ബാര്‍ക്കോഴ: പത്ത് കോടിവാങ്ങിയ മന്ത്രി കെ ബാവുവിനെതിരെ തെളിവില്ല, അന്വേഷണം അവസാനിപ്പിക്കാന്‍ വിജിലന്‍സ്
ബാര്‍ ലൈസന്‍സ് ഫീസ് മുപ്പത് ലക്ഷം രൂപയായി ഉയര്‍ത്താതിരിക്കാന്‍ എക്‌സൈസ് മന്ത്രി കെ. ബാബുവിന് പത്ത് കോടി രൂപ കോഴ നല്‍കിയതിന് തെളിവില്ലെന്ന് വിജിലന്‍സിന്റെ കണ്ടെത്തല്‍.
ഈ സാഹചര്യത്തില്‍ ബാബുവിനെതിരെ നടത്തുന്ന ക്വിക്ക് വെരിഫിക്കേഷന് നിറുത്തിവയ്ക്കാന്‍ വിജിലന്‍സ് തീരുമാനമെടുക്കും. ക്വുക്ക് വെരിഫിക്കേഷന് അന്വേഷണത്തിന്റെ അവസാന ഘട്ടമെന്ന നിലയിലാണ് ബാബുവില്‍ നിന്ന് കഴിഞ്ഞ ദിവസം മൊഴിയെടുത്തത്. മന്ത്രിക്ക് പത്തുകോടി രൂപ കൊടുത്തെന്നും മന്ത്രിയുടെ ഓഫീസില്‍ വച്ചാണ് തുക കൈമാറിയതെന്നുമാണ് ബാര്‍ ഹോട്ടല്‍ ഓണേഴ്‌സ് അസോസിയേഷന്‍ വര്‍ക്കിംഗ് പ്രസിഡന്റ് ബിജുരമേശിന്റെ ആരോപണം. ഈ ആരോപണത്തിന് തെളിവുകളൊന്നും വിജിലന്‍സിന് കണ്ടെത്താനായിട്ടില്ല. ക്വുക്ക് വെരിഫിക്കോഷന്‍ റിപ്പോര്‍ട്ട് എറണാകുളം മേഖലാ എസ്.പി കെ. ജി. സൈമണ്‍ വിജിലന്‍സ് ഡയറക്ടര്‍ക്ക് കൈമാറും.
ബാര്‍ ലൈസന്‍സ് ഫീസ് മുപ്പത് ലക്ഷമായി കൂട്ടാന്‍ ഒരു ഘട്ടത്തിലും സര്‍ക്കാര്‍ തീരുമാനിച്ചിരുന്നില്ല. 22 ലക്ഷമായിരുന്നു ലൈസന്‍സ് ഫീസ്. അത് 23 ലക്ഷമായി ഉയര്‍ത്തിയത് മന്ത്രിയുടെ സാന്നിദ്ധ്യത്തില്‍ നടന്ന ഉന്നത എക്‌സൈസ് നികുതി വകുപ്പ് ഉദ്യോഗസ്ഥരുടെ യോഗമാണ്. ഈ യോഗത്തിന്റെ മിനിട്‌സ് വിജിലന്‍സ് വിശദമായി പരിശോധിച്ചതില്‍ മുപ്പത് ലക്ഷമായി ഉയര്‍ത്തുന്നതിനുള്ള ഒരു നിര്‍ദ്ദേശവും യോഗത്തില്‍ വന്നിട്ടില്ലെന്ന് വ്യക്തമായി. മാത്രമല്ല, യോഗത്തില്‍ പങ്കെടുത്ത നികുതി വകുപ്പ് സെക്രട്ടറിയുടെയും എക്‌സൈസ് കമ്മിഷണറുടെയും മൊഴികളും രേഖപ്പെടുത്തി. ബാര്‍ അസോസിയേഷന്‍ ഭാരവാഹികളുമായുള്ള മന്ത്രിയുടെ ചര്‍ച്ചയില്‍ ഒരു ഘട്ടത്തിലും ബാര്‍ ലൈസന്‍സ് ഫീസ് ഉയര്‍ത്തുന്ന കാര്യം വന്നിട്ടില്ല. യോഗത്തില്‍ പങ്കെടുത്ത ഉദ്യോഗസ്ഥരില്‍ നിന്ന് ശേഖരിച്ച മൊഴികള്‍ ഇത് ബലപ്പെടുത്തുന്നു.
ലൈസന്‍സ് ഫീസ് മുപ്പത് ലക്ഷമായി ഉയര്‍ത്താന്‍ പോകുന്നതായി വിവരമുണ്ടെന്നും ഫീസ് കൂട്ടരുതെന്നും നിര്‍ദ്ദേശിച്ചത് ബാറുടമകളായിരുന്നു. അതിന് മന്ത്രി ബാബുവില്‍ നിന്ന് യാതൊരു പ്രതികരണവും ആ സമയത്തുണ്ടായില്ല.സെക്രട്ടേറിയറ്റിലെ മന്ത്രിയുടെ ഓഫീസില്‍ വച്ച് തുക കൈമാറിയെന്നത് അടിസ്ഥാന രഹിതമാണെന്നാണ് സാഹചര്യ തെളിവുകളുടെ അടിസ്ഥാനത്തിലും വിജിലന്‍സിന്റെ വിലയിരുത്തല്‍. പത്ത് കോടി രൂപ അടങ്ങുന്ന ബാഗ് ബാറുടമകളില്‍ നിന്ന് വാങ്ങിയ മന്ത്രി ഉടനേ തന്റെ െ്രെപവറ്റ് സെക്രട്ടറി ആര്‍. സുരേഷിനെ ഏല്പിച്ചെന്നും പിന്നീട് പുറത്തിറങ്ങിയ താന്‍ സുരേഷ് ഈ ബാഗ് സെക്രട്ടേറിയറ്റ് പരിസരത്ത് പാര്‍ക്ക് ചെയ്തിരുന്ന കാറില്‍ കൊണ്ടുവയ്ക്കുന്നത് കണ്ടുവെന്നുമാണ് ബിജു രമേശിന്റെ മൊഴി. ഈ മൊഴിയുടെ അടിസ്ഥാനത്തില്‍ നടത്തിയ പരിശോധനയിലും തെളിവെടുപ്പിലും ഈ വാദം തെളിയിക്കുന്ന ഒന്നും കണ്ടെത്താനായിട്ടില്ലത്രേ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
