മുപ്പത്തിയഞ്ചു വര്ഷത്തിലധികമായി കളിക്കളത്തില് ജീവിച്ച ഫുട്ബാള് താരവും പ്രമുഖ പരിശീലകയുമായ ഫൗസിയ മാമ്പറ്റ അന്തരിച്ചു
മുപ്പത്തിയഞ്ചു വര്ഷത്തിലധികമായി കളിക്കളത്തില് ജീവിച്ച ഫുട്ബാള് താരവും പ്രമുഖ പരിശീലകയുമായ ഫൗസിയ മാമ്പറ്റ അന്തരിച്ചു. അര്ബുദരോഗ ബാധിതയായിരുന്നു. രാവിലെയാണ് അന്ത്യം സംഭവിച്ചത്. കബറടക്കം ഉച്ചക്ക് 11.30ന് ഈസ്റ്റ് വെള്ളിമാട്കുന്ന് ജുമാമസ്ജിദില് നടക്കും.
നടക്കാവ് ഗവണ്മെന്റ് ഗേള്സ് ഹയര് സെക്കണ്ടറി സ്കൂളിലെ കായിക പരിശീലകയായിരുന്നു. സഹോദരിയുടെയും ഉമ്മയുടെയും കൂടെ വെള്ളിമാട്കുന്നിലെ വീട്ടിലായിരുന്നു താമസം. കോഴിക്കോട് മാമ്പറ്റ കുഞ്ഞിമൊയ്തു-ബിച്ചിവി ദമ്പതിമാരുടെ ആറുമക്കളില് നാലാമത്തെ കുട്ടിയായ ഫൗസിയ നടക്കാവ് സ്കൂളില് പഠിക്കുമ്പോഴാണ് കായിക രംഗത്തെത്തുന്നത്.
തുടക്കം ഹാന്ഡ്ബാളിലായിരുന്നു. പിന്നീട് പല കായിക ഇനങ്ങളിലും മാറ്റുരച്ചു. വെയ്റ്റ് ലിഫ്റ്റിങ്ങില് സംസ്ഥാന ചാമ്പ്യന്, പവര് ലിഫ്റ്റിങ്ങില് സൗത്ത് ഇന്ത്യയില് മൂന്നാംസ്ഥാനം, ഹാന്ഡ്ബാള് സംസ്ഥാന ടീമംഗം, ജൂഡോയില് സംസ്ഥാന തലത്തില് വെങ്കലം, ഹോക്കി, വോളിബാള് എന്നിവയില് ജില്ലാ ടീമംഗം ദേശീയ ഗെയിംസ് വനിതാ ഫുട്ബാളില് കേരളത്തിന്റെ ഗോള്കീപ്പറായിരുന്നു.
"
https://www.facebook.com/Malayalivartha
