കാന്സര് മരുന്നുകള്ക്കുള്ള പ്രത്യേക പാര്ക്കിന് ഈ വര്ഷം തറക്കല്ലിടുമെന്ന് ധനമന്ത്രി....
കാന്സര് മരുന്നുകള്ക്കുള്ള പ്രത്യേക പാര്ക്കിന് ഈ വര്ഷം തറക്കല്ലിടുമെന്ന് ധനമന്ത്രി. 2021-22 ല് പദ്ധതി യാഥാര്ത്ഥ്യമാക്കുമെന്നും ഇതിനായി കിഫ്ബി ഫണ്ട് വിനിയോഗിക്കുമെന്നും ബജറ്റ് അവതരണത്തില് പ്രഖ്യാപിച്ചു.
ശ്രീ ചിത്ര തിരുനാള് ഇന്സ്റ്റിറ്റ്യൂട്ടും കെഎസ്ഐഡിസിയും ചേര്ന്ന് ലൈഫ് സയന്സ് പാര്ക്കില് 230 കോടിയുടെ മെഡിക്കല് ഡിവൈസ് പാര്ക്ക് സ്ഥാപിക്കും. നീതി ആയോഗിന്റെ അംഗീകാരം ലഭിച്ച പദ്ധതിക്കായി 24 കോടി വകയിരുത്തി.
കെഎസ് ഡിപിയുടെ ഉല്പ്പാദനം 20 കോടിയില് നിന്നും 180 കോടിയായി ഉയര്ന്നു കഴിഞ്ഞെന്നും ഉല്പ്പാദന ശേഷി 230 കോടിയായി ഇനിയും ഉയരുമെന്നും ഇതിനായി 15 കോടി അനുവദിക്കുന്നതായും പറഞ്ഞു.
ലോകാരോഗ്യ സംഘടനയുടെ പിന്തുണയോടെ ആഫ്രിക്കന് കിഴക്കനേഷ്യന് രാജ്യങ്ങളിലേക്ക് മരുന്നുകള് കയറ്റിയയ്ക്കും. തൃശൂര് മെഡിക്കല് കോളേജിനെ ക്യാംപസ് മെഡിക്കല് കോളേജായി രൂപാന്തരപ്പെടുത്തും.
"
https://www.facebook.com/Malayalivartha