ഐഫോണ് വിവാദം... കോടിയേരി ബാലകൃഷ്ണന്റെ കുടുംബത്തിന് ഇത്രയധികം പണം എവിടെ നിന്നാണ് ലഭിച്ചതെന്ന് വ്യക്തമാക്കണം; പുറത്തുവന്ന വാര്ത്തകള് ചെറിയ പടക്കം മാത്രം വലിയ പടക്കങ്ങള് പൊട്ടാനിരിക്കുന്നതേയുള്ളുവെന്ന് കെ. സുധാകരന്
ഐഫോണ് വിവാദത്തില് കോടിയേരിയുടെ ഭാര്യ വിനോദിനി ബാലകൃഷ്ണനെ കസ്റ്റംസ് ചോദ്യം ചെയ്യാന് വിളിപ്പിച്ചു എന്ന വാര്ത്തയ്ക്ക് പിന്നാലെ രൂക്ഷ വിമര്ശനവുമായി കോണ്ഗ്രസ് നേതാവ് കെ. സുധാകരന്. വിനോദിനിക്ക് ഐ ഫോണ് ലഭിച്ചതിനെക്കുറിച്ച് പുറത്തുവന്ന വാര്ത്തകള് ചെറിയ പടക്കം മാത്രമാണെന്നും വലിയ പടക്കങ്ങള് പൊട്ടാനിരിക്കുന്നതേയുള്ളുവെന്നും അദ്ദേഹം പറഞ്ഞു.
സി.പി.എം പോളിറ്റ് ബ്യൂറോ മെംബര് കോടിയേരി ബാലകൃഷ്ണന്റെ കുടുംബത്തിന് ഇത്രയധികം പണം എവിടെ നിന്നാണ് ലഭിച്ചതെന്ന് വ്യക്തമാക്കണമെന്നും അദ്ദേഹം പറഞ്ഞു. ഏത് പശ്ചാത്തലത്തിലാണ് കോടിയേരി ബാലകൃഷ്ണന് അവധിയെടുത്തതെന്നും പറയണം. അദ്ദേഹത്തിന്റെ അനാരോഗ്യം മൂലമോ, രോഗം കൂടിയിട്ടോ അല്ല. വിദഗ്ധ ചികിത്സക്ക് പോകുന്നുവെന്ന് പറഞ്ഞിട്ട് ഒരു ചികിത്സക്കും കോടിയേരി പോയിട്ടില്ലെന്നും സുധാകരന് പറഞ്ഞു . മുഖ്യമന്ത്രിയുടെ മകളുടെ ഐടി ബിസിനസിന്റെ മൂലധനം എവിടെ നിന്നാണെന്നും സുധാകരന് ആരാഞ്ഞു.
https://www.facebook.com/Malayalivartha
