രാഹുല് ഗാന്ധി ഈ മാസം 27ന് വയനാട്ടിലെത്തും; വയനാട് ലോക്സഭാ മണ്ഡലത്തിന് കീഴിലുള്ള മൂന്ന് നിയമസഭാ മണ്ഡലങ്ങളിലെയും യു.ഡി.എഫ് കണ്വന്ഷനുകളില് രാഹുല് പങ്കെടുക്കും; കല്പ്പറ്റ സീറ്റ് വിഷയത്തില് എം.പിയുടെ സാന്നിധ്യത്തിൽ ചര്ച്ചകള് നടന്നേക്കും
20 JANUARY 2021 05:52 PM IST
മലയാളി വാര്ത്ത
നിയമസഭാ തിരഞ്ഞെടുപ്പിന്റെ പശ്ചാത്തലത്തില് കോണ്ഗ്രസ് എം.പി രാഹുല് ഗാന്ധി ഈ മാസം അവസാനം വയനാട്ടിലെത്തും. 27ന് അദ്ദേഹം വയനാട്ടിലെത്തുന്ന ഇദ്ദേഹം മത നേതാക്കളെയും സാംസ്കാരിക നായകന്മാരെയും കാണും.
വയനാട് ലോക്സഭാ മണ്ഡലത്തിന് കീഴിലുള്ള മൂന്ന് നിയമസഭാ മണ്ഡലങ്ങളിലെയും യു.ഡി.എഫ് കണ്വന്ഷനുകളില് രാഹുല് ഗാന്ധി പങ്കെടുക്കും. തദ്ദേശ തെരഞ്ഞെടുപ്പില് വിജയിച്ചവര്ക്കുള്ള സ്വീകരണ യോഗങ്ങളിലും രാഹുലിന്റെ സാന്നിധ്യമുണ്ടാകും. 28ന് വൈകീട്ട് കണ്ണൂര് വിമാനത്താവളം വഴി ഡല്ഹിയിലേക്ക് മടങ്ങും.
കല്പ്പറ്റ സീറ്റ് വിഷയത്തില് രാഹുല് ഗാന്ധി എത്തിയാല് ചര്ച്ചകള് നടക്കുമെന്നാണ് പ്രതീക്ഷിക്കുന്നത്. കോണ്ഗ്രസിന്റെ ഉറച്ച മണ്ഡലമായി കണക്കാക്കുന്ന കല്പ്പറ്റയില് മത്സരിക്കണമെന്ന് മുല്ലപ്പള്ളി രാമചന്ദ്രന് ആഗ്രഹം പ്രകടിപ്പിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
