രാത്രിയില്‍ നിര്‍ത്താതെയുള്ള ആനയുടെ ചിന്നംവിളി വിതുരയിലെ നാട്ടുകാരെ ആശങ്കയിലാക്കി. എന്താണ് കാര്യമെന്നറിയാതെ അവര്‍ എങ്ങനേയും നേരം വെളുപ്പിച്ചു. ഇങ്ങനെയൊരു വിളി കേട്ടിട്ടേയില്ല. നിര്‍ത്തുന്നതേയില്ല. രാവിലെ കാര്യമെന്തന്നറിയാനായി നാട്ടുകാര്‍ അന്വേഷിച്ചിറങ്ങി.

തെരച്ചിലിനൊടുവില്‍ കണ്ട കാഴ്ച വളരെ ദയനീയമായിരുന്നു. എല്ലാവരേയും ആ കാഴ്ച കണ്ണീരിലാഴ്ത്തി. വീണു കിടക്കുന്ന അമ്മ ആനയെ തട്ടിയുണര്‍ത്താന്‍ കണ്ണീരോടെ പരിശ്രമിക്കുന്ന പിടിയാനക്കുട്ടി സങ്കടക്കാഴ്ചയായി.

ചിന്നംവിളിച്ചും തുമ്പികൊണ്ടും മുന്‍കാലുകള്‍ കൊണ്ടും തട്ടിവിളിച്ചും അമ്മയെ ഉണര്‍ത്താന്‍ ശ്രമിച്ച ആനക്കുട്ടി ആരെയും അടുത്തേക്ക് ചെല്ലാന്‍ അനുവദിച്ചില്ല.