ലൗ ജിഹാദിന്റെ പേരില്‍ ഇല്ലാത്ത ശത്രുവിനെ മുന്നില്‍ നിര്‍ത്തി ബി.ജെ.പി വര്‍ഗീയത കളിക്കുകയാണെന്ന്​ സി.പി.എം ആക്​ടിങ്​ സെക്രട്ടറി എ. വിജയരാഘവന്‍. ലൗ ജിഹാദ്​ തടയാന്‍ യു.പി മാതൃകയില്‍ നിയമനിര്‍മാണം കൊണ്ടുവരുമെന്ന ബി.ജെ.പി സംസ്​ഥാന പ്രസിഡന്‍റ്​ കെ. സുരേന്ദ്രന്റെ പ്രസ്​താവനയോട്​ പ്രതികരിക്കുകയായിരുന്നു അദ്ദേഹം.

വിദ്വേഷരാഷ്​ട്രീയത്തിന്റെ ഉല്‍പന്നമാണ്​ ലൗ ജിഹാദ്​. ഇതിന്റെ പിന്നില്‍ അന്യമത വിദ്വേഷം ഉണ്ടാക്കുകയാണ്​ ബി.ജെ.പിയുടെ ലക്ഷ്യം. കേരളത്തില്‍ അത്തരമൊരു നിയമം നടപ്പാക്കില്ലെന്ന്​ മുഖ്യമ​ന്ത്രി നേരത്തെ വ്യക്തമാക്കിയിട്ടുണ്ടെന്നും വിജയരാഘവന്‍ പറഞ്ഞു.