പുല്ലു തിന്നാൻ റബർ തോട്ടത്തിൽ കയറിയ ഒരു വയസുള്ള പോത്തിനെ കൊന്ന് റബറിൽകെട്ടിത്തൂക്കിയതായി പരാതി. കോട്ടയം മണർകാട് മാലത്തിന് സമീപം ഇന്നലെ രാത്രിയിലായിരുന്നു പൊത്തിനോട് ക്രൂരത നടന്നത്. ഒരു വയസ് പ്രായമുള്ള പോത്തിനെ മരത്തിൽക്കെട്ടിയിട്ട് ക്രൂരമായി കൊലപ്പെടുത്തുകയായിരുന്നു. സംഭവത്തിനു പിന്നിൽ ദുരൂഹതയുണ്ടെന്നുള്ള ആരോപണം ഉയർന്നതോടെ മണർകാട് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.