എസ്.എസ്.എല്‍.സി, പ്ലസ് ടു, വി.എച്ച്.എസ്.ഇ, ടി.എച്ച്.എസ്.എല്‍.സി. പരീക്ഷകള്‍ തെരഞ്ഞെടുപ്പിനപ്പുറത്തേക്കു മാറ്റി. 17നു തുടങ്ങാന്‍ നിശ്ചയിച്ചിരുന്ന പരീക്ഷകള്‍ ഏപ്രില്‍ എട്ടു മുതലാകും നടത്തുക. മാറ്റിവച്ച എസ്.എസ്.എല്‍.സി. പരീക്ഷയുടെ സമയക്രമം പുനഃക്രമീകരിച്ചു. ഏപ്രില്‍ എട്ടു മുതല്‍ 12 വരെ ഉച്ചയ്ക്കുശേഷവും 15 മുതല്‍ 29 വരെ രാവിലെയുമായിരിക്കും പരീക്ഷ.

പരീക്ഷ മാറ്റണമെന്ന സംസ്ഥാന സര്‍ക്കാരിന്റെ ആവശ്യത്തിന് ഇന്നലെ തെരഞ്ഞെടുപ്പു കമ്മിഷന്റെ അനുമതി ലഭിച്ചു. ഓണ്‍ലൈനായി പഠിച്ച കുട്ടികള്‍ രണ്ടു മാസമായി സ്‌കൂളില്‍ പോയി റിവിഷനും മോഡല്‍ പരീക്ഷയും പൂര്‍ത്തിയാക്കി ഹാള്‍ ടിക്കറ്റിനായി കാത്തിരിക്കെയാണ് പരീക്ഷത്തീയതി മാറ്റിയിരിക്കുന്നത്. തെരഞ്ഞെടുപ്പു ജോലികളും പോളിങ് തയാറെടുപ്പുകളും മറ്റുമുള്ളതിനാല്‍ പരീക്ഷ മാറ്റണമെന്ന ഇടത് അധ്യാപക സംഘടനയായ കെ.എസ്.ടി.എയുടെ ആവശ്യം സര്‍ക്കാര്‍ അംഗീകരിച്ചതാണു തീയതി മാറ്റത്തിലെത്തിയത്.

പരീക്ഷ മാറ്റുന്നത് ജനുവരി മുതല്‍ തുടര്‍ച്ചയായി നടത്തിയ അധ്യയന ക്രമീകരണങ്ങള്‍ തകിടംമറിക്കുമെന്നു നിരവധി അധ്യാപക സംഘടനകള്‍ ചൂണ്ടിക്കാട്ടിയതു കണക്കിലെടുക്കാതെയാണു പരീക്ഷ മാറ്റണമെന്നു സംസ്ഥാന സര്‍ക്കാര്‍ തെരഞ്ഞെടുപ്പു കമ്മിഷനോട് അപേക്ഷിച്ചത്.

എസ്.എസ്.എല്‍.സി, പ്ലസ്ടു പരീക്ഷകളുടെ പുതുക്കിയ പരീക്ഷാ ടൈംടേബിള്‍.


എസ്.എസ്.എല്‍.സി പരീക്ഷാ ടൈംടേബിള്‍
ഏപ്രില്‍ എട്ട്: ഉച്ചയ്ക്ക് 1.40 മുതല്‍ 3.30 വരെ ഒന്നാം ഭാഷ പാര്‍ട്ട്1.
ഒന്‍പത്: ഉച്ചയ്ക്ക് 2.40 മുതല്‍ 4.30 വരെ മൂന്നാം ഭാഷ ഹിന്ദി/ജനറല്‍ നോളഡ്ജ്.
12: ഉച്ചയ്ക്ക് 1.40 മുതല്‍ 4.30വരെ രണ്ടാം ഭാഷ ഇംഗ്ലീഷ്.
15: രാവിലെ 9.40 മുതല്‍ 12.30 വരെ സോഷ്യല്‍ സയന്‍സ്.


19: രാവിലെ 9.40 മുതല്‍ 11.30 വരെ ഒന്നാം ഭാഷ പാര്‍ട്ട്2.
21: രാവിലെ 9.40 മുതല്‍ 11.30 വരെ ഫിസിക്‌സ്.
23: രാവിലെ 9.40 മുതല്‍ 11.30 വരെ ബയോളജി.
27: രാവിലെ 9.40 മുതല്‍ 12.30 വരെ ഗണിതം.
29: രാവിലെ 9.40 മുതല്‍ 11.30വരെ കെമിസ്ട്രി.


പ്ലസ്ടു പരീക്ഷാ ടൈംടേബിള്‍

ഏപ്രില്‍ എട്ട്:സോഷ്യോളജി, ആന്ത്രോപോളജി, ഇലക്‌ട്രോണിക് സര്‍വീസ് ടെക്‌നോളജി, ഇലക്‌ട്രോണിക് സിസ്റ്റംസ്.
ഒന്‍പത്: ഭാഷ പാര്‍ട്ട്2, കമ്പ്യൂട്ടര്‍ ഇന്‍ഫര്‍മേഷന്‍ ടെക്‌നോളജി, കമ്പ്യൂട്ടര്‍ സയന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി.
12: കെമിസ്ട്രി, ഹിസ്റ്ററി, ഇസ്ലാമിക് ഹിസ്റ്ററി, ബിസിനസ് സ്റ്റഡീസ്, കമ്യൂണിക്കേറ്റീവ് ഇംഗ്ലീഷ്.
16: ഗണിതം, ഭാഷ പാര്‍ട്ട്3, സംസ്‌കൃതം, സൈക്കോളജി.

20: ജോഗ്രഫി, മ്യൂസിക്ക്, സോഷ്യല്‍ വര്‍ക്ക്, ജിയോളജി, അക്കൗണ്ടന്‍സി.
22: പാര്‍ട്ട്1 ഇംഗ്ലീഷ്.
26: ഹോം സയന്‍സ്, ഗാന്ധിയന്‍ സ്റ്റഡീസ്, ഫിലോസഫി, ജേര്‍ണലിസം, കമ്പ്യൂട്ടര്‍ സയന്‍സ്, സ്റ്റാറ്റിസ്റ്റിക്‌സ്.
28:ഫിസിക്‌സ്, ഇക്കണോമിക്‌സ്.
30: ബയോളജി, ഇലക്‌ട്രോണിക്‌സ്, പൊളിറ്റിക്കല്‍ സയന്‍സ്, സംസ്‌കൃതം സാഹിത്യം, കമ്പ്യൂട്ടര്‍ ആപ്ലിക്കേഷന്‍, ഇംഗ്ലീഷ് സാഹിത്യം.