ഇന്ധനവില വര്ധനവില് പ്രതിഷേധിച്ച് സംസ്ഥാനത്ത് നാളെ വാഹനപണിമുടക്ക്
പെട്രോള്, ഡീസല് വില വര്ധനവില് പ്രതിഷേധിച്ച് സംയുക്ത സമരസമിതിയുടെ നേതൃത്വത്തില് നാളെ രാവിലെ ആറു മുതല് വൈകിട്ട് ആറു വരെ സംസ്ഥാനത്ത് വാഹനപണിമുടക്ക് നടത്തും. ബിഎംഎസ് ഒഴികെയുള്ള ട്രേഡ് യൂണിയനുകള് പണിമുടക്കില് പങ്കെടുക്കുന്നതാണ്. കെഎസ്ആര്ടിസി ബസ്സുകളുടെ സര്വ്വീസും മുടങ്ങുന്നതാണ്. ടാക്സി, ഓട്ടോ,സ്വകാര്യ ബസ്സുകള് എന്നിവരും പണിമുടക്കില് പങ്കെടുക്കുന്ന സാഹചര്യത്തില് പൊതുഗതാഗതം സ്തംഭിക്കും. പണിമുടക്കിനെ ധാര്മികമായി പിന്തുണക്കുമെങ്കിലും കടകള് തുറക്കുമെന്ന് വ്യാപാരി വ്യവസായി അസോസിയോഷന് അറിയിക്കുകയുണ്ടായി. വാഹന പണിമുടക്ക് കണക്കിലെടുത്ത് എസ്എസ്എല്സി മോഡല് പരീക്ഷയും സര്വ്വകലാശാല പരീക്ഷകളും മാറ്റിവച്ചിട്ടുണ്ട്.
https://www.facebook.com/Malayalivartha