എയ്ഡഡ് സ്കൂളിലെ അധ്യാപകര്ക്ക് തെരഞ്ഞെടുപ്പില് മത്സരിക്കുന്നതിനുള്ള വിലക്ക് നീക്കണം; കേരള ഹൈക്കോടതി ഉത്തരവിനെതിരേ സുപ്രീം കോടതിയില് ഹര്ജി
എയ്ഡഡ് സ്കൂളിലെ അധ്യാപകര് തെരഞ്ഞെടുപ്പില് മത്സരിക്കുന്നതും രാഷ്ട്രീയ പ്രവര്ത്തനം നടത്തുന്നതും വിലക്കി കൊണ്ടുള്ള കേരള ഹൈക്കോടതി ഉത്തരവിനെതിരേ സുപ്രീം കോടതിയില് ഹര്ജി. അധ്യാപകര്ക്കായി അഭിഭാഷകന് ജാവേദൂര് റെഹ്മാനാണ് ഹര്ജി സമര്പ്പിച്ചിരിക്കുന്നത്.
പിറവം പാഴൂര് സ്വദേശി ജിബു. പി തോമസുള്പ്പെടെ നല്കിയ ഹര്ജിയിലാണ് കഴിഞ്ഞ മാസം 25ന് കേരള ഹൈക്കോടതി എയ്ഡഡ് സ്കൂള് അദ്ധ്യാപകര് തെരഞ്ഞെടുപ്പുകളില് മത്സരിക്കുന്നതില് നിന്ന് വിലക്കി ഉത്തരവ് പുറപ്പെടുവിച്ചത്. കുട്ടികളെ പഠിപ്പിക്കുകയെന്ന മുഖ്യഉത്തരവാദിത്വം മാറ്റിവച്ചാണ് എയ്ഡഡ് സ്കൂള് അധ്യാപകര് രാഷ്ട്രീയപ്രവര്ത്തനം നടത്തുന്നതെന്ന് ഹര്ജിയില് ചൂണ്ടിക്കാട്ടുന്നത്.
സര്ക്കാര് സ്കൂള് അധ്യാപകര്ക്കും ജീവനക്കാര്ക്കും രാഷ്ട്രീയപ്രവര്ത്തനം നടത്തുന്നതിന് നിയമപരമായി വിലക്കുണ്ട്. എയ്ഡഡ് സ്കൂള് അധ്യാപകര്ക്ക് വിലക്കില്ലാത്തത് വിവേചനപരമാണെന്നും ഹര്ജിക്കാര് ചൂണ്ടിക്കാട്ടി.
https://www.facebook.com/Malayalivartha