സംസ്ഥാനത്ത് ഇന്നും നാളെയും ഇടിയോട് കൂടിയ ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്... മലയോര മേഖലകളില് ഇടിമിന്നല് കൂടുതല് സജീവമാകാന് സാധ്യത
അടുത്ത രണ്ടു ദിവസം കൂടി കേരളത്തില് ഒറ്റപ്പെട്ട ഇടിയോടെ മഴ തുടരാനാണ് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തിരുവനന്തപുരത്ത് ഓറഞ്ച് അലേര്ട്ടുംകൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് യെല്ലോ അലേര്ട്ടും പ്രഖ്യാപിച്ചു.
തിരുവനന്തപുരം, കൊല്ലം, ഇടുക്കി ജില്ലകളില് നാളെ മഴ മുന്നറിയിപ്പുണ്ട്. ഉച്ചയ്ക്ക് രണ്ട് മണി മുതല് പത്ത് മണി വരെയുള്ള സമയത്ത് ഇടിമിന്നലിനുള്ള സാധ്യത കൂടുതലായതിനാല് പൊതുജനങ്ങള് ജാഗ്രത പാലിക്കണം.
മലയോര മേഖലകളില് ഇടിമിന്നല് കൂടുതല് സജീവമാകാന് സാധ്യതയുണ്ട്. കടലില് ശക്തമായ കാറ്റിനും കടല് പ്രക്ഷുബ്ധമാകാനും സാധ്യത. കേരള, ലക്ഷദ്വീപ് തീരങ്ങളില് നിന്നും മത്സ്യ ബന്ധനത്തിന് പോകരുതെന്ന് മുന്നറിയിപ്പുണ്ട്.
അതേസമയം, ജനുവരിയില് ഇതുവരെ എല്ലാ ജില്ലകളിലും റെക്കോഡ് മഴയാണ് ലഭിച്ചത്. ആദ്യ രണ്ടു വാരത്തില് ശരാശരി 4.2 മില്ലിമീറ്റര് ലഭിക്കേണ്ട സ്ഥാനത്ത് കേരളത്തില് ഇക്കുറി പെയ്തത് 101.3 മില്ലിമീറ്റര് മഴയാണ്. കഴിഞ്ഞ 71 വര്ഷത്തെ ചരിത്രത്തില് ഏറ്റവും കൂടുതല് മഴ ലഭിച്ച ജനുവരിയാണിത്.
https://www.facebook.com/Malayalivartha