മുഖ്യമന്ത്രി പിണറായി വിജയന് ജനങ്ങളുടെ ആവശ്യങ്ങള് അറിയുന്ന നേതാവാണെന്നും ശബരിമല ബില് യുഡിഎഫിന് സര്ക്കാരിനെ അടിയ്ക്കാനുള്ള വടി മാത്രമാണെന്നും ഒ രാജഗോപാല് പറഞ്ഞത് എന്തിനാണെന്ന് ചെന്നിത്തലയ്ക്ക് മനസിലായി, പിണറായിക്കും മനസിലായി. അതുകൊണ്ട് തന്നെ സാക്ഷാല് മോദി ഇറങ്ങി കളം പിടിച്ചാലും താമര വിരിയാന് രാജേട്ടന് അനുവദിക്കില്ലേ എന്ന സംശയം ബാക്കി
ജയിപ്പിച്ചുവിട്ട അണികളെ പോലും തളളിപ്പറയുകയാണോ നേമത്തെ എം.എല്.എ ഒ. രാജഗോപാല് എന്ന് പലപ്പോഴും ബി.ജെ.പി കേന്ദ്ര സംസ്ഥാന നേതൃത്വങ്ങള് പോലും സംശയിച്ചു. അത്രയ്ക്കായിരുന്നു ഈ അഞ്ച് വര്ഷക്കാലം രാജേട്ടന്റെ ശ്രീരാമകൃ്ഷ്ണ പിണറായി സ്നേഹം. ആ പേരിലാണ് വീണത് എന്ന സ്പീക്കര് തിരഞ്ഞെടുപ്പിലെ വിവാദത്തില് തുടങ്ങി ഏറ്റവും ഒടുവില് പിണറായിക്ക് പലപ്പോഴായി അറിഞ്ഞും അറിയാതെയും നല്കിയ ഗ്രീന് വാര്ഡ് വരെ നേമത്ത് തിരിച്ചടിക്കാതിരുന്നാല് ഭാഗ്യം.
തീര്ന്നില്ല. പിണറായി ജനങ്ങളോട് പ്രതിബന്ധതയുള്ള മുഖ്യമന്ത്രിയെന്ന് ഒ രാജഗോപാല് പറഞ്ഞതും ശബരിമല സര്ക്കാരിനെതിരായ വടി മാത്രമെന്നൊക്കെ പറഞ്ഞതും അണികള് ഞെട്ടലോടെയാണ് കേട്ടത്. ശബരിമല തെരഞ്ഞെടുപ്പ് വിഷയമല്ലെന്നും എന്നാല് പ്രതിപക്ഷ നേതാവ് രമേശ് ചെന്നിത്തല വിവാദങ്ങള് പെരുപ്പിച്ചു കാണിക്കാന് മിടുക്കനാണെന്നും ബിജെപി എംഎല്എ പറയുമ്പോള് എവിടെയൊക്കെയോ ഒരു സിപിഎം സ്നേഹം കണ്ടാല് ബി.ജെ.പിക്കാരെ കുറ്റം പറയരുത്.
എന്തായാലും ശബരിമല മുന്നിര്ത്തി യുഡിഎഫ് പ്രചാരണ പരിപാടികള് ആരംഭിച്ചതിനു പിന്നാലെ സംസ്ഥാന സര്ക്കാരിനു പിന്തുണയുമായി മുതിര്ന്ന ബിജെപി നേതാവും എംഎല്എയുമായ ഒ രാജഗോപാല് വന്നത് വലിയ മാധ്യമ വാര്ത്തയായതടക്കം നേമത്ത് പ്രതിഫലിക്കുമെന്ന കാര്യത്തില് സംശയമില്ല.
മുഖ്യമന്ത്രി പിണറായി വിജയന് ജനങ്ങളുടെ ആവശ്യങ്ങള് അറിയുന്ന നേതാവാണെന്നും ശബരിമല ബില് യുഡിഎഫിന് സര്ക്കാരിനെ അടിയ്ക്കാനുള്ള വടി മാത്രമാണെന്നും ഒ രാജഗോപാല് പറഞ്ഞത് എന്തിനാണെന്ന് ചെന്നിത്തലയ്ക്ക് മനസിലായി, പിണറായിക്കും മനസിലായി. അതുകൊണ്ട് തന്നെ സാക്ഷാല് മോദി ഇറങ്ങി കളം പിടിച്ചാലും താമര വിരിയാന് രാജേട്ടന് അനുവദിക്കില്ലേ എന്ന് സംശയം തോന്നിപോകും.
വിശ്വാസവും മതവും രാഷ്ട്രീയവുമായി കൂട്ടിക്കലര്ത്തരുതെന്നും വിശ്വാസകാര്യങ്ങളില് ജനങ്ങള്ക്ക് പൂര്ണസ്വാതന്ത്ര്യം ഉണ്ടാവണമെന്നും വ്യക്തമാക്കിയ അദ്ദേഹം പിന്നെ ആരാണ് ഇത്രയും നാള് പ്രശ്നമുണ്ടാക്കിയതെന്നു കൂടി തെളിച്ചു പറയണമായിരുന്നു. അതോ മറന്നതോ?
തീര്ന്നില്ല പാര്ട്ടിയെ പ്രതിരോധത്തിലാക്കിയ ആ വെളിപ്പെടുത്തലും നടത്തി എം.എല്.എ. ബിജെപി എല്.ഡി.എഫിനും യു.ഡി.എഫിനും വോട്ട് മറിച്ചിട്ടുണ്ടെന്ന് വെളിപ്പെടുത്തി ഒ.രാജഗോപാല് വെളിപ്പെടുത്തിയത് പാര്ട്ടിക്ക് വലിയ തിരിച്ചടിയാകും.
എന്നാല് ഒരു മുന്നണിയെ തോല്പിക്കാന് മറ്റൊരു മുന്നണിക്ക് വോട്ട് ചെയ്യുന്നത് ശരിയല്ലെന്ന് രാജഗോപാല് പാര്ട്ടി പ്രവര്ത്തകരെ ഉപദേശിച്ചു.കോണ്ഗ്രസ് മുക്തഭാരതത്തിനായി ഇത്തവണ എല്.ഡി.എഫ്- ബി.ജെ.പി ധാരണയുണ്ടെന്ന് യു.ഡി.എഫ് ആരോപിക്കുന്ന അവസരത്തിലാണ് രാജഗോപാലിന്റെ വെളിപ്പെടുത്തല്. അപ്പോള് പിന്നെ ആ വോട്ടുകള് ആര്ക്ക് പോകുമെന്നതും ചിന്തനീയം.
ഇതിനിടയിലാണ് നേമത്ത് ശക്തരായ സാരഥികളെ കളത്തിലിറക്കാന് മറ്റ് മുന്നണികള് മല്സരിച്ചത്.
ജയസാധ്യത പരിഗണിച്ച് നേമത്ത് കെ.മുരളീധരന് മത്സരിക്കാനുളള സാധ്യതയേറി. സ്ഥാനാര്ഥി ആകുന്നതിനൊപ്പം പ്രചാരണസമിതി ചെയര്മാന് സ്ഥാനം ഏറ്റെടുക്കാനില്ലെന്ന് കെ.മുരളീധരന് ഹൈക്കമാന്ഡിനെ അറിയിച്ചു.
ബി.ജെ.പി. ശക്തിപ്രാപിച്ച തിരുവനന്തപുരത്തെ നേമം, വട്ടിയൂര്ക്കാവ്, കഴക്കൂട്ടം മണ്ഡലങ്ങളില് സ്ഥാനാര്ഥിനിര്ണയം കീറാമുട്ടിയായിരിക്കുകയാണ്. എം.പി.മാര് മത്സരിക്കേണ്ടെന്ന മുന് നിലപാടില്നിന്നുമാറി നേമത്ത് കെ. മുരളീധരനെ മത്സരിപ്പിക്കാന് ശ്രമംനടക്കുന്നുണ്ട്.
കെ.മുരളീധരന് ജയസാധ്യത കൂടുതല് ഉളള നേമത്ത് രമേശ് ചെന്നിത്തലയോ, ഉമ്മന്ചാണ്ടിയോ സ്ഥാനാര്ഥി ആയാല് വിജയിക്കുക എളുപ്പമല്ലെന്നും ചര്ച്ചകള് ഉയര്ന്നിരുന്നു. കഴിഞ്ഞതവണ ഒ. രാജഗോപാല് ജയിച്ച മണ്ഡലത്തില് കെ.മുരളീധരനെ കൊണ്ടുവരുന്നത് ബി.ജെ.പി.യെ പ്രതിരോധിക്കുന്നത് സി.പി.എം. ആണെന്ന പ്രചാരണത്തിന്റെ മുനയൊടിക്കാന് സഹായിക്കുമെന്നാണ് വിലയിരുത്തല്.
കേരളത്തിന്റെ ചുമതലയുളള ജനറല് സെക്രട്ടറി താരിഖ് അന്വര് അടക്കമുളള നേതാക്കളുമായി കെ.മുരളീധരന് കൂടിക്കാഴ്ച നടത്തി. മത്സരിക്കുന്നതിനൊപ്പം പ്രചാരണസമിതി ചെയര്മാന് സ്ഥാനം ഏറ്റെടുക്കാനില്ലെന്ന നിലപാട് അദ്ദേഹം ഹൈക്കമാന്ഡിനെ അറിയിച്ചു. ഉമ്മന് ചാണ്ടിയോ മുരളീധരനോ; നേമത്ത് ആരെത്തും. ആര് ജയിക്കും
https://www.facebook.com/Malayalivartha