നാളെ നടക്കാനിരുന്ന ഹയര് സെക്കന്ഡറി മോഡല് പരീക്ഷകള് മാറ്റി....
നാളെ നടക്കാനിരുന്ന ഹയര് സെക്കന്ഡറി മോഡല് പരീക്ഷകള് മാറ്റി. മാര്ച്ച് എട്ടാം തീയതിയിലേക്കാണ് പരീക്ഷ മാറ്റിയത്.എംജി സര്വകലാശാലയും ചൊവ്വാഴ്ചത്തെ എല്ലാ പരീക്ഷകളും മാറ്റി. സംയുക്ത പണിമുടക്ക് പരിഗണിച്ചാണ് മാറ്റം.
രാജ്യത്ത് അനിയന്ത്രിതമായി ഉയരുന്ന ഇന്ധന വിലയില് പ്രതിഷേധിച്ച് സംയുക്ത സമരസമിതി ആഹ്വാനം ചെയ്ത വാഹന പണിമുടക്ക് നാളെ. രാവിലെ 6 മുതല് വൈകിട്ട് 6 വരെ വരെയാണ് പണിമുടക്ക്. കെഎസ്ആര്ടിസി യൂണിയനുകളും സ്വകാര്യ ബസ് സംഘടനകളും സഹകരിക്കുമെന്നു സമരസമിതി നേതാക്കള് അറിയിച്ചു.
മോട്ടോര് വാഹന പണിമുടക്കില് ചരക്ക് വാഹനങ്ങള്, ഓട്ടോ,ടാക്സി എന്നിവരും പണിമുടക്കില് പങ്കെടുക്കും. എന്നാല്, ബിജെപിയുടെ തൊഴിലാളി സംഘടനയായ ബിഎംഎസ് സമരത്തില് പങ്കെടുക്കില്ല.
അതിനിടെ സമരത്തെ തുടര്ന്ന് വിവിധ പരീക്ഷകള് മാറ്റിവച്ചു. എപിജെ അബ്ദുല് കലാം സാങ്കേതിക സര്വകലാശാല (കെടിയു) നാളത്തെ പരീക്ഷകള് മാറ്റി. കാലടി സംസ്കൃത സര്വകലാശാലയില് നാളെ നടത്താനിരുന്ന എംഎ മ്യൂസിയോളജി പ്രവേശന പരീക്ഷ മാറ്റിവച്ചു.
അതേസമയം കെഎസ്ആര്ടിസി യൂണിയനുകളും സ്വകാര്യ ബസ് സംഘടനകളും സഹകരിക്കുമെന്നു സമരസമിതി നേതാക്കള് അറിയിച്ചു. കേന്ദ്ര സര്ക്കാര് എക്സൈസ് നികുതി, അഡീഷനല് എക്സൈസ്, സര്ചാര്ജ് തുടങ്ങിയവ കുത്തനെ ഉയര്ത്തിയതും പെട്രോളിയം കമ്ബനികള്ക്ക് കൊള്ളലാഭമുണ്ടാക്കാന് അവസരമൊരുക്കിയതുമാണ് വിലക്കയറ്റത്തിന് പിന്നില്. വിലക്കയറ്റം പിന്വലിക്കാന് കേന്ദ്ര സര്ക്കാര് തയാറാകണമെന്നാവശ്യപ്പെട്ടാണ് പണിമുടക്ക് .
എന്നാല് നാളെ കടകള് തുറന്നു പ്രവര്ത്തിക്കുമെന്ന് വ്യാപാരി വ്യവസായി ഏകോപനസമിതി ജനറല് സെക്രട്ടറി രാജു അപ്സര പറഞ്ഞു. പണിടുക്കിന്റെ ഭാഗമായി കടകള് അടച്ചിടാന് തീരുമാനിച്ചിട്ടില്ല. എന്നാല് ഗതാഗതസൗകര്യം കുറവുള്ളതിനാല് കച്ചവടക്കാര്ക്ക് എത്തിച്ചേരാന് ബുദ്ധിമുട്ടുണ്ടാവും. ഇതിനാല് ചില വ്യാപാരികള് കടകള് തുറക്കാനിടയില്ലെന്നും അദ്ദേഹം പറഞ്ഞു.
"
https://www.facebook.com/Malayalivartha