സ്വര്ണക്കടത്ത്, സ്വപ്ന എന്തൊക്കെ വാരി നിരത്തി വിമര്ശകര് പക്ഷെ അതിനൊന്നും പിണറായിയെ തകര്ക്കാനാവുന്നില്ലെങ്കില് അത് തന്നെയാണ് ആ നേതാവിന്റെ മിടുക്ക്. ഏതൊക്കെ പരിപ്പ് ഇറക്കിയാലും പിണറായിയുടെ അടുത്ത് വേവില്ല. അതുകൊണ്ടാണല്ലോ ഇരട്ടചങ്കനെന്നും ചങ്കല്ല ചങ്കിടിപ്പാണ് വിജയേട്ടന് എന്നൊക്കെ അടുത്തറിയുന്നവര് പറയുന്നത്
കനകം മൂലം കാമിനി മൂലം കലഹം പലവിധം ഇപ്പോള് സുലഭം. സ്വര്ണക്കടത്ത്, സ്വപ്ന എന്തൊക്കെ വാരി നിരത്തി വിമര്ശകര് പക്ഷെ അതിനൊന്നും പിണറായിയെ തകര്ക്കാനാവുന്നില്ലെങ്കില് അത് തന്നെയാണ് ആ നേതാവിന്റെ മിടുക്ക്. ഏതൊക്കെ പരിപ്പ് ഇറക്കിയാലും പിണറായിയുടെ അടുത്ത് വേവില്ല. അതുകൊണ്ടാണല്ലോ ഇരട്ടചങ്കനെന്നും ചങ്കല്ല ചങ്കിടിപ്പാണ് വിജയേട്ടന് എന്നൊക്കെ അടുത്തറിയുന്നവര് പറയുന്നത്.
അതവിടെ നില്ക്കെട്ട ഇനി അടുത്ത പോയിന്റിലേയ്ക്ക് വരാം. ബിന്ദുവില് നിന്നും കേന്ദ്രബിന്ദുവിലേയ്ക്ക്. അതായത് ബന്ധുനിയമനം തിരഞ്ഞെടുപ്പ് പട്ടികയിലും എന്ന് പറഞ്ഞവര്ക്ക് അറിയില്ലെങ്കില് അത് മനസിലാക്കി തരാം എന്നാണ് നേതാക്കന്മാരും അണികള് പറയുന്നത്.അതെന്താണ് എന്നല്ലേ. പിന്വാതില് അല്ല മുന്വാതില് തന്നെയെന്ന്. കേവലം ഒരു ബിന്ദുവല്ല ജനങ്ങളെന്ന കേന്ദ്ര ബിന്ദു തന്നെയാണ് വിഷയം.
സിപിഎം പട്ടികയില് നേതാക്കളുടെ ബന്ധുക്കളെ തുണച്ചത് പ്രവര്ത്തനം എന്ന് അടിവരിട്ട് പാര്ട്ടി പറഞ്ഞു കഴിഞ്ഞു. മിക്ക നേതാക്കളുടെ അടുത്ത ബന്ധുക്കളും ഇടം പിടിച്ചത് സിപിഎം പട്ടികയില് ശ്രദ്ധേയമായി. എന്നാല് ബന്ധുബലം മൂലമല്ല അവരുടെ സ്ഥാനാര്ഥിത്വം എന്നു നേതാക്കള് വ്യക്തമാക്കി. പാര്ട്ടിയിലെയും പൊതു രംഗത്തെയും പ്രവര്ത്തനത്തിനുള്ള അംഗീകാരമാണ് ഇവര്ക്കു നല്കിയതെന്നും നേതാക്കള് പറഞ്ഞു.
ഇരിങ്ങാലക്കുടയിലെ സിപിഎം സ്ഥാനാര്ഥി ആര്. ബിന്ദു സിപിഎം സംസ്ഥാന സെക്രട്ടറിയുടെ ചുമതല വഹിക്കുന്ന എല്ഡിഎഫ് കണ്വീനര് എ.വിജയരാഘവന്റെ ഭാര്യയാണ്. പഴയ എസ്എഫ്ഐ പ്രവര്ത്തകയും ഇപ്പോള് സിപിഎം ജില്ലാ കമ്മിറ്റി അംഗവുമായ ബിന്ദു, 2005 10ല് തൃശൂര് മേയര് ആയിരുന്നു. ചവറയില് സിപിഎം സ്വതന്ത്രനായി മത്സരിക്കുന്ന ഡോ. വി. സുജിത്, അന്തരിച്ച എംഎല്എ എന്. വിജയന് പിള്ളയുടെ മകനാണ്. 2016ല് എല്ഡിഎഫില് സിഎംപിക്കു നല്കിയതാണു ചവറ എങ്കിലും വിജയന് പിള്ള സ്വതന്ത്ര ചിഹ്നത്തിലാണു മത്സരിച്ചത്. പിന്നീട് സിഎംപി സിപിഎമ്മില് ലയിച്ചതോടെ ഈ സീറ്റ് സിപിഎമ്മിന്റേതായി
ആലത്തൂരിലെ മുന് സിപിഎം എംഎല്എ ആര്. കൃഷ്ണന്റെ പേരക്കുട്ടിയാണ് സ്ഥാനാര്ഥി കെ.ഡി. പ്രസേനന്. എസ്എഫ്ഐ, ഡിവൈഎഫ്ഐ ജില്ലാ സെക്രട്ടറിയായിരുന്നു. ശ്രീകൃഷ്ണപുരം മുന് എംഎല്എ ഇ.പദ്മനാഭന്റെ മകനും മുന് മലമ്പുഴ എംഎല്എയും സിപിഎം ജില്ലാ സെക്രട്ടറിയുമായിരുന്ന എം.പി. കുഞ്ഞിരാമന്റെ പേരക്കുട്ടിയുമാണ് പാലക്കാട്ടെ സ്ഥാനാര്ഥി സി.പി.പ്രമോദ്. മന്ത്രി എ.കെ. ബാലന്റെ പ്രൈവറ്റ് സെക്രട്ടറിയായിരുന്നു. ലോയേഴ്സ് യൂണിയന് സംസ്ഥാന സെക്രട്ടറിയാണ്.
ഡിവൈഎഫ്ഐ ദേശീയ അധ്യക്ഷന് എന്ന നിലയില് പ്രവര്ത്തനമികവു തെളിയിച്ച പി.എ. മുഹമ്മദ് റിയാസാണ് ബേപ്പൂരിലെ സ്ഥാനാര്ഥി. മുഖ്യമന്ത്രി പിണറായി വിജയന്റെ മകള് വീണയാണ് ഭാര്യ. സിപിഎം ബന്ധമല്ല, കോണ്ഗ്രസ് ബന്ധമാണ് ആലുവയിലെ സിപിഎം സ്ഥാനാര്ഥി ഷെല്ന നിഷാദിന്. കോണ്ഗ്രസ് മുന് എംഎല്എ കെ. മുഹമ്മദാലിയുടെ മകന്റെ ഭാര്യയാണ്.
സുപ്രീംകോടതി ചീഫ് ജസ്റ്റിസായിരുന്ന കെ.ജി.ബാലകൃഷ്ണന്റെ മരുമകനാണ് കുന്നത്തുനാട്ടിലെ സിപിഎം സ്ഥാനാര്ഥി പി.വി.ശ്രീനിജിന്. നേരത്തേ ഞാറയ്ക്കല് മണ്ഡലത്തില് യുഡിഎഫിന്റെ സ്ഥാനാര്ഥി ആയിരുന്ന ശ്രീനിജിന് ഇത്തവണ എല്ഡിഎഫ് സ്ഥാനാര്ഥിയാകുന്നു എന്ന പ്രത്യേകതയുണ്ട്.
അതായത് ചില്ലറ കളിയൊന്നുമല്ല, തികച്ചും മാതൃകാപരവും യുവാക്കളെ നിറച്ചുമുള്ള പട്ടികയാണ് ടീം പിണറായി പുറത്തിറക്കിയതെന്ന് സാരം. അതും വരുത്തിയത് വലിയ മാറ്റം, പുറത്തായത് 8 മന്ത്രിമാര്. അകത്തായത് യുവാക്കള്. അപ്പോള് ഇനി ഗോദയില് കാണാം ഈ പറഞ്ഞതിനൊക്കെ ജനസമ്മതിയുണ്ടോ എന്ന്
https://www.facebook.com/Malayalivartha
