വരുന്ന നിയമസഭാ തെരഞടുപ്പിന്റെ ഡ്രസ് റിഹേഴ്‌സലാണ് ഹരിപ്പാട്ടെ തൃപ്പെരുന്തുറയില്‍ നടന്നത്. ഇത്തരത്തില്‍ തിരുവനന്തപുരത്തെ കല്ലിയൂര്‍ പഞ്ചായത്ത് ഉള്‍പ്പെടെയുള്ളവ സി പി എം ബിജെ പിക്ക് വിട്ടുകൊടുത്തു. കോണ്‍ഗ്രസാകട്ടെ ഇവിടെ കാഴ്ചക്കാരായി നോക്കിനിന്നു.

ചെന്നിത്തല തൃപ്പെരുന്തുറയിലെ സഖ്യത്തെച്ചൊല്ലി സിപിഎമ്മും കോണ്‍ഗ്രസും തമ്മിലുള്ള കലഹം അവസാനിക്കുന്നതിന് മുമ്പാണ് ബി ജെ പി ഭരണത്തിലേറിയത് . യുഡിഎഫ് പിന്തുണയോടെ ലഭിച്ച പ്രസിഡന്റ് സ്ഥാനം സിപിഎം രാജിവെച്ചത് ബിജെപിയുമായുള്ള ധാരണയെത്തുടര്‍ന്നാണെന്ന് കോണ്‍ഗ്രസ് ആരോപിക്കുന്നു. എന്നാല്‍ യുഡിഎഫ് പിന്തുണ സ്വീകരിക്കുന്നത് രാഷ്ട്രീയ ശരികേടാണെന്നാണ് സിപിഎം വിശദീകരണം. എല്‍ഡിഎഫ് പിന്മാറിയതോടെ ചെന്നിത്തല പഞ്ചായത്തില്‍ ബിജെപി ഭരണം പിടിക്കും. ഡല്‍ഹിയില്‍ സി പി എമ്മും കോണ്‍ഗ്രസും ഒരേ വണ്ടിയില്‍ തോളോടുതോള്‍ ചേര്‍ന്ന് സഞ്ചരിക്കുമ്പോഴാണ് കേരളത്തില്‍ മാറി നിന്ന് പോരടിക്കുന്നത്.

കേരളത്തില്‍ യഥാര്‍ത്ഥ ശത്രു കോണ്‍ഗ്രസാണെന്ന ആശയമാണ് സി പി എമ്മിനുള്ളത്. ചെന്നിത്തല പഞ്ചായത്തില്‍ എല്‍ഡിഎഫും യുഡിഎഫും. ബിജെപിക്കും യുഡിഎഫിനും ആറുസീറ്റ് വീതമാണ് ലഭിച്ചത്. എല്‍ഡിഎഫിന് അഞ്ച് സീറ്റ്. ഇതാണ് പഞ്ചായത്തിലെ കക്ഷിനില. പട്ടികജാതി വനിതാസംവരണമായിരുന്നു പ്രസിഡന്റ് സ്ഥാനം. ഈ വിഭാഗത്തില്‍ ആരും ജയിക്കാത്തതിനാല്‍ യുഡിഎഫ് എല്‍ഡിഎഫിനെ നിരുപാധികം പിന്തുണച്ചു. സിപിഎമ്മിലെ വിജയമ്മ ഫിലേന്ദ്രന്‍ പ്രസിഡന്റുമായി. പ്രതിപക്ഷനേതാവിന്റെ പഞ്ചായത്തില്‍ ബിജെപി ഭരണം ഒഴിവാക്കുകയായിരുന്നു യുഡിഎഫ് ലക്ഷ്യം. ചെന്നിത്തലയുടെ നിര്‍ദ്ദേശാനുസരണമാണ് ത്യപ്പെരുന്തുറയില്‍ സി പി എമ്മിനെ പിന്തുണക്കാന്‍ തീരുമാനിച്ചത്.

ഇടത് വലത് കൂട്ടുകെട്ട് ബിജെപി സംസ്ഥാനമൊട്ടാകെ ആയുധമാക്കിയതോടെ പ്രസിഡന്റ് സ്ഥാനം രാജിവെക്കാന്‍ സിപിഎം തീരുമാനിച്ചു. അതേസമയം, രാജി തീരുമാനം ബിജെപിയെ സഹായിക്കാനാണെന്നാണ് കോണ്‍ഗ്രസ് ആരോപിക്കുന്നത്. സി പി എം സംസ്ഥാന കമ്മിറ്റിയാണ് ഇത്തരത്തില്‍ ഒരു തീരുമാനമെടുത്തത്.ബി ജെ പി യുമായി സി പി എമ്മിന് രഹസ്യധാരണയുണ്ടെന്ന കാര്യം പരസ്യമായ രഹസ്യമാണ്. സ്വര്‍ണ്ണകേസിലുള്ള വഴിത്തിരിവുകള്‍ അതാണ് തെളിയിക്കുന്നത്.

യുഡിഎഫ് പിന്തുണയോടെ കിട്ടിയതോടെ തിരുവണ്ടുര്‍ പഞ്ചായത്തില്‍ പ്രസിഡന്റ് സ്ഥാനം സിപിഎം അന്നുതന്നെ രാജിവെച്ചിരുന്നു.അവിടെയും ബി ജെ പിക്കാണ് സാധ്യത. ചെന്നിത്തല തൃപ്പെരുന്തുറയില്‍ സഖ്യം തുടര്‍ന്നു. നിയമസഭാതെരഞ്ഞെടുപ്പില്‍ ഈ സഖ്യം തിരിച്ചടിയാകുമെന്ന വിലയിരുത്തലിനെ തുടര്‍ന്നാണ് ഇപ്പോഴത്തെ രാജി തീരുമാനമെന്നാണ് സി പി എം പറയുന്നത് . അങ്ങനെ തിരുവന്‍വണ്ടൂരിന് പിന്നാലെ ചെന്നിത്തല പഞ്ചായത്തിലും ഭരണം പ്രതിസന്ധിയിലായി.

തെരഞ്ഞടുപ്പ് കമ്മീഷന്‍ പ്രത്യേക വിജ്ഞാപനം വന്നശേഷം പ്രസിഡന്റ് തെരഞ്ഞെടുപ്പ് നടക്കും. യുഡിഎഫും എല്‍ഡിഎഫും വഴിപിരിഞ്ഞതോടെ ബിജെപിക്കാണ് ഇനി സാധ്യത. ഈ രണ്ട് പഞ്ചായത്തുകളില്‍ക്കൂടി അധികാരം ലഭിച്ചാല്‍, ജില്ലയില്‍ ബിജെപി ഭരിക്കുന്ന ഗ്രാമപ!ഞ്ചായത്തുകളുടെ എണ്ണം നാലാകും. ബി ജെ പിക്കുള്ള നേട്ടം നിസാര കാര്യമല്ല

ബി ജെ പിയുടെ കേന്ദ്ര തീരുമാനം അനുസരിച്ചാണ് ഇപ്പോഴത്തെ സംഭവവികാസങ്ങള്‍ നടക്കുന്നതെന്ന ആരോപണം കോണ്‍ഗ്രസ് ഉന്നയിക്കുന്നുണ്ട്. സി പി എം ബിജെപി സഖ്യത്തെ കുറിച്ച് കോണ്‍ഗ്രസ് പ്രചരണം ശക്തമാക്കും.