എംഎല്എ പിവി അന്വറിനെ കാണാനില്ല; നിലമ്പൂര് പോലീസിൽ പരാതിയുമായി യൂത്ത് കോണ്ഗ്രസ്
നിലമ്പൂര് എംഎല്എ പിവി അന്വറിനെ ഒരു മാസത്തിലധികമായി കാണാനില്ലെന്ന് യൂത്ത് കോണ്ഗ്രസിന്റെ പരാതി. കഴിഞ്ഞ ഒരു മാസത്തിലധികമായി എംഎല്എയെക്കുറിച്ച് യാതൊരു വിവരമില്ലെന്നും നിയമസഭാ സമ്മേളനത്തില് പങ്കെടുത്തിട്ടില്ലെന്നും പരാതിയില് പറഞ്ഞു. പരാതിയുടെ അടിസ്ഥാനത്തില് അന്വേഷിച്ച് എംഎല്എയെ കണ്ടെത്തണമെന്നാവശ്യപ്പെട്ട് കോണ്ഗ്രസ് നിലമ്ബൂര് മുന്സിപ്പല് പ്രസിഡന്റ് മൂര്ഖന് ഷംസുദ്ദീനാണ് പരാതി നല്കിയിരിക്കുന്നത്.
നിലമ്ബൂര് പോലീസ് നേരിട്ട് സ്വീകരിക്കാത്തതിനാല് പരാതി ഇ-മെയില് വഴിയാണ് നല്കിയത്. നിലമ്ബൂര് സിഎന്ജി റോഡിന്റെ ശോച്യാവസ്ഥയയെക്കുറിച്ച് പരാതി അറിയിക്കാന് എംഎല്എ ഓഫീസിലെത്തിയപ്പോള് സ്ഥലത്തില്ലെന്ന വിവരമാണ് ലഭ്യമായത്. എന്നാല് ഒരുമാസമായി അദേഹം ഒതായിയിലെ വീട്ടിലോ തിരുവനന്തപുരത്തെ എഎല്എ ക്വാര്ട്ടേഴ്സിലോ എത്തിയിട്ടില്ലെന്നും പരാതിയില് വ്യക്തമാക്കുന്നു.
https://www.facebook.com/Malayalivartha