മുഖ്യമന്ത്രി പിണറായി വിജയനും മന്ത്രിമാരും കൊവിഡ് പ്രതിരോധ കുത്തിവയ്പ്പ് എടുക്കുവാൻ ഒരുങ്ങുന്നു; അടുത്ത ദിവസം തന്നെ ഇതിനുളള നടപടിക്രമങ്ങള് പൂര്ത്തിയാക്കി വാക്സിന് സ്വീകരിക്കുമെന്ന് ആരോഗ്യമന്ത്രി കെ കെ ശൈലജ ടീച്ചർ
പ്രധാന മന്ത്രി നരേന്ദ്ര മോഡി ഇന്ന് കോവിഡ് വാക്സിൻ സ്വീകരിച്ചിരുന്നു. മുഖ്യമന്ത്രി പിണറായി വിജയനും മന്ത്രിമാരും കൊവിഡ് പ്രതിരോധ കുത്തിവയ്പ്പ് എടുക്കുവാൻ ഒരുങ്ങുകയാണ് . അടുത്ത ദിവസം തന്നെ ഇതിനുളള നടപടിക്രമങ്ങള് പൂര്ത്തിയാക്കി വാക്സിന് സ്വീകരിക്കുമെന്ന് ആരോഗ്യമന്ത്രി കെ കെ ശൈലജ ടീച്ചർ വ്യക്തമാക്കി . വാക്സിനേഷന് സംസ്ഥാനം സുസജ്ജമാണെന്നും കൂടുതല് കേന്ദ്രങ്ങള് ഇതിനായി വേണമെന്നും ആരോഗ്യമന്ത്രി പറഞ്ഞു.
വാക്സിനേഷന് പ്രക്രിയയില് സ്വകാര്യ മേഖലയെക്കൂടി ഉപയോഗപ്പെടുത്തും. പ്രധാനമന്ത്രി വാക്സിന് സ്വീകരിച്ചത് വളരെ സന്തോഷകരമായ കാര്യമാണ്. വാക്സിന് സ്വീകരിക്കാന് നേരത്തെ ഞങ്ങള് തയ്യാറായിരുന്നു. ആരോഗ്യപ്രവര്ത്തകര്ക്കൊപ്പം ജനപ്രതിനിധികള് വാക്സിന് എടുക്കേണ്ടതില്ല, അവരുടെ ഊഴം വരുമ്പോള് എടുത്താല് മതിയെന്ന പ്രധാനമന്ത്രിയുടെ യോഗത്തില് നിര്ദേശം വന്നിരുന്നു. അതുകൊണ്ടാണ് വാക്സിന് സ്വീകരിക്കാതിരുന്നതെന്നും ശൈലജ വ്യക്തമാക്കി.
വാക്സിന് സ്വീകരിക്കുന്നതില് മറ്റാര്ക്കും മടിയുണ്ടാകാതിരിക്കാന് ആരോഗ്യമന്ത്രി എന്ന നിലയില് ആദ്യം വാക്സിന് എടുക്കാന് ആഗ്രഹമുണ്ടായിരുന്നു. പക്ഷേ, ഊഴം വരാന് കാത്തുനിന്നതാണെന്നും മന്ത്രി പറഞ്ഞു . രാജ്യത്ത് ഇന്ന് ആരംഭിച്ച രണ്ടാം ഘട്ട വാക്സിന് വിതരണം പുരോഗമിക്കുകയാണ്. 60 വയസ് കഴിഞ്ഞവരുടെയും 45 വയസിന് മുകളിലുളള മറ്റ് രോഗങ്ങള് ഉളളവരുടെയും കൊവിഡ് വാക്നിഷേനാണ് നടക്കുന്നത്. പത്ത് കോടിയിലധികം പേര്ക്ക് കൊവിഡ് വാക്സിന് നല്കുന്നതിനുളള നടപടികള്ക്കാണ് രണ്ടാം ഘട്ടത്തിലൂടെ തുടക്കം കുറിച്ചത്.
സംസ്ഥാനത്ത് സ്വയം രജിസ്റ്റര് ചെയ്യാന് ആകാത്തവര് വാക്സിനേഷന് കേന്ദ്രങ്ങളില് എത്തിയാല് അവിടെ രജിസ്റ്റര് ചെയ്യാനുളള സംവിധാനം ഏര്പ്പെടുത്തിയിട്ടുണ്ട്. സര്ക്കാര് മേഖലയില് സൗജന്യമായി നല്കുന്ന വാക്സിന് സ്വകാര്യ ആശുപത്രികളില് 250 രൂപയാണ് നല്കേണ്ടുന്നത് .
അതേ സമയം പ്രധാനമന്ത്രി നരേന്ദ്ര മോദി കൊറോണ വാക്സിന്റെ ആദ്യ ഡോസ് സ്വീകരിച്ചു. ഡല്ഹി എയിംസില് നിന്നാണ് പ്രധാനമന്ത്രി ആദ്യ ഡോസ് സ്വീകരിച്ചത്. ഇന്നുമുതല് കൊറോണ വാക്സിന്റെ രണ്ടാം ഘട്ടം ആരംഭിച്ചിട്ടുണ്ട്. 60 വയസിന് മുകളിലുള്ളവര്ക്ക് കുത്തിവെപ്പ് ആരംഭിച്ചതോടെയാണ് പ്രധാനമന്ത്രി ഇന്ന് വാക്സിന് സ്വീകരിച്ചത്. ഭാരത് ബയോട്ടെക്കിന്റെ കൊവാക്സിന് കുത്തിവെപ്പാണ് പ്രധാനമന്ത്രി ഇന്ന് സ്വീകരിച്ചത്. ഇക്കാര്യം പ്രധാനമന്ത്രി തന്നെയാണ് ട്വിറ്ററിലൂടെ അറിയിച്ചത്.
https://www.facebook.com/Malayalivartha
