ഈരാറ്റുപേട്ടയില്‍ ബൈക്ക് കെട്ടിടത്തിലേക്ക് ഇടിച്ചുണ്ടായ അപകടത്തില്‍ യുവാവ് മരിച്ചു. പൂഞ്ഞാര്‍ പനച്ചികപ്പാറ സ്വദേശി അഭിജിത്ത് (28) ആണ് മരിച്ചത്.

ഈരാറ്റുപേട്ട തൊടുപുഴ റോഡിലെ ഈലക്കയത്ത് വച്ചാണ് അപകടം സംഭവിച്ചത്. റോഡിലെ വളവ് തിരിയാതെ ബൈക്ക് നേരെ കെട്ടിടത്തിലേക്ക് ഇടിച്ചു കയറുകയായിരുന്നു. പുലര്‍ച്ചെയാണ് അപകടം സംഭവിച്ചത്്. അപകടത്തിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. അഭിജിത്ത് സ്ഥിരമായി ഇതുവഴി യാത്ര ചെയ്യുന്നതാണ്.

സംഭവത്തിന്റെ സിസിടിവി ദൃശ്യങ്ങള്‍ കണ്ടവര്‍ സാക്ഷ്യപ്പെടുത്തുന്നത്, അഭിജിത്ത് രാവിലെ ഉറങ്ങിപ്പോയതാകാം അപകടത്തിന് കാരണമെന്നാണ്. രാവിലെ ആയതിനാല്‍ റോഡില്‍ മറ്റ് വാഹനങ്ങളൊന്നും ഉണ്ടായിരുന്നില്ല. പിന്നീട് വളരെ സമയത്തിന് ശേഷം അതുവഴി വന്ന വാഹനത്തിലെ യാത്രക്കാരാണ് അഭിജിത്ത് അപകടത്തില്‍പെട്ട് കിടക്കുന്നത് കാണുന്നത്. ഉടനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പൊലീസ് സംഭവ സ്ഥലത്തെത്തി തുടര്‍നടപടികള്‍ സ്വീകരിച്ചു.