീരുമാനമാണുള്ളത്. അദ്ദേഹം മത്സരിക്കുമെന്ന കാര്യത്തില്‍ ഉറപ്പില്ല. ടി.പി. രാമകൃഷ്ണന്റെ മണ്ഡലമായ പേരാമ്പ്ര ജോസ് കെ. മാണിയുടെ കേരള കോണ്‍ഗ്രസ് ആവശ്യപ്പെട്ടിട്ടുണ്ട്. അത് അംഗീകരിക്കുകയാണെങ്കില്‍ ടി.പി. മത്സരത്തില്‍ നിന്നു മാറിനിന്നേക്കും. ഇവിടെ ടി.പി. രാമകൃഷ്ണനോട് തോറ്റ മുഹമ്മദ് ഇക്ബാല്‍ സ്ഥാനാര്‍ത്ഥിയായേക്കും.

മന്ത്രി മേഴ്‌സിക്കുട്ടിയമ്മക്ക് കുണ്ടറ അനിവാര്യമായാല്‍ അദ്ദേഹത്തിന് വീണ്ടും അവസരം ലഭിച്ചേക്കും. കെ.കെ. ശൈലജ ടീച്ചറെ വീണ്ടും മത്സരിക്കുമെങ്കിലും കൂത്തുപറമ്പ് എല്‍.ജെ.ഡി.ക്കു നല്‍കേണ്ടി വരുമെന്നതിനാല്‍ മണ്ഡലം മാറാനാണു സാധ്യത. മട്ടന്നൂരില്‍ ശൈലജയെ മത്സരിപ്പിച്ചേക്കും. മത്സരിക്കുന്നുണ്ടെങ്കില്‍ ഇ.പി. ജയരാജന്‍ കല്യാശ്ശേരിയിലേക്കു മാറാനാണു സാധ്യത.

മന്ത്രിമാരായ എ.സി. മൊയ്തീന്‍, സി. രവീന്ദ്രനാഥ്, കെ.ടി. ജലീല്‍, കടകംപള്ളി സുരേന്ദ്രന്‍, സ്പീക്കര്‍ പി. ശ്രീരാമകൃഷ്ണന്‍ എന്നിവരെല്ലാം രണ്ടുതവണയിലേറെ മത്സരിക്കുന്നതിനാല്‍ വീണ്ടും സാധ്യതയില്ല.

പാര്‍ട്ടി സംസ്ഥാന സെക്രട്ടേറിയറ്റ് അംഗങ്ങളില്‍ ചിലരെ മത്സരത്തിനിറക്കാനും ആലോചനയുണ്ട്. എം.വി. ഗോവിന്ദന്‍, കെ.എന്‍. ബാലഗോപാല്‍, പി. രാജീവ് എന്നിവരിലാര്‍ക്കെങ്കിലും നറുക്കുവീഴും.

എ. പ്രദീപ് കുമാര്‍, ജെയിംസ് മാത്യു, സുരേഷ് കുറുപ്പ്, ടി.വി. രാജേഷ്, ജോര്‍ജ് എം. തോമസ്, സി. കൃഷ്ണന്‍, അയിഷ പോറ്റി എന്നിവരും മാറിനില്‍ക്കും. വൈപ്പിന്‍, റാന്നി മണ്ഡലത്തിന്റെ പ്രത്യേകതയാണ് എസ്. ശര്‍മയ്ക്കും രാജു എബ്രഹാമിനും സാധ്യത കൂട്ടുന്നത്. എന്നാല്‍ റാന്നി ജോസ് കെ മാണി ചോദിക്കുന്നുണ്ട്.വിജയസാധ്യത നിലനിര്‍ത്താന്‍ കഴിയുന്നവരുണ്ടെങ്കില്‍ അവരെ മാറ്റി പരീക്ഷിച്ചേക്കും.

ഒരു പുതിയ ഭരണശൈലിയായിരിക്കും അടുത്ത തവണ ദൃശ്യമാവുക. ഭരണം കിട്ടിയാല്‍ പുതിയ ടീം കേരളത്തെ നയിക്കും.